ខេត្តបន្ទាយមានជ័យ ៖ អភិបាលស្រុកភ្នំស្រុកថា ទឹកអាងត្រពាំងថ្មហ្នឹងកម្ពស់ទឹក១៨,៩៦ម៉ែត្ររហូតដល់ថ្ងៃទី២៦ ខែតុលា ឆ្នាំ២០២០នេះ។ លោក យឹម សំណាង អភិបាលស្រុកភ្នំស្រុកបានប្រាប់ល្ងាចថ្ងៃទី២៦…
ខេត្តបន្ទាយមានជ័យ ៖ អភិបាលស្រុកភ្នំស្រុកថា ទឹកអាងត្រពាំងថ្មហ្នឹងកម្ពស់ទឹក១៨,៩៦ម៉ែត្ររហូតដល់ថ្ងៃទី២៦ ខែតុលា ឆ្នាំ២០២០នេះ។ លោក យឹម សំណាង អភិបាលស្រុកភ្នំស្រុកបានប្រាប់ល្ងាចថ្ងៃទី២៦ ខែតុលា ឆ្នាំ២០២០ថា ទឹកអាងត្រពាំងថ្មស្រុកភ្នំស្រុកហ្នឹងហើយក្នុងកម្ពស់ទឹក១៨,៩៦ម៉ែត្រខណៈដែលរយៈពេល២ទៅ៣ថ្ងៃមុនទឹកមានការហក់ឡើងរាល់ថ្ងៃជាការព្រួយបារម្ភចំពោះអាជ្ញាធរ និងមន្ត្រីជំនាញ និងប្រជាពលរដ្ឋក្លាចបាក់ទំណប់នៅពេលទឹកជំនន់ធ្លាក់ពីផ្នែកខាងលើខ្លាំងស្រុងចូលអាងត្រពាំងថ្មស្រុកភ្នំស្រុក។
លោកបានបញ្ជាក់ថា ទឹកជំនន់អាងត្រពាំងថ្មស្រុកភ្នំស្រុកដែលហក់ឡើងខ្លាំងហើយរដូចធ្លាក់ខ្យល់ផងដោយទឹករលក់ខ្លាំងបុកជ្រាំងបណ្តាលបាក់មាត់ជ្រាំង និងប្រេះខ្នងអាងទើបឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយមបានឲ្យបើកទ្វារទឹកស្ពានទាំងបីនៅអាងត្រពាំងថ្មដែលទំហំជិត១០គីឡូម៉ែត្របួនជ្រុង។ លោក យឹម សំណាង បានបញ្ជាក់ថា៖ជាការព្រួយបារម្ភពីអាជ្ញាធរ និងមន្ត្រីជំនាញប្រជាពលរដ្ឋបានយកការ៉ុងច្រកដីបិទខ្នងទំនប់ និងកន្លែងទឹករលកបុកជ្រាំងបណ្តាលច្រុះដាច់ការពារទឹកហូរកាត់ខ្នងទំនប់ និងបាក់ខ្នងអាងបណ្តាលប៉ះពាល់ប្រជាពលរដ្ឋជាច្រើនគ្រួសារនៅស្រុកភ្នំស្រុក។
ហើយជាការយកចិត្តទុកដាក់ពីថ្នាក់ដឹកនាំឯកឧត្តម សេរី កុសល់ តំណាងរាស្ត្រមណ្ឌលខេត្តបន្ទាយមានជ័យបានចុះពិនិត្យស្ថានភាពទឹកជាប្រចាំនៅអាងត្រពាំងថ្មស្រុកភ្នំស្រុក ហើយបានឧត្ថម្ភថវិកាសម្រាប់ទិញសម្បកការ៉ុងសម្រាប់ច្រកដីបិទខ្នងទំនប់ និងសម្ភារជូនដល់អាជ្ញាធរភូមិសម្រាប់ប្រជាពលរដ្ឋ។ ក្នុងឱកាសនោះឃើញវត្តមានឯកឧត្តម ចាន់ ស៊ីណាត អនុរដ្ឋលេខាធិការក្រសួងធនធានទឹក និងឧតុនិយមរួមជាមួយក្រុមការងារបានចុះពិនិត្យស្ថានភាពទឹកនៅអាងត្រពាំងថ្មនៅពេលទឹកជំនន់ត្រូវបានហក់ឡើងខ្លាំងដែលជាការព្រួយបារម្ភនៅពេលដែលមានខ្នងទំនប់ត្រូវប្រេះស្រាំដែលមន្ត្រីជំនាញកំពុងឈូសឆាយកិនបង្ហាប់ការពារនៅស្រុកភ្នំស្រុក៕ ដោយ ៖ ប៊ុន ធឿន
ចែករំលែកព័តមាននេះ