ប្រទេសចិន-អាមេរិក ៖ ក្រសួងការបរទេសចិន កាលពីថ្ងៃទី២៧ តុលា បានដាក់បញ្ជាដល់សារព័ត៌មាន៦របស់អាមេរិកក្នុងពេល១សប្ដាហ៍ផ្ដល់ឲ្យខ្លួនព័ត៌មានអំពីសកម្មភាពរបស់ពួកគេក្នុង
ប្រទេសចិន ដែលនោះជាប្រតិកម្មតបចំពោះបណ្ដាវិធានការរបស់ក្រុងវ៉ាស៊ិនតោនប្រឆាំងសារ
ព័ត៌មានចិន៦ថែមទៀត ក្នុងនោះមានទាំងបណ្ដាសាខារបស់ពួកគេនៅសហរដ្ឋអាមេរិកដែលចាត់ទុកថាបំពេញបេសកម្មរបស់បរទេសផង ។
សារព័ត៌មានអាមេរិកទាំងនេះមាន ABC កាសែតឡូសអេនចឺឡេសថែមទស្សនាវដ្ដីNEWSWEEK ទីភ្នាក់ងារព័ត៌មាន FEATURESTORY NEWS ការិយាល័យ BUREAU OF
NATIONAL AFFAIRS និងស្ថានីយវិទ្យុMINNESOTA PUBLIC RADIO ។
ក្នុងសេចក្ដីប្រកាសមួយអ្នកនាំពាក្យក្រសួងការបរទេសចិនលោក ZHAO LIJIAN ថ្លែងថា
សហរដ្ឋអាមេរិកបានមើលស្រាលទាំងស្រុងសំណើស្របច្បាប់និងសមហេតុផលរបស់ចិន និងការព្រមាននានារបស់ចិន ដោយបានបង្កើនជាប់ការគាបសង្កត់ខាងនយោបាយនិងរារាំងសកម្មភាពរបស់បណ្ដាភ្នាក់ងារនិងនិយោជិតរបស់បណ្ដាសារព័ត៌មានចិន ។
មានការតបតវិញចិនទាមទារឲ្យបណ្ដាសាខារបស់សហគ្រាសសារព័ត៌មានទាំង៦នោះមានមូលដ្ឋាននៅចិនឲ្យផ្ដល់ជាលាយល័ក្ខអក្សរបណ្ដាព័ត៌មានទាក់ទិននឹងបុគ្គលិកពួកគេ គណនីសកម្មភាពនិងអចលនទ្រព្យពួកគេនៅចិនក្នុងរយៈពេល៧ថ្ងៃគិតចាប់ពីថ្ងៃទី២៧ តុលានេះទៅ ។
មុននេះចិនបានសម្រេចដាក់ទណ្ឌកម្មបណ្ដាសហគ្រាសអាមេរិក ដែលចូលរួមក្នុងការលក់ចុង
ក្រោយបណ្ដាអាវុធទៅឲ្យតៃវ៉ាន់ ព្រមទាំងបណ្ដាបុគ្គលនិងស្ថាប័ន ដែលដើរតួនាទីក្នុងដំណើរការដ៏អាក្រក់នេះដោយចាត់ទុកថានោះជាវិធានការចាំបាច់ ដើម្បីការពារបណ្ដាផលប្រយោជន៍ជាតិ។
នេះជាការអះអាងរបស់អ្នកនាំពាក្យក្រសួងការបរទេសចិន លោក ZHAO LIJIAN ។ ក្រុមហ៊ុន
អាមេរិកដែលរងទណ្ឌកម្មរបស់ចិនមានក្រុមហ៊ុនLOCKHEAED MARTIN ក្រុមហ៊ុន BOEING DEFENSE និងក្រុមហ៊ុន RAYTHEON ។
តាមអ្នកនាំពាក្យរូបនោះថាដូចដែលចិនបានលើកជាច្រើនសារការលក់អាវុធរបស់អាមេរិកឲ្យតៃវ៉ាន់ជាការរំលោភបំពានធ្ងន់ធ្ងរដល់គោលការណ៍ចិនតែមួយ និងសេចក្ដីប្រកាសរួម៣ចិន-អាមេរិក និងបំផ្លាញដល់អធិបតេយ្យភាព និងផលប្រយោជន៍នៃសន្តិសុខរបស់ចិន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ