ខេត្តមណ្ឌលគិរី ៖ មានសហគមន៍ជនជាតិដើមភាគតិចចំនួនពីរក្រុម កំពុងធ្វើសកម្មភាពតវ៉ាចង់ស្នើសុំផ្ទៃដីភ្នុំចំនួន៦ស្មើ និងប្រមាណជាង៦០ហិកតា ដែលបច្ចុប្បន្ន មានក្រុមហ៊ុនរបស់ឧកញ៉ាម្នាក់ បានប្រើគ្រឿងចក្រជីកកាយនិងហ៊ុមព័ទ្ធដោយរបងលួសយកនោះ មករក្សារទុកជាសម្បត្តិរួមរបស់ដូនតាជនជាតិដើមភាគតិច សម្រាប់កូនចៅជំនាន់ក្រោយរបស់ពួកគាត់វិញ។…
ខេត្តមណ្ឌលគិរី ៖ មានសហគមន៍ជនជាតិដើមភាគតិចចំនួនពីរក្រុម កំពុងធ្វើសកម្មភាពតវ៉ាចង់ស្នើសុំផ្ទៃដីភ្នុំចំនួន៦ស្មើ និងប្រមាណជាង៦០ហិកតា ដែលបច្ចុប្បន្ន មានក្រុមហ៊ុនរបស់ឧកញ៉ាម្នាក់ បានប្រើគ្រឿងចក្រជីកកាយនិងហ៊ុមព័ទ្ធដោយរបងលួសយកនោះ មករក្សារទុកជាសម្បត្តិរួមរបស់ដូនតាជនជាតិដើមភាគតិច សម្រាប់កូនចៅជំនាន់ក្រោយរបស់ពួកគាត់វិញ។
ផ្ទៃដីភ្នំចំនួន៦ស្មើនិងប្រមាណជាង៦០ហិកតា មានក្រុមហ៊ុនឧកញ៉ាម្នាក់ ដែលគេបង្ហើបថា ឈ្មោះលី សាយឃាង បានហ៊ុមព័ទ្ធដោយរបងលួសបំរុងយកធ្វើជាកម្មសិទ្ធិ ហើយត្រូវប្រជាសហគមន៍ចំនួនពីរក្រុមដណ្តើមគ្នា តវ៉ាយកមករក្សារទុកជាសម្បត្តិរូមដូនតានោះ ស្ថិតនៅភូមិពូលូង សង្កាត់រមនា ក្រុងសែនមនោរម ខេត្តមណ្ឌលគិរី។
កន្លងទៅថ្មីៗ នៅថ្ងៃទី២៤ តុលា នេះ ប្រជាជនសហគមនន៍ជនជាតិដើមភាគតិចជិត៣០០គ្រួសារ ក៏បានប្រមូលផ្តុំជួបជុំគ្នានៅលើទីតាំផ្ទៃដីភ្នំនោះដែរ ដើម្បីធ្វើការស្នើសុំ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជួយអន្តាគមន៍រក្សាផ្ទៃដីភ្នំនោះ ទុកជាសម្បត្តិរួមរបស់ដូនតា សម្រាប់កូនចៅជំនាន់ក្រោយពួកគាត់ផង។
នៅក្នុងខណៈដែលបងប្អូនជនជាតិដើមភាគតិច នៅភូមិពូលូងបានប្រមូលផ្តុំគ្នាតវាស្នើសុំរក្សាផ្ទៃដីភ្នំទុកជាសម្បត្តិរួមដូនតានោះ ហាក់ក្រឡេកមើលខាងភាគីអាជ្ញាធរខេត្តក្រុង និងមន្ត្រីជំនាញមិនខ្ចីអើពើរសោះឡើយ ទំនងហាក់ដូចជាមានអាថ៌កំបាំង អ្វីមួយនៅក្នុងរឿងនោះ។
ទាក់ទឹននិងការហ៊ុមព័ទ្ទលើផ្ទៃដីភ្នំនោះដែរ លោក ចែន វណ្ណា អាយុ៥២ឆ្នាំ តំណាងបងប្អូនជនជាតិភាគតិចព្នងនៅភូមិពូលូង បានប្រាប់ថា កន្លងមកប្រជាសហគមន៍ភូមិពូលូង បានចូលរួមជាមួយលោក មាស ប្រុស មន្ត្រីតុលាការខេត្តមណ្ឌលគិរី បានរៀបចំជាសហគមន៍ចិញ្ចឹមគោ ដោយលោកមាស ប្រុស បានចំណាយទុនក្នុងការទិញគោមកចិញ្ចឹមនៅក្នុងសហគមន៍នោះដោយមានក្រុមហ៊ុនឧកញ៉ាម្នាក់នោះ ជាអ្នកសហការផ្គត់ផ្គង់ក្នុងការបើកកសិដ្ឋានផងដែរ។
ប៉ុន្តែក្រោយមកឆ្នាំ២០២០នេះ បែរជាមានក្រុមហ៊ុនរបស់ឧកញ៉ាបានប្រើគ្រឿងចក្រជីកហ៊ុមព័ទ្ធដោយរបងលួសបម្រុងយកដីភ្នំដែលជាកេរ្តិ៍របស់ដូនតាពួកគាត់ទៅវិញ ។ ដូច្នេះ ហើយទើបពួកគាត់ បានផ្តិតមេដៃទាមទារទៅអាជ្ញាធរខេត្តមណ្ឌលគិរីឱ្យជួយដោះស្រាយ ដើម្បីយកដីដែលជាកេរ្តិ៍របស់ដូនតាពួកគាត់មកវិញ។
ទោះបីយ៉ាងណា រហូតមកដល់ពេលនេះ អាជ្ញាធរខេត្តមណ្ឌលគិរីមិនទាន់មានដំណោះស្រាយដល់ពួកគាត់នៅឡើយ។
តាមប្រភពបានបង្ហើបមកថា ក្នុងផ្ទៃដីភ្នុំដែលសហគមន៍ទាំងពីរកំពុងដណ្តើមគ្នាតវ៉ាទាមទាពីក្រុមហ៊ុនរបស់ឧកញ៉ាម្នាក់នោះ គឺមានបំណងយកទៅលក់ឱ្យឈ្មួញផ្សេងដែលកំពុងឈរចាំនៅក្រោយខ្នងក្រុមសហគមន៍ទាំងពីរនោះ។ ព្រោះក្នុងចំណោមដីភ្នុំទាំង៦ស្មើ ជាង៦០ហិកតានោះ មានដីភ្នុំមួយស្មើ៦ហិកតាត្រូវបានក្រុមសហគមន៍មួយលួចលក់ដោយស្ងាត់ៗបាត់ទៅហើយបានតំលៃជាង១៤ម៉ឺនដុល្លារឯណោះ ។
ដើមចមនៃការបំបែកក្រុមសហគមន៍ភូមិជាពីរ ហើយបានធ្វើការតវ៉ារៀងៗខ្លួនរបស់សហគមន៍ទាមទាដកហូតដីភ្នំ ដែលនៅសេសសល់ចំនួន៥ភ្នំទៀតប្រមាណ៦០ហិកតាដែលមានក្រុមហ៊ុនឧកញ៉ាម្នាក់ កំពុងកាន់កាប់នោះយកមករក្សារទុកជាសម្បត្តិរួមដូនតាវិញ គឺផ្តើមចេញពីការចែកលាភមិនស្មើទើបរឿងនោះត្រូវផ្ទុះឡើង។
ហេតុដូច្នេះ ទើបពួកគាត់ដាក់ពាក្យស្នើសុំសម្តេចតេជោហ៊ុន សែន ជួយអន្តរាគមន៍ដកដីពីឧកញ៉ាមួយនោះ មករក្សាទុកជាកេរ្តិ៍ដំណែលរួមរបស់ដូនតាជនជាតិដើមភាគតិចសម្រាប់កូនចៅជំនាន់ក្រោយវិញ ចៀសវាងការដណ្តើមលាភគ្នា។ ក្នុងចំណោមបងប្អូនជនជាតិដើមភាគតិចក្នុងសហគមន៍មួយមានចំនួនជិត៣០០គ្រួសារនៅភូមិពូលូង សង្កាត់រមនា ក្រុងសែនមនោរម្យ និងអ្នកភូមិក្បែៗនោះជាច្រើនទៀតផងដែរ ។
កោះសន្តិភាពមិនអាចសុំការបំភ្លឺបានទេពីលោកឧកញ៉ាលី សាយឃាង កាលពីម្សិលមិញ ។
ព័ត៌មានបន្ថែមកោះសន្តិភាពនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ