ក្នុងរូបថតនេះគឺអ្នកស្រីស៊ីស៊ូហួ អាយុ៦៣ឆ្នាំ ជាគ្រូបង្រៀនចូលនិវត្តន៍នៅខេត្តឈាមស៊ី ប្រទេសចិន ប្រើរទេះអូសមួយគ្រឿងដឹកម្តាយឈ្មោះស៊ូ មេស៊ុន អាយុ៩១ឆ្នាំ ធ្វើដំណើរពីខេត្តមួយទៅខេត្តមួយ
ក្នុងរូបថតនេះគឺអ្នកស្រីស៊ីស៊ូហួ អាយុ៦៣ឆ្នាំ ជាគ្រូបង្រៀនចូលនិវត្តន៍នៅខេត្តឈាមស៊ី ប្រទេសចិន ប្រើរទេះអូសមួយគ្រឿងដឹកម្តាយឈ្មោះស៊ូ មេស៊ុន អាយុ៩១ឆ្នាំ ធ្វើដំណើរពីខេត្តមួយទៅខេត្តមួយ ពីក្រុងមួយទៅក្រុងមួយក្នុងប្រទេសចិន ដើម្បីឱ្យម្តាយបានទស្សនាតំបន់កម្សាន្តនានាដែលសម្បូរអ្នកទេសចរ ។
បំណងរបស់លោកយាយស៊ូ មេស៊ុន គឺចង់មើលកម្សាន្តតាមរមណីយដ្ឋាននានាឱ្យបានច្រើនកន្លែងមុនពេលធ្មេចភ្នែកលាចាកលោក ។ ថ្វីបើនៅផ្ទះមានរថយន្តតូចមួយគ្រឿងដែរ តែសុខភាពលោកយាយខ្សោយខ្លាំង មិនអាចធ្វើដំណើរដោយមធ្យោបាយលឿនស្លេវបាន ទើបអ្នកស្រីស៊ីស៊ូហួ ដែលអាណិតម្តាយពេក បានជួលរទេះអូសបែបបុរាណមួយគ្រឿងដើម្បីអូសដោយខ្លួនឯងជូនម្តាយធ្វើដំណើរកម្សាន្ត អត់ខ្វល់ពីការហាមឃាត់របស់គ្រួសារ និងអ្នកជិតខាងដែលបារម្ភខ្លាចមានគ្រោះថ្នាក់ទាំងម្តាយទាំងកូន ព្រោះសូម្បីអ្នកអូសរទេះក៏អាយុជាង៤០ឆ្នាំទៅហើយ បើមានបញ្ហាអាក្រក់ណាមួយកើតឡើងតាមផ្លូវ តើអ្នកណាជួយអ្នកណាបាន ។
ក្រោយចំណាយពេលជាង១០ខែ ធ្វើដំណើរអស់ចម្ងាយផ្លូវជាង១២.០០០គីឡូម៉ែត្រ អ្នកស្រីស៊ី ស៊ូហួ នាំម្តាយទស្សនាតំបន់ទេសចរណ៍សំខាន់ៗបានជាង១០.០០០កន្លែង តាមក្រុង និងខេត្តចំនួន១១ នៅប្រទេសចិន ដោយឆ្លងកាត់រដ្ឋធានីប៉េកាំង ក្រុងសៀងហៃ ហាយណាម និងកន្លែង ល្បីៗផ្សេងទៀតជាច្រើន ហើយទីបំផុតទាំងម្តាយ និងកូនបានត្រឡប់ដល់ផ្ទះវិញដោយសុវត្ថិភាពកាលពីពាក់កណ្តាលខែមករា ឆ្នាំ២០១៥ ។
ទឹកចិត្តកូនស្រីបែបនេះ ពិតជាទឹកចិត្តមហាកតញ្ញូគួរឱ្យគោរពសរសើរបំផុត ៕
ចែករំលែកព័តមាននេះ