រាជធានីភ្នំពេញ ៖ ដើម្បីដោះស្រាយការកកស្ទះនៅតំបន់រង្វង់មូលចោមចៅ សម្តេច
តេជោ ហ៊ុន សែន នាយករដ្ឋមន្ត្រីបានប្រកាសដាក់ឲ្យដំណើរការផ្លូវក្រោមដីស្ពានអា កាសរង្វង់មូលចោមចៅជាបណ្តោះអាសន្ន ព្រោះការស្ទះចរាចរណ៍នៅចំណុចនោះវាយូរពេកហើយ ។ ផ្លូវក្រោមដីនេះ មានទទឹង៨,៥០ម៉ែត្រ និងបណ្តោយ៤៨៨ម៉ែត្រ តភ្ជាប់ពីផ្លូវជាតិលេខ៤ ទៅមហាវិថីសហព័ន្ធរុស្ស៊ី ។
ថ្លែងក្នុងឱកាសអញ្ជើញបើកការដ្ឋានសាងសង់ស្ពានបេតុងខ្សែកាប្លិ៍ឆ្លងកាត់ ទន្លេបា សាក់ ពីតំបន់កោះពេជ្រ ទៅកាន់ទីក្រុងរណប កោះនរា និងពីកោះនរា ទៅផ្លូវជាតិលេខ១ នៅព្រឹកថ្ងៃទី២៦ ខែតុលា ឆ្នាំ២០២០ សម្តេចតេជោ ហ៊ុន សែន បានបញ្ជាក់ដោយបានប្រកាសដាក់ឲ្យដំណើរការបណ្តោះអាសន្ន នូវផ្លូវក្រោមដីស្ពានអាកាសរង្វង់មូលចោមចៅនៅថ្ងៃទី២៦ ខែតុលាឆ្នាំ២០២០នេះផងដែរ ។
សម្តេចបន្តថា សុំកុំចំអកឲ្យខ្ញុំរឿងធ្វើស្ពាន ព្រោះមានអ្នកមួយចំនួនគេចំអកថាធ្វើតែមួយអួតគេ គេមានរាប់រយរាប់ពាន់គេមិនអួតផងមួយអួត តែសុំផ្តាំទៅវិញថា ដោយសារមានតែមួយនឹងបានប្រឹងអួត ឥឡូវនេះធ្វើបានច្រើនអុីចឹងមិនចាំអួតទេ ព្រោះយើងមានច្រើនដែរ ។
សម្តេចតេជោបញ្ជាក់ថា៖«ស្អានអាកាសរង្វង់មូលចោមចៅក្រោមដីមានប្រវែងតិចដែរ អុីចឹងយើងត្រូវអួតដែរ អីុចឹងមានអាខាងលើផងអាក្រោមដីផង ។ អុីចឹងអានៅលើអាកាសនៅកំពុងធ្វើ តែអាក្រោមដីនេះ បើកឲ្យចរាចរណ៍ដើម្បីកាត់បន្ថយការកកស្ទះតំបន់ចោមចៅ» ។ សម្តេចក៏បន្តថាស្ពានអាកាសរង្វង់មូលចោមចៅក៏ជាតំបន់ទេស ចរណ៍មួយផងដែរ ព្រោះថានៅពេលចង់ទៅលេងបាន ។
អ្នកខ្លះមិនទាន់ឃើញស្អានអាកាសក្រោមដី អុីចឹងអាចដឹកគាត់ទៅមើលបាន ស្ពាននេះមានចំងាយជិតកន្លះគីឡូម៉ែត្រ ។ ជាមួយគ្នានោះដែរសម្តេចតេជោក៏បានស្នើឲ្យក្រុម ហ៊ុនប្រព័ន្ធទូរស័ព្ទនៅកម្ពុជាបំពាក់ប្រព័ន្ធអង់តែននៅផ្លូវស្ពានក្រោមដីនេះ ដើម្បីកុំឲ្យពេលដល់កន្លែងនឹងវាដាច់សេវា ។
សម្តេចបញ្ជាក់ថា អុីចឹងឲ្យក្រុមហ៊ុនទូរស័ព្ទនានាចុះទៅដើម្បីពិនិត្យមើលថាតើដាក់អាហ្នឹងបានឬអត់ ព្រោះមិនអុីចឹងទេកំពុងនិយាយគ្នាដល់កន្លែងដាច់សេវាបាត់ ។ អីុចឹងយើងដាក់នៅក្នុងហ្នឹងដើម្បីតភ្ជាប់គ្នារហូត ។ ក្នុងឱកាសនោះដែរសម្តេចក៏បានឲ្យក្រុមហ៊ុនសែលខាត (០១២) របស់ឧកញ៉ា គិត ម៉េង ធ្វើជាគំរូមុនគេផងដែរ ។
ដាក់នៅស្ពានក្រោមដីដើម្បីឲ្យមានសេវា ។ សម្តេចថា ខ្ញុំមិនឃោសនាឲ្យក្រុមហ៊ុនសែលខាត ឬគិតម៉េងទេ ប៉ុន្តែ ខ្ញុំចង់ឲ្យសេវាប្រព័ន្ធទូរស័ព្ទនេះជាប់ជានិច្ច ។សម្តេចតេជោបានបង្ហាញនូវក្តីមោទនភាពចំពោះភាពរីកចម្រើននៃទីក្រុងភ្នំពេញ ដែលក្រោយពីងើបពីសង្គ្រាមមក គឺជាទីក្រុងដែលមិនមានមនុស្សរស់នៅច្រើននោះទេ តែពេលនេះ មានមនុស្សរស់នៅរាប់លាននាក់ និងមានអគារខ្ពស់ៗរាប់រយអគារ ។
សម្តេចតេជោ បានមានប្រសាសន៍បន្តទៀតថា បច្ចុប្បន្នទីក្រុងភ្នំពេញបានពង្រីកផ្ទៃដីជាបន្តបន្ទាប់ ដែលមុននេះ ផ្ទៃដី ទីក្រុងភ្នំពេញគឺ មានចំនួន៣០០គីឡូម៉ែត្រការ៉េ ឥឡូវនេះផ្ទៃដីទីក្រុងភ្នំពេញ បានកើនដល់ជិត៧០០ម៉ែត្រគីឡូម៉ែត្រការ៉េ ៕
ចែករំលែកព័តមាននេះ