ប្រទេសអាស៊ែបៃហ្សង់-អាមេនី ៖ កងកម្លាំងឆ្មាំបដិវត្តន៍អ៊ីរ៉ង់គូសបញ្ជាក់កាលពីថ្ងៃទី២៥ តុលាថា ប្រទេសអ៊ីរ៉ង់បានដាក់ពង្រាយកងទ័ពតាមបណ្ដោយព្រំដែនរបស់ខ្លួន ជាមួយអាស៊ែបៃហ្សង់និងអាមេនី បន្ទាប់ពីមានការបាញ់ផ្លោងចូលដែនដីខ្លួន មកពីតំបន់ណាហ្គ័រនីការ៉ាបាក់ ដែលនៅទីនោះប្រទេសទាំង២នេះ កំពុងមានជម្លោះនឹងគ្នា។…
ប្រទេសអាស៊ែបៃហ្សង់-អាមេនី ៖ កងកម្លាំងឆ្មាំបដិវត្តន៍អ៊ីរ៉ង់គូសបញ្ជាក់កាលពីថ្ងៃទី២៥ តុលាថា ប្រទេសអ៊ីរ៉ង់បានដាក់ពង្រាយកងទ័ពតាមបណ្ដោយព្រំដែនរបស់ខ្លួន ជាមួយអាស៊ែបៃហ្សង់និងអាមេនី បន្ទាប់ពីមានការបាញ់ផ្លោងចូលដែនដីខ្លួន មកពីតំបន់ណាហ្គ័រនីការ៉ាបាក់ ដែលនៅទីនោះប្រទេសទាំង២នេះ កំពុងមានជម្លោះនឹងគ្នា។
តំបន់់បំបែកខ្លួនណាហ្គ័រនីការ៉ាបាក់ កាន់កាប់ដោយពួកបំបែកខ្លួនមានដើមកំណើតអាមេនី មានព្រំដែនជាប់ជាមួយអ៊ីរ៉ង់ បានក្លាយជាទីលាននៃការប្រយុទ្ធគ្នាដ៏សាហាវ រវាងកងទ័ពអាមេនីនិងកងទ័ពអាស៊ែបៃហ្សង់ ចាប់តាំងពីដំណាច់ខែកញ្ញាមក។
មេបញ្ជាការកងទ័ពជើងគោកនៃកងកម្លាំងឆ្មាំបដិវត្តន៍អ៊ីរ៉ង់ ឧត្ដមសេនីយម៉ូហាម៉ាដប៉ាក់ពួរគូសបញ្ជាក់ថា បណ្ដាកងឯកភាពនៃកងកម្លាំងឆ្មាំបដិវត្តន៍ ត្រូវបានបញ្ជូនទៅនិងដាក់ពង្រាយក្នុងតំបន់ ដោយសារជម្លោះរវាងអាស៊ែបៃហ្សង់និងអាមេនី។ កងកម្លាំងទាំងនោះមានបេសកកម្ម ការពារបណ្ដាផលប្រយោជន៍ជាតិ និងថែរក្សាសន្តិភាព និងសន្តិសុខ។ លោកថា អ៊ីរ៉ង់គោរពបូរណភាពដែនដីរបស់បណ្ដាប្រទេសជិតខាង តែ រាល់ការផ្លាស់ប្ដូរនៅតាមព្រំដែន គឺជាខ្សែបន្ទាត់ក្រហមសម្រាប់ប្រទេសយើង។
ប្រទេសអាមេនី និងអាស៊ែបៃហ្សង់ ដែលបទឈប់បាញ់គ្នាលើកមុនៗ មិនត្រូវបានគោរពនោះ បានព្រមព្រៀងគ្នាជាថ្មីថា នឹងគោរពបទឈប់បាញ់គ្នាមនុស្សធម៌ថ្មី ដែលមានជាធរមានចាប់ពីថ្ងៃទី២៦តុលាទៅ ក្រោយការចរចានៅក្រុងវ៉ាស៊ិនតោន។ ក្នុងសេចក្ដីថ្លែងការណ៍រួមមួយចេញផ្សាយកាលពីថ្ងៃទី២៥តុលា ជាមួយសហរដ្ឋអាមេរិកអះអាងថា បទឈប់បាញ់គ្នាមនុស្សធម៌ នឹងចូលជាធរមានចាប់ពីម៉ោង៨ព្រឹកម៉ោងក្នុងស្រុកថ្ងៃទី២៦តុលាទៅ។
ប្រធានាធិបតីអាមេរិកលោកដូណាល់ត្រាំមុននេះបន្តិចបានសន្យាថា ជួយដោះស្រាយជម្លោះនេះដែលឆេះជាថ្មីចាប់ពីថៃ្ងទី២៧កញ្ញាមក ក្នុងតំបន់ភ្នំនោះរបស់អាស៊ែបៃហ្សង់ ត្រួតត្រាដោយពួកបំបែកខ្លួនអាមេនីគាំទ្រដោយក្រុងអេរីវ៉ាន។
ក្រៅពីបទឈប់បាញ់គ្នាមនុស្សធម៌ សហគមន៍អន្តរជាតិនៅមិនទាន់អាចជួយឲ្យមានការចរចាលើបទឈប់បាញ់គ្នាដ៏ស្ថិតស្ថេរមួយនៅឡើយ ម្យ៉ាងទៀតអាមេនីបានបដិសេធរាល់ដំណោះស្រាយការទូតនូវជម្លោះនេះ។
ជម្លោះនោះតាមប្រធានាធិបតីរុស្ស៊ីលោកវ្ល៉ាឌីមៀរពូទីនថា បណ្ដាលឲ្យមនុស្សបាត់បង់ជីវិតដល់ក្បែរ៥.០០០នាក់ហើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ