ប្រទេសចិន ៖ ប្រទេសចិនបានធ្វើយុទ្ធនាការធ្វើតេស្តដោយទ្រង់ទ្រាយធំថ្មី នៅភាគពាយ័ព្យប្រទេសដែលនៅទីនោះអ្នកឆ្លងវីរុស COVID-19 ថ្មី ចំនួន១៣៧នាក់បានត្រូវរកឃើញមក។
ការធ្វើតេស្តដែលចាប់ផ្ដើមពីយប់ថ្ងៃទី២៤តុលាមក ទាក់ទិននឹងមនុស្ស៤,៧៥លាននាក់នៅក្នុងនិងជុំវិញក្រុង KACHGAR ខេត្តស៊ីនជាំង បន្ទាប់ពីយុវកម្មករម្នាក់នៃរោងចក្រកាត់ដេរមួយ ធ្វើតេស្តឃើញឆ្លងវីរុសនោះមក។
ប្រទេសចិន ដែលវីរុស COVID-19 លេចចេញជាផ្លូវការដំបូងគេ កាលពីដំណាច់ខែធ្នូ មុនពេលឆ្លងរាលដាលពាសពេញពិភពលោក ហាក់ទទួលបានជោគជ័យ ក្នុងការទប់ការឆ្លង ក្នុងដែនដីខ្លួន ដោយសារយុទ្ធនាការនៃការធ្វើតេស្តដោយទ្រង់ទ្រាយធំ វិធានការបង្ខាំងនិងរិតត្បិតនានា តែនៅមានលេចការឆ្លងរប៉េះរប៉ោះក្នុងស្រុក។
រាល់អ្នកឆ្លងថ្មីនៅស៊ីនជាំងដែលសុទ្ធតែមានរោគសញ្ញា ទាក់ទិននឹងរោងចក្រមួយក្នុងតំបន់SHUFU ដែលនៅទីនោះយុវនារីម្នាក់បានឆ្លងវីរុស ខណៈរូបគេនិងឪពុកម្ដាយគេធ្វើការក្នុងរោងចក្រនោះ។ កាលពីយប់ថ្ងៃទី២៥ តុលា មនុស្សជាង២,៨លាននាក់ត្រូវបានយកគំរូទៅធ្វើតេស្តរួចហើយ ក្នុងតំបន់ដែលទាក់ទិនហើយបណ្ដាអ្នកមិនទាន់ធ្វើ អាចធ្វើក្នុង២ថ្ងៃខាងមុខទៀត ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ