ដេអូឃ្លីបមួយបានធ្វើឱ្យអ្នកទស្សនាប្រមាណ១៦លាននាក់ភ្ញាក់ផ្អើល ដោយបង្ហាញនៅតាមហ្វេសប៊ុក ។ វីដេអូនោះបង្ហាញអំពីកម្មវិធីកម្សាន្តរបស់ទូរទស្សន៍មួយនៅប្រទេសជប៉ុន ដោយតម្រូវឱ្យបេក្ខជនចូលរួមប្រកួតប្រជែងពីរនាក់បៀមបំពង់មួយ ហើយត្រូវប្រឹងផ្លុំសត្វកន្លាតឱ្យចូលមាត់គូប្រកួត ។
អ្នកទទួលបានជ័យជម្នះក្នុងកម្មវិធីនេះ គឺអ្នកដែលអាចផ្លុំសត្វកន្លាតចូលក្នុងមាត់ដៃគូប្រកួតបាន ។ មិនត្រឹមតែសត្វកន្លាតទេ គឺអាចមានទឹកមាត់លាយឡំទៅជាមួយផងខណៈពេលពួកគេប្រកួតប្រជែងគ្នាយ៉ាងស្វិតស្វាញនោះ ។
ពុំមានព័ត៌មានបញ្ជាក់ពីប្រាក់រង្វាន់សម្រាប់អ្នកឈ្នះទេ តែអ្នកទស្សនាវីដេអូនោះ ដែលមានអារម្មណ៍ខ្ពើមរអើមបានលើកឡើងថា គួរតែផ្តល់ប្រាក់រង្វាន់ច្រើនដល់អ្នកឈ្នះ ព្រោះវាឆ្លងកាត់ការតស៊ូបញ្ចេញខ្យល់ពីក្នុងពោះ ៕
ចែករំលែកព័តមាននេះ