លោកកឹម សុខា ៖ អ្វីដែលអាចធ្វើបាន គឺធ្វើ«ដើម្បីខ្មែរ»
- ភ្នំពេញ
រាជធានីភ្នំពេញ ៖ លោក កឹម សុខា អតីតប្រធានគណៈសង្គ្រោះជាតិបានបញ្ជាក់ថា លោកធ្វើអ្វីដែលអាចបាន គឺដើម្បីខ្មែរ ។ លោក…
រាជធានីភ្នំពេញ ៖ លោក កឹម សុខា អតីតប្រធានគណៈសង្គ្រោះជាតិបានបញ្ជាក់ថា លោកធ្វើអ្វីដែលអាចបាន គឺដើម្បីខ្មែរ ។ លោក…
រាជធានីភ្នំពេញ ៖ លោក កឹម សុខា អតីតប្រធានគណៈសង្គ្រោះជាតិបានបញ្ជាក់ថា លោកធ្វើអ្វីដែលអាចបាន គឺដើម្បីខ្មែរ ។
លោក កឹម សុខា បានសរសេរលើបណ្តាញសង្គម នៅថ្ងៃទី២៦ ខែតុលា ឆ្នាំ២០២០ថា៖ «ថ្ងៃនេះ យើងខ្ញុំ យកស្រូវពូជចំនួន៤តោន (៤០០០គីឡូក្រាម) ដែលជាអំណោយរបស់សប្បុរសជនខ្មែរ ដែលរស់នៅក្រៅប្រទេស ចែកជូនប្រជាកសិករខ្មែរ ១០០គ្រួសារ ដែលរងផលប៉ះពាល់ដោយទឹកជំនន់ ខូចខាតស្រូវដែលគាត់បានធ្វើ កន្លងមកនៅខេត្តកំពង់ឆ្នាំង ។ ស្របតាមដំណើរនេះ ខ្ញុំក៏បានចែកពូជដូងក្រអូបមួយចំនួនជូនប្រជាពលរដ្ឋដែលរស់នៅលើដីទួលតាមដងផ្លូវផងដែរ»។
លោកបន្តថា ក្នុងដំណាក់កាលចុងក្រោយនេះមានខេត្តខ្លះ ភូមិឃុំខ្លះ បានធូរស្បើយពីទឹកជំនន់ហើយ ដូច្នេះជំនួយរបស់សប្បុរសជន តម្រូវឲ្យខ្ញុំបង្វែរមកជួយផ្តល់ពូជដំណាំ ជាពិសេសស្រូវពូជដែលជាការចាំបាច់សម្រាប់ប្រជាកសិករយើងដែលរងផលប៉ះពាល់ដោយទឹកជំនន់យកទៅដាំដុះឡើងវិញ ឬបន្តដាំដុះតទៅទៀត ដើម្បីជីវភាពរស់នៅរបស់គាត់ ។
លោកបញ្ជាក់ថា« ខ្ញុំសូមកោតសរសើរ និងថ្លែងអំណរគុណចំពោះបងប្អូនជនរួមជាតិខ្មែររស់នៅក្នុង និងក្រៅប្រទេសដូចជា សហរដ្ឋអាមេរិក កាណាដា អូស្ត្រាលី បារាំង អាល្លឺម៉ាញ ហូឡង់ដ៍ និងកូរ៉េខាងត្បូង ដែលមានចិត្តសប្បុរសផ្តល់ជាសទ្ធាក្នុងព្រះពុទ្ធសាសនា និងជាជំនួយមនុស្សធម៌មកជួយសង្គ្រោះប្រជាពលរដ្ឋខ្មែរយើងដែលរងគ្រោះដោយទឹកជំនន់កន្លងមក និងនៅបន្តជួយផ្តល់ពូជដំណាំជូនប្រជាកសិករយើងដែលខ្វះខាតទៀត» ។
លោកក៏បានលើកឡើងថា សេចក្តីត្រូវការរបស់មនុស្សអាចមិនចេះចប់ ក៏ប៉ុន្តែសេចក្តីត្រូវការដើម្បីរស់ គឺជាការចាំបាច់ដែលយើងជាមនុស្សត្រូវតែរួបរួមគ្នាដើម្បីជួយសង្គ្រោះទោះបីតិច ឬច្រើនក្តី ដោយមិនគួរមើលបំណាំគ្នា ឬយកជម្លោះមកធ្វើជាឧបសគ្គឡើយ ។ ដូចដែលខ្ញុំបានបញ្ជាក់ហើយ អ្វីដែលអាចធ្វើបាន «ដើម្បីខ្មែរ» ខ្ញុំព្យាយាមធ្វើតាមលទ្ធភាព និងស្ថានភាពដែលអាចធ្វើបាន ដោយមិនបំពាន និងដោយអហិង្សាទោះបីខ្ញុំមិនទាន់មានសិទ្ធិសេរីភាពពេញលេញក៏ដោយ៕
ចែករំលែកព័តមាននេះ