រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបបួលក្រុមប្រឆាំងស្បថចំពោះបំណងញុះញង់ ឱ្យធ្វើបាតុកម្មនៅក្នុងប្រទេស ដើម្បីប្រឆាំងនឹងកំលាំងកងទ័ពចិននៅកម្ពុជា ជាគោលបំណងពិតទេ។
សម្តេចតេជោ ហ៊ុន សែន បានថ្លែងក្នុងឱកាសអញ្ជើញបើកការដ្ឋាន សាងសង់ស្ពានបេតុងខ្សែកាប្លិ៍ឆ្លងកាត់ទន្លេបាសាក់ពីតំបន់កោះពេជ្រ ទៅកាន់ទីក្រុងរណប កោះនរា និង ពីកោះនរា ទៅផ្លូវជាតិលេខ១ នៅព្រឹកថ្ងៃទី២៦ តុលា ឆ្នាំ២០២០ នេះថា៖ «ទាំងអស់គ្នាហើយពួកហ្អែង ហ៊ានស្បងឲ្យរន្ទះបាញ់ បើនិយាយពីកងទ័ពចិន ប៉ុន្តែគេធ្វើនេះជាមូលហេតុនៃការផ្តួលរលំ បើគេប្រមូលកំលាំងបាន ។ ប៉ុន្តែគ្មានផ្លូវនោះទេ ប្រាប់ឲ្យ ហើយតម្លៃសន្តិភាពធំខ្លាំងណាស់ អត់យកអ្វីមកជំនួសបានទេ នេះជារឿងដែល ត្រូវនិយាយថ្ងៃនេះ»។
ជាមួយគ្នានោះដែរ សម្តេចក៏បានផ្តាំទៅក្រុមប្រឆាំងនៅក្រៅប្រទេស ជាពិសេសនោះលោក ហូរ វ៉ាន់ និងប្រពន្ធ សុំកុំឲ្យមានការពាក់ព័ន្ធជាប្រព័ន្ធចែកចាយលុយឲ្យសោះ។ ក្នុងឱកាសនោះដែរ សម្តេចតេជោក៏បានចាត់សម្លេងលោក ហូរ វ៉ាន់ ដែលនិយាយតាមប្រព័ន្ធZoom ពីក្រៅប្រទេសថា បន្ថែមលុយដល់ក្រុមបាតុកម្មស៊ី ឈ្នួលនៅក្នុងប្រទេស ផងដែរ។
សម្តេចបញ្ជាក់ថា៖ «មេចោរបញ្ជាមកកូនចោរ តើត្រូវចាប់កូនចោរទេ? អាកូនចោរណាដែលមិនឃោរឃៅ ឬមុខសញ្ញារឲ្យទៅ តើមានភស្តុតាងប៉ុណ្ណឹង ហើយគេចាប់ខ្លនទេ? តើ អាវ៉ាន់ ស្តាប់សម្លេងទេ អីញ្ចឹងលោកជាមេចោរ អញ្ញចាប់កូនចោរ។ អានេះវាឆ្លៀត រហូតអានេះវាឆ្លៀត មិនមែនជាសិទ្ធិនោះទេ វាទាមទារឲ្យដកកងទ័ពចិនពីស្រុកខ្មែរ ក្នុងពេលកម្ពុជាអត់មានកងទ័ពសោះ។ ចិនវិនិយោគមាន ចិនបច្ចេកទេសមាន ដូចប្រទេសដទៃក៏មានដូចគ្នា»។
សម្តចតេជោក៏បានផ្តាំទៅលោក ហូរ វ៉ាន់ ថា កុំនឹកស្មានថា បញ្ហាតាមអ្វីគេមិនអាច យកសម្លេងបានឲ្យសោះ។ ជាមួយគ្នានោះដែរ សម្តេចក៏បានស្នើទៅមនុស្សម្នាក់ទៀតដែល មានប្រពន្ធកំពុងរបរដូរលុយនៅភ្នំពេញ ក៏ដូចជាលោក ហូរ វ៉ាន់ យកប្រពន្ធកូន ទៅក្រៅប្រទេសតែម្តងទៅ។
សម្តេចបានលើកឡើងទៀតថា បើអ្នកខ្លះគង់តែមកស្រុកខ្មែរវិញ ត្រូវធ្វើអ្វីឲ្យស្រួលបន្តិច ដោយកុំធ្វើការរំខានគេសព្វគ្រប់បែបយ៉ាង។ ជាក់ស្តែង ឃើញប្រជាពលរដ្ឋរាប់ពាន់គ្រួសាររងគ្រោះ ដោយទឹកជំនន់មិនបានចូលរួមសោកស្តាយ និងរំលែកទុក្ខទេ ផ្ទុយទៅវិញ និយាយតែរឿងផ្តួលរំលំតែម្តង ។
ចែករំលែកព័តមាននេះ