រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានទម្លាយថា ពីមុនសម្តេច ធុញចំពោះការបដិសេធថា មិនឱ្យសាងសង់អគារកន្លែងនេះកន្លែងនោះដោយថាប៉ះពាល់ទៅនេះទៅនោះ ប៉ុន្តែចុងក្រោយសម្តេចអាលកាត់សម្រេចឲ្យសាងសង់ ដោយប្រកាសបំពាក់មេដាយដល់អ្នកសាងសង់ដែលមានកម្ពស់ខ្ពស់ជាងគេផងដែរ។
សម្តេចតេជោ ហ៊ុន សែន នាយករដ្ឋមន្ត្រីបានថ្លែងក្នុងពិធីបើកការរដ្ឋានសាងសង់ ស្ពានបេតុងខ្សែការប្លិ៍ឆ្លងកាត់ទន្លេរបាក់សាក់ ពីតំបន់កោះពេជ្រទៅកាន់ទីក្រុង រណប កោះនរា និងពីកោះនរាទៅកាន់ផ្លូវជាលេខ១ នាព្រឹកថ្ងៃទី២៦ តុលា ឆ្នាំ២០២០ ថា សមិទ្ធិផលថ្មីលើកដីសន្តិភាពពិតជាត្រឹមត្រូវ ហើយសាងសងនៅទឹកដីចាស់ក៏មានដែរ។
សម្តេចតេជោ បានលើកឡើងថា ទឹកដីខេត្តកណ្តាលបានកាត់ចូលភ្នំពេញជាច្រើន
ដែលកាលពីមុនព្រលានយន្តហោះជាទឹកដីខេត្តកណ្តាល ប៉ុន្តែត្រូវបានកាត់មកចូល ទឹកដីរាជធានីភ្នំពេញផងដែរ ។ សម្តេចតេជោថា៖ «ពេលមុន សម្តេចមានការធុញចំពោះការរារាំងមិនអនុញ្ញាតឲ្យមានការសាងសង់អាគារខ្ពស់ ដោយសារខ្លះនិយាយថាប៉ះពាល់កន្លែងនេះកន្លែងនោះ ។ ប៉ុន្តែក្រោយ មកសម្តេចបានសម្រេចអាលកាត់ថា បើអ្នកសាសង់អគារខ្ពស់ជាងគេនៅរាជធានីភ្នំពេញ សម្តេចបំពាក់មេដាយឲ្យផងដែរ»
សម្តេចបន្តថា សម្តេចចង់ឃើញនៅក្នុងរាធានីភ្នំពេញ មានអគារខ្ពស់ ព្រោះប្រទេស មានការអភិវឌ្ឍ គឺត្រូវមានការអគារខ្ពស់ៗ នៅក្នុងក្រុង។ នៅពេលបច្ចុប្បន្ន មិនដូច កាលពីមុននោះទេ ព្រោះថា អគារសាងសង់មានច្រើនកន្លែង លើកផ្ទៃដីជាច្រើន ហិកតា មិនថានៅទីក្រុងភ្នំពេញនោះ សូម្បីតែនៅតាមបណ្តាខេត្តក៏មានអគារខ្ពស់ៗផងដែរ។
ជាមួយគ្នានោះដែរ សម្តេចតេជោ ក៏បានអរគុណក្រុមហ៊ុនបរទេសដែលចូលរួម
ចំណែកកសាង និងអភិវឌ្ឍន៍ប្រទេសកម្ពុជាមានការរីកចម្រើនមកដល់បច្ចុប្បន្ន ៕
ចែករំលែកព័តមាននេះ