អង់គ្លេស ៖ ក្រុមហង្សក្រហម Liverpool ត្រូវបានរាយការណ៍ថាកំពុងស្ថិតក្នុងការចរចាលើដំណើរការផ្ទេរខ្សែការពារកណ្តាលវ័យក្មេងរបស់ក្រុមអាល្លឺម៉ង់ Schalke នៅទីផ្សារដោះដូរកីឡាករបើកនាខែមករាឆ្នាំក្រោយ។ លោក Jürgen Klopp…
អង់គ្លេស ៖ ក្រុមហង្សក្រហម Liverpool ត្រូវបានរាយការណ៍ថាកំពុងស្ថិតក្នុងការចរចាលើដំណើរការផ្ទេរខ្សែការពារកណ្តាលវ័យក្មេងរបស់ក្រុមអាល្លឺម៉ង់ Schalke នៅទីផ្សារដោះដូរកីឡាករបើកនាខែមករាឆ្នាំក្រោយ។
លោក Jürgen Klopp បង្ហាញការចាប់អារម្មណ៍លើកីឡាករ Ozan Kabak មានវ័យ២០ឆ្នាំដែលកំពុងបង្ហាញទម្រង់លេងយ៉ាងល្អជាមួយក្រុម Schalke ខណៈដែលការសម្លឹងឃើញខ្សែការពារជម្រើសជាតិតួកគីរូបនេះ ដើម្បីយកមកបំពេញចន្លោះប្រហោងប្រព័ន្ធការពារកណ្តាល បន្ទាប់ពីការរងរបួសដាច់សរសៃពួរសាច់ដុំរបស់កីឡាករ Virgil van Dijk អំឡុងការប្រកួតទល់នឹងក្រុម Everton ថ្ងៃទីសៅរ៍ ទី១៧ កន្លងទៅ ដែលបង្ខំឱ្យខ្សែការពារហូឡង់រូបនេះ ត្រូវឃ្លាតឆ្ងាយពីទីលានប្រកួតរយៈពេលយូរ។
ប្រភពពី Eurosport បានឱ្យដឹងថា Schalke បានទាមទារតម្លៃ ៤០លានផោនពីការផ្ទេរមួយនេះ ប៉ុន្តែស្ថិតក្នុងដំណាក់កាលចរចាលើកដំបូង Liverpool បានផ្តល់ត្រឹម ២០លានផោនជាមុនសិន មុនពេលកិច្ចពិភាក្សាបន្តទៅមុខទៀត។
សូមរំលឹកថា Ozan Kabak បានផ្លាស់ពីក្រុម Stuttgart មកចូលរួមជាមួយ Schalke កាលពីចុងខែមិថុនា ឆ្នាំ២០១៩ ក្នុងតម្លៃ១៥លានអឺរ៉ូ ដោយបានបង្ហាញខ្លួនចំនួន ៣០ប្រកួតនិងស៊ុតបញ្ចូលទីបាន ៣គ្រាប់គ្រប់កម្មវិធីទាំងអស់៕
ចែករំលែកព័តមាននេះ