សហរដ្ឋអាមេរិក ៖ Adele បានបង្ហាញខ្លួនគួរឱ្យភ្ញាក់ផ្អើលក្នុងកម្មវីធីកំប្លែង Saturday Night Live (SNL) ដ៏ល្បីល្បាញបំផុតរបស់សហរដ្ឋអាមេរិក ជាមួយនិងការប្រែរូបរាង១៨០ដឺក្រេរបស់នាង…
សហរដ្ឋអាមេរិក ៖ Adele បានបង្ហាញខ្លួនគួរឱ្យភ្ញាក់ផ្អើលក្នុងកម្មវីធីកំប្លែង Saturday Night Live (SNL) ដ៏ល្បីល្បាញបំផុតរបស់សហរដ្ឋអាមេរិក ជាមួយនិងការប្រែរូបរាង១៨០ដឺក្រេរបស់នាង ដែលគ្រប់គ្នាមើលសឹងតែមិនស្គាល់។
កំពូលតារាចម្រៀងរបស់ចក្រភពអង់គ្លេសវ័យ ៣២ឆ្នាំរូបនេះ បានកាន់ម៉ៃក្រូហ្វូនសម្រាប់ការសម្តែងកំប្លែងជំនួសឱ្យការច្រៀងដ៏អស្ចារ្យ ដែលខុសពីសព្វដង។ ដោយថែមទាំងបានលើកយកការសម្រកទម្ងន់របស់ខ្លួន មកនិយាយបែបលេងសើចធ្វើឱ្យគ្រប់គ្នាផ្ទុះសំណើចថែមទៀតផង។
អ្វីដែលកាន់តែចាប់អារម្មណ៍ខ្លាំងពីការបង្ហាញខ្លួនលើកនេះ គឺគ្រប់គ្នាបានលើកសរសើរពីសម្រស់ដ៏ស្រស់ស្អាត រួមជាមួយនិងដងខ្លួនដ៏សិចស៊ីរបស់នាង។ ដែលវាខុសពីអំឡុងពេលដំបូងៗនៃការធ្វើយុទ្ធនាការសម្រកទម្ងន់របស់នាង ដោយធ្វើឱ្យគ្រប់គ្នានិយាយថាមុខនាងហាក់ដូចជាចាស់ជាងមុន។
សូមរំលឹកថាម្ចាស់បទ «Hello» ដ៏ល្បីល្បាញរូបនេះ បានចាប់ផ្តើមសម្រកទម្ងន់នៅក្រោយពេលនាងនិងស្វាមីរបស់នាងគឺលោក Simon Konecki បានសម្រេចលែងលះគ្នាកាលខែមេសា ឆ្នាំ២០១៩កន្លងទៅ។ ហើយគិតដល់ពេលនេះ Adele បានសម្រកទម្ងន់រហូតដល់ ៤៥គីឡូក្រាម ដែលធ្វើឱ្យទម្ងន់បច្ចុប្បន្នរបស់នាងនៅសល់ត្រឹម ៦៨គីឡូក្រាមតែប៉ុណ្ណោះ៕ (ដកស្រង់ចេញពី Dailystar)
ចែករំលែកព័តមាននេះ