ការឆ្លងរាលដាលនៃវីរុស COVID-19 ៖ យោងតាមការរាប់របស់រ៉យទ័រថានៅអាស៊ីគិតដល់ថ្ងៃទី២៤ តុលា ចំនួនអ្នកឆ្លងវីរុស COVID-19 មានដល់ជាង១០លាននាក់ ខណៈទ្វីបអឺរ៉ុបចំនួនអ្នកបាត់បង់ជីវិតដោយសារវីរុសនោះមានដល់លើសពី២៥០.០០០នាក់ហើយ ។
នាំមុខដោយអាមេរិកឡាទីនតែមួយគត់ អាស៊ីចំនួនអ្នកឆ្លងវីរុសមានដល់ប្រមាណជា១ភាគ៤នៃចំនួនអ្នកឆ្លងលើពិភពលោក ។ ចំណែកចំនួនអ្នកបាត់បង់ជីវិតដោយសារវីរុសនេះនៅអាស៊ីបានឡើងដល់ជាង១៦៣.០០០នាក់ ត្រូវជាប្រមាណជា១៤%នៃចំនួនអ្នកបាត់បង់ជីវិតលើពិភពលោក ។ អាស៊ីខាងត្បូងពិសេសប្រទេសឥណ្ឌារងការប៉ះពាល់ខ្លាំងជាងគេ តែផ្ទុយពីចិនដែលការឆ្លងហាក់ដូចជាអាចគ្រប់គ្រងបាន ។
ប្រទេសឥណា្ឌ ជាប្រទេសរងការប៉ះពាល់ខ្លាំងជាងគេ បន្ទាប់ពីសហរដ្ឋអាមេរិក រៀបរាប់ពីចំនួនអ្នកឆ្លងថ្មីដល់ជាង៥៧.០០០នាក់ក្នុង១ថ្ងៃ ។ អឺរ៉ុបនាពេលនេះចំនួនអ្នកបាត់បង់ជីវិត ដោយសារវីរុសបានឡើងដល់ជាង២៥០.០០០នាក់ នាំមុខគេដោយប្រទេសអង់គ្លេសដែលអ្នកបាត់បង់ជីវិតឡើងដល់ជាង៤៥.០០០នាក់ បន្ទាប់មកគឹអ៊ីតាលី អេស្ប៉ាញ បារាំង និងរុស្ស៊ី ។
បារាំងមកដល់ថ្ងៃទី២៣ តុលា ចំនួនអ្នកឆ្លងបានកើនដល់លើសពី១លាននាក់ បន្ទាប់ពីការឆ្លងប្រចាំថ្ងៃបានកើនខ្ពស់ដល់កម្រិតកំពូលនាំឲ្យមានវិធានការពង្រឹងការរិតត្បិតនៅក្នុងប្រទេស ។
តាមតុល្យការរបស់ក្រសួងសុខាភិបាលបារាំងថា ប្រទេសនោះចំនួនអ្នកឆ្លងមានដល់៤២.០៣២នាក់២៤ម៉ោងចុងក្រោយនេះនាំឲ្យចំនួនអ្នកឆ្លងសរុបកើនដល់១.០៤១.០៧៥នាក់ ។ ចំនួនអ្នកឆ្លងវីរុសនោះលើពិភពលោកគិតដល់ថ្ងៃទី២៤ តុលា បានកើនដល់ជាង៤២,៥លាននាក់ និងអ្នកបាត់បង់ជីវិតជាង១,១៥លាននាក់ ។ អាមេរិកនៅតែជាប្រទេសរងការប៉ះពាល់ខ្លាំងជាងគេជាមួយអ្នកឆ្លងជាង៨,៦៤លាននាក់ និងអ្នកបាត់បង់ជីវិតជាង២២៥.០០០នាក់ ។ ឥណ្ឌាចំនួនអ្នកឆ្លងកើនដល់ជាង៧,៨៦លាននាក់ និងអ្នកបាត់បង់ជីវិតជាង១១៩.០០០នាក់ ។ ប្រេស៊ីលចំនួនអ្នកឆ្លងមានជាង៥,៣៨លាននាក់ និងអ្នកបាត់បង់ជីវិតជាង១៥៧.០០០នាក់ ។
ប្រធានាធិបតីប៉ូឡូញឆ្លងវីរុស
ប្រធានាធិបតីប៉ូឡូញលោក ANDRZEJ DUDA ត្រូវបានធ្វើតេស្តឃើញឆ្លងវីរុស តែសុខភាពលោកនៅប្រសើរ ។ នេះជាការអះអាងរបស់រដ្ឋាភិបាល ពេលដែលប៉ូឡូញកំពុងតែប្រឈមមុខ
នឹងការកើនឡើងនៃការឆ្លង ។ លោក DUDA កាលពីថ្ងៃទី១៥ តុលាធ្លាប់បានទៅចូលរួម ក្នុងវេទិកាវិនិយោគនៅទីក្រុងតាល់លីនដែលនៅទីនោះ លោកបានជួបជាមួយប្រធានាធិបតីប៊ុលហ្គារី លោកROUMEN RADEV ដែលបន្ទាប់ពីនោះមកបាននៅដាច់ពីគេ ដោយសារលោកបានជួបជាមួយមនុស្សម្នាក់ទៀតដែលឆ្លងវីរុសក្នុងប្រទេសលោកមក ។
ប្រធានាធិបតីអាល់ហ្សេរីលោក ABDELMADJID TEBBOUNE បានស្ម័គ្រចិត្តនៅដាច់ពីគេរយៈពេល៥ថ្ងៃ បន្ទាប់ពីលោកជួបជាមួយអ្នកទទួលខុសត្រូវច្រើនរូបរបស់ប្រទេសដែលមានរោគសញ្ញានៃការឆ្លងវីរុសមក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ