ខេត្តបន្ទាយមានជ័យ ៖ ប្រជាពលរដ្ឋរងគ្រោះដោយសារតែទឹកជំនន់ដែលត្រូវជម្លៀសរកទីទួលសុវត្ថិភាពជាង១០០គ្រួសារ ត្រូវបានទទួលអំណោយពីរាជរដ្ឋាភិបាលតាមរយៈតំណាងរាស្គ្រមណ្ឌលខេត្តបន្ទាយមានជ័យ កាលពីថ្មីៗនេះនៅលើខ្នងអាងត្រពាំងថ្មស្រុកភ្នំស្រុក។ លោក យឹម សំណាង អភិបាលស្រុកភ្នំស្រុក បានមានប្រសាសន៍ថ្លែងអំណគុណប្រមុខរាជរដ្ឋាភិបាលកម្ពុជា…
ខេត្តបន្ទាយមានជ័យ ៖ ប្រជាពលរដ្ឋរងគ្រោះដោយសារតែទឹកជំនន់ដែលត្រូវជម្លៀសរកទីទួលសុវត្ថិភាពជាង១០០គ្រួសារ ត្រូវបានទទួលអំណោយពីរាជរដ្ឋាភិបាលតាមរយៈតំណាងរាស្គ្រមណ្ឌលខេត្តបន្ទាយមានជ័យ កាលពីថ្មីៗនេះនៅលើខ្នងអាងត្រពាំងថ្មស្រុកភ្នំស្រុក។
លោក យឹម សំណាង អភិបាលស្រុកភ្នំស្រុក បានមានប្រសាសន៍ថ្លែងអំណគុណប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបាននាំយកអំណោយចែកជូនតាមរយៈលោក សេរី កុសល់ តំណាងរាស្គ្រមណ្ឌលខេត្តបន្ទាយមានជ័យ ជូនដល់បងប្អូនប្រជាពលរដ្ឋដែលរងគ្រោះដោយសារតែទឹកជំនន់កំពុងលិចលង់ផ្ទះសម្បែងនៅស្រុកភ្នំជាង១០០គ្រួសារ នឹងកំពុងស្នាក់នៅលើទីទួលសុវត្ថិភាព។
លោកបានបញ្ជាក់ថា ក្រោយពេលទឹកជំនន់ទឹកភ្លៀង និងធ្លាក់ពីថៃឃើញលិចតាមបណ្តាស្រុក-ក្រុងជាប់ជាយដែន ហើយត្រូវស្រក បណ្តាលបាក់អាងតាម៉េងស្រុកថ្មពួក និងបាក់អាងបន្ទាត់បុសស្រុស្វាយចេក និងហូរមកផ្នែកខាងក្រោម បណ្តាលលិចលងផ្ទះសម្បែងប្រជាពលរដ្ឋផ្នែកខាងលើអាងត្រពាំង ព្រមទាំងគំរាមកំហែងដល់អាងត្រពាំងថ្មស្រុកភ្នំស្រុក ក្រោយមកក៏ត្រូវបានអាជ្ញាធរ មន្ត្រីរាជការ និងកងកម្លាំង រួមទាំងប្រជាពលរដ្ឋនាំគ្នាច្រកការ៉ុងដីខ្សាច់ទប់ខ្នងទំនប់ ដើម្បីការពារបាក់ប្រឈមគ្រោះថ្នាក់ផ្សេងៗ។
លោក សេរី កុសល់ តំណាងរាស្គ្រមណ្ឌលខេត្ត មានប្រសាសន៍កោតសសើរចំពោះអាជ្ញាធរស្រុក មន្ត្រីរាជការ និងកងកម្លាំងទាំងបីស្ថាប័ន ដែលសហការជាមួយប្រជាពលរដ្ឋរួមគ្នាយកការ៉ុងច្រកដីទប់លើខ្នងទំនប់ការពារទឹកហូរកាត់ និងច្រុះបាក់ទំនប់ប្រឈមគ្រោះដល់ប្រជាពលរដ្ឋនៅស្រុកភ្នំស្រុក និងស្រុកដទៃទៀត ព្រោះទំហំផ្ទៃទឹកនៅអាងត្រពាំងថ្មីនេះធំធេងណាស់ ដែលមានប្រវែងរហូត១០គីឡូម៉ែត្របួនជ្រុង ហើយពេលនេះទឹកដែលមានជម្រៅ១៨,៩៦ម៉ែត្រ ហើយប្រកាសអាសន្នកម្រិតទឹក១៨,៨០ម៉ែត្រ។
លោកបានបញ្ជាក់ថា អំណោយដែលបាននាំយកចែកជូនដល់ប្រជាពលរដ្ឋជាង១០០គ្រួសារជាប្រជាពលរដ្ឋរងគ្រោះដោយទឹកជំនន់ហើយត្រូវបានជម្លៀសនៅលើទីទួលសុវត្ថិភាពខ្នងទំនប់អាងត្របាំងថ្ម ដែលជាការយកចិត្តទុកដាក់ពីប្រមុខរាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា តាមរយៈឯកឧត្តមបាននាំយកអំណោយចែកជូនប្រជាពលរដ្ឋក្នុង១គ្រួសារទទួលបាន ៖ អង្ករ១ការ៉ុង ២៥គីឡូក្រាម, មី១កេស, ទឹកត្រី១យួរស្មើ៦ដប, ទឹកស៊ីអ៊ីវ១យួរ, ទឹកបរិសុទ្ធ១កេសធំ, ឃីត១, មានមុង១, ភួយ១, ខ្នើយ១, កន្ទេល១, ថវិការ៥ម៉ឺនរៀល និងអំណោយសប្បុរសជនពីព្រះសង្ឃត្រូវចែកជូនប្រជាពលរដ្ឋមានអង្ករ និងគ្រឿងបរិភោគផងដែរ៕
ចែករំលែកព័តមាននេះ