ADផ្ទាំងផ្សព្វផ្សាយពាណិជ្ជកម្ម

Picture

លោក​មហាសេដ្ឋី​ប៊ី​ល ហ្គេ​ត​ស៍​៖ អតិថិជន​​មិន​សប្បាយ​ចិត្តជា​អតិថិជន​ល្អ​បំផុត

3 ឆ្នាំ មុន

លោក​មហាសេដ្ឋី​ប៊ី​ល ហ្គេ​ត​ស៍ (Bill Gates) ដែល​ជា​សហ​ស្ថាបនិក​របស់​ក្រុមហ៊ុន Microsoft បាន​ឆ្លងកាត់​នូវ​ឧបសគ្គ​ជា​ច្រើន​មុន​នឹង​អាច​សម្រេច​បាន​ភាព​ជោគជ័យ​ដូច​សព្វ​ថ្ងៃនេះ​។ លោក​ធ្លាប់​បាន​និយាយ​ថា «​អតិថិជន​ដែល​មិន​សប្បាយចិត្ត​ជាងគេ​របស់​អ្នក​គឺជា​ប្រភព​នៃ​ការ​រៀនសូត្រ​ល្អ​ជាងគេ​របស់​អ្នក​» ។…

លោក​មហាសេដ្ឋី​ប៊ី​ល ហ្គេ​ត​ស៍ (Bill Gates) ដែល​ជា​សហ​ស្ថាបនិក​របស់​ក្រុមហ៊ុន Microsoft បាន​ឆ្លងកាត់​នូវ​ឧបសគ្គ​ជា​ច្រើន​មុន​នឹង​អាច​សម្រេច​បាន​ភាព​ជោគជ័យ​ដូច​សព្វ​ថ្ងៃនេះ​។ លោក​ធ្លាប់​បាន​និយាយ​ថា «​អតិថិជន​ដែល​មិន​សប្បាយចិត្ត​ជាងគេ​របស់​អ្នក​គឺជា​ប្រភព​នៃ​ការ​រៀនសូត្រ​ល្អ​ជាងគេ​របស់​អ្នក​» ។ ខាងក្រោម ​គឺជា​មេរៀន​ដែល​អាជីវករ​ដទៃ​អាច​រៀនសូត្រ​ពី​ប្រយោគ​នេះ​បាន​៖

១. អាជីវកម្ម​តូច​ៗ​ត្រូវ​តេ​ឲ្យ​តម្លៃ​លើ​តម្រូវការ​អតិថិជន
ពេល​ដែល​អ្នក​គិត​ពី​ការ​បង្កើន​គុណភាព​ផលិតផល ឬ​បន្ថែម​ផលិតផល​ថ្មី​ៗ​ក្នុង​អាជីវកម្ម​របស់​អ្នក អ្នក​មិន​គិត​ពី​ផលិតផល​ដែល​អ្នក​ត្រូវការ​ទេ តែ​អ្នក​ត្រូវ​វិភាគ និង​រក​មើល​ផលិតផល​ទាំងនោះ​ដោយ​យោង​ទៅ​តាម​តម្រូវការ និង​ទស្សនៈ​របស់​អតិថិជន​របស់​អ្នក​។ ក្រៅពី​ផលិតផល​ហើយ តើ​អតិថិជន​របស់​អ្នកមាន​ត្រូវការ​ជា​សេវាកម្ម ឬ​សម្ភារៈ​បន្ថែម​ដើម្បី​ផ្តល់​ភាព​ងាយស្រួល​ដល់​ពួក​គេ​ទេ ? ឧទាហរណ៍​ថា​អ្នក​ចង់​លក់​វ៉ែនតា តើ​អ្នកមាន​ផ្តល់​នូវ​សេវាកម្ម​ជួសជុល​ដោយ​ឥត​គិតថ្លៃ​ប្រសិនបើ​មាន​បញ្ហា​ទេ?

២. រៀន​ពី​មូលហេតុ​ដែល​ធ្វើ​ឲ្យ​អតិថិជន​អ្នក​មិន​ពេញចិត្ត
ការ​រិះគន់​ពី​អតិថិជន​របស់​អ្នក​មិនមែន​ដើម្បី​ធ្វើ​ឲ្យ​អាជីវកម្ម​របស់​អ្នក​រលំ​ទេ​។ ការ​រិះគន់​គួរតែ​ជា​អ្វី​ដែល​អ្នក​អាច​រៀនសូត្រ​តាម​បាន​ដើម្បី​កែសម្រួល​។ វា​មិនមែន​មាន​ន័យ​ថា​អ្នក​ត្រូវ​ស្តាប់​តាម​មតិយោបល់​របស់​អតិថិជន​គ្រប់​គ្នា​ទេ តែ​អ្នក​គួរតែ​ស្តាប់​តាម​មតិ​ភាគច្រើន​ដើម្បី​រក​មើល​ចំណុច​ដែល​អ្នក​អាច​ធ្វើ​ឲ្យ​កាន់តែ​ប្រសើរ​ឡើង​។

៣. ការ​ឆ្លើយ​តប
ការ​ឆ្លើយ​តប​ល្អ​បំផុត​ទៅ​នឹង​ការ​រិះគន់​គឺ​ការ​កែសម្រួល​។ អ្នក​ប្រហែលជា​មើលឃើញ​អតិថិជន និង​អាជីវករ​ជា​ច្រើន​រូប​ដែល​បាន​ឈ្លោះ​គ្នា​ទៅ​វិញ​ទៅ​លើ​ប្រព័ន្ធ​សង្គម​ហើយ​។ ជាក់ស្តែង ប្រព័ន្ធ​សង្គម​ផ្តល់​ភាព​ងាយស្រួល​ឲ្យ​អតិថិជន​ធ្វើការ​រិះគន់ និង​បញ្ចេញ​មតិយោបល់​ពិតមែន ប៉ុន្តែ​ក្នុង​នាម​ជា​អាជីវករ​អ្នក​មិន​ត្រូវ​ឆ្លើយ​តប​ទៅ​វិញ​ដោយ​កំហឹង​ទេ​។

អាជីវករ​អាច​រៀនសូត្រ​បន្ថែម​ពី​អ្វី​ដែល​អតិថិជន​អ្នក​ត្រូវការ និង​មូលហេតុ​ដែល​ធ្វើ​ឲ្យ​ពួក​គេ​មិន​ពេញចិត្ត​នឹង​សេវាកម្ម​ឬ​ផលិតផល​។ ទោះជា​ការ​រិះគន់​នោះ​មិន​សម​ហេតុ​សម​ផល​ពិតមែន​ក្តី ប្រសិនបើ​អ្នកឆ្លើយ​តប​ដោយ​ស្ងប់​អារម្មណ៍ អ្នក​នឹង​មិន​ទទួល​រង​ការ​រិះគន់​បន្ថែម​ទេ ​។ លើស​ពី​នេះ​ទៅ​ទៀត ប្រសិនបើ​ផលិតផល និង​សេវាកម្ម​របស់​អ្នក​ល្អ​ពិតមែន​នោះ អតិថិជន​របស់​អ្នក​នឹង​ចេញ​មុខ​គាំទ្រ​អ្នក​ដែរ​ ៕

អត្ថបទសរសេរ ដោយ

កែសម្រួលដោយ