ខេត្តកំពង់ឆ្នាំង ៖ អាជ្ញាធរស្រុកកំពង់លែងបានអំពាវនាវដល់បងប្អូនប្រជាពលរដ្ឋ ដែលធ្វើដំណើរឆ្លងកាត់ពីស្រុកកំពង់លែង ខេត្តកំពង់ឆ្នាំង ទៅស្រុកស្ទោង ខេត្តកំពង់ធំ ត្រូវបញ្ឈប់ការការធ្វើដំណើរ ដោយយានយន្តជាបន្ទាន់ ព្រោះតែផ្លូវលេខផ្លូវលេខ50C…
ខេត្តកំពង់ឆ្នាំង ៖ អាជ្ញាធរស្រុកកំពង់លែងបានអំពាវនាវដល់បងប្អូនប្រជាពលរដ្ឋ ដែលធ្វើដំណើរឆ្លងកាត់ពីស្រុកកំពង់លែង ខេត្តកំពង់ឆ្នាំង ទៅស្រុកស្ទោង ខេត្តកំពង់ធំ ត្រូវបញ្ឈប់ការការធ្វើដំណើរ ដោយយានយន្តជាបន្ទាន់ ព្រោះតែផ្លូវលេខផ្លូវលេខ50C ត ភ្ជាប់ពីខេត្តទាំង២ ត្រូវបានទឹកលិចដោយកន្លែង។
ការអំពាវនាវនេះបានធ្វើឡើង បន្ទាប់ពីលិខិតជូនដំណឹងរបស់រដ្ឋបាលសាលាស្រុកកំពង់លែង កាលពីថ្ងៃទី២០ តុលា កន្លងទៅ នៅតែមានបងប្អូន នៅបន្តធ្វើដំណើរលើ ផ្លូវនេះ នៅឡើយ ។ លោក សំ ចាន់ថន អភិបាលស្រុកកំពង់លែងបានបញ្ជាក់ដែរថា៖ ផ្លូវតភ្ជាប់ពីខេត្តកំពង់ឆ្នាំងទៅខេត្តកំពង់ធំ ត្រូវបានទឹកលិច២ កន្លែង ក្នុងនោះ មួយកន្លែងជាង១៥០ម៉ែត្រ ងមួយកន្លែងទៀតជាង១០០ម៉ែត្រនេះ ជាស្ថានភាពទឹកនៅរសៀល ថ្ងៃទី២១ខែតុលា ម្សិលមិញនេះ ពេលលោកដឹកនាំមន្ត្រីចុះពិនិត្យដោយផ្ទាល់ ។
លោកបានបញ្ជាក់ រដ្ឋបាលស្រុកកំពង់លែងបានជូនដំណឹង ស្តីពីការផ្អាកចរាចរណ៍កាលពីថ្ងៃទី ២០ ខែតុលា ។ ប៉ុន្តែប្រហែលជាបងប្អូនមិនទាន់ដឹង ទើបនៅថ្ងៃទី២១ មានការធ្វើចរាចរណ៍ខ្លះៗ។ យ៉ាងនេះក្តី លោកបានដាក់កម្លាំង ការពារ និងហាមឃាត់តែម្តង មិនអនុញ្ញាត្តិឱ្យមានការធ្វើដំណើរជាដាច់ខាត។ លោក អភិបាលស្រុកកំពង់លែងបានបន្ថែមថា៖ មូលហេតុបិទមិនឱ្យមានចរាចរណ៍នេះ បញ្ហាទី១ ថ្វីបើរថយន្តអាចឆ្លងកាត់បានក៍ពិតមែន ប៉ុន្តែ ផ្លូវដីក្រហមលិចទឹក វាជ្រាយបណ្តាលឱ្យខូចផ្លូវ ទី២ បងប្អូនធ្វើដំណើរក្នុងទឹកមើលផ្លូវមិនឃើញ ខ្លាចខុសផ្លូវ និងធ្លាក់ចូលទឹកជ្រៅ នឹងបង្ករគ្រោះថ្នាក់ជាពុំខាន។
ការបិទផ្លូវនេះដែរ ខាងខេត្តកំពង់ធំ ក៍គេបិទមកឱ្យមកដែរ ។ លោក សំ ចាន់ថន នូវបានបញ្ជាក់ពីស្ថានភាព ទឹកនៅស្រុកកំពង់លែង ដែរថា៖ ដោយសារទឹកបានធ្លាក់ពីស្ទឹងជីនិត ខេត្តកំពង់ធំ គួបផ្សំនឹងទឹកទន្លេ ឡើងបុកចូលគ្នា ផង ទើបបណ្ដាលឲ្យទឹកលិចផ្លូវ លេខ50 C តភ្ជាប់រវាងខេត្តកំពង់ឆ្នាំង និងខេត្តកំពង់ធំបែប នេះ និងលិចជារៀងរាល់ឆ្នាំ ។ យ៉ាងនេះក្តី ស្រុកកំពង់លែង មិនទាន់ទទួលការគម្រាម កំហែងពីទឹកជំនន់នោះឡើយនោះទេ ។
សូមបញ្ជាក់ដែរថាៈ ផ្លូវលេខ 50 C តភ្ជាប់ពីខេត្តកំពង់ឆ្នាំង ទៅខេត្តកំពង់ធំនេះ មានសារសំខាន់ខ្លាំងណាស់ លើវិស័យគមនាគមន៍ ព្រោះការធ្វើដំណើរឆាប់រហ័ស មិនលំបាកវាង ដល់ស្ពានព្រែកក្តាម ដូចមុនទៀតឡើយ ។ ជាងនេះទៀត ប្រមុខរាជរដ្ឋាភិបាលបានគ្រោងនឹងធ្វើផ្លូវឆ្លងកាត់ទន្លេ តភ្ជាប់ពីទីរួមខេត្តកំពង់ឆ្នាំង ទៅស្រុកកំពង់លែង និងផ្លូវពីស្រុកកំពង់លែង ទៅខេត្តកំពង់ធំ ជាផ្លូវក្រាលកៅស៊ូ និងមានស្ពានមួយចំនួនសម្រាប់ រំដោះទឹកដើម្បីធានាផការប្រើប្រាស់ផ្លូវយូអង្វែងទៀតផង៕
ចែករំលែកព័តមាននេះ