រាជធានីភ្នំពេញ៖ ការដ្ឋានសំណង់ដ៏ធំមួយកន្លែង ស្ថិតនៅប្រមុះជ្រូកលើផ្លូវលេខ៣៥៥ និងផ្លូវលេខ៣១៧ សង្កាត់បឹងកក់ទី១ ត្រូវបានគេអះអាងថា មិនគោរពតាមការណែនាំ របស់អាជ្ញាធរខណ្ឌទួលគោកឡើយ។ ការដ្ឋាននោះ ត្រូវគេដឹងថា…
រាជធានីភ្នំពេញ៖ ការដ្ឋានសំណង់ដ៏ធំមួយកន្លែង ស្ថិតនៅប្រមុះជ្រូកលើផ្លូវលេខ៣៥៥ និងផ្លូវលេខ៣១៧ សង្កាត់បឹងកក់ទី១ ត្រូវបានគេអះអាងថា មិនគោរពតាមការណែនាំ របស់អាជ្ញាធរខណ្ឌទួលគោកឡើយ។ ការដ្ឋាននោះ ត្រូវគេដឹងថា ជាការដ្ឋាន សាងសង់ អាគារពហុមុខងារ មានកម្ពស់ ៣០ជាន់ និងមានជាន់ក្រោម ២ជាន់ជារបស់ ក្រុម ហ៊ុន មេហ្គាគឹម វើលដ៍ខបអិលធីឌី ដែលមានលោកស្រី LEE WAN-CHIជាតំណាងក្រុម
ហ៊ុន។
តាមប្រជាពលរដ្ឋដែលបានធ្វើដំណើរឆ្លងកាត់ ក៏ដូចជាអាជ្ញាធរបានអោយដឹងថា រហូតមកដល់ពេលនេះ រយៈពេល១ខែមកហើយ គេពុំឃើញការដ្ឋាននោះ ធ្វើការជួសជុលផ្លូវ ធ្វើរបងហ៊ុមព័ទ្ធការដ្ឋានអោយបានត្រឹមត្រូវ ,ដាក់ភ្លើងបំភ្លឺផ្លូវតាមការណែនាំរបស់អាជ្ញាធរឡើយ ។
គួរបញ្ជាក់ថា បន្ទាប់ពីមានការបាក់ស្រុតផ្លូវ នៅវេលារសៀលថ្ងៃ ទី២១ កញ្ញា ឆ្នាំ២០២០ រដ្ឋបាលខណ្ឌទួលគោក ដឹកនាំដោយលោកឯក ឃុនដឿន អភិបាល ខណ្ឌ បានចុះទៅត្រួតពិនិត្យ និងណែនាំអោយម្ចាស់ការដ្ឋានជួសជុលស្ថាបនាផ្លូវឡើងវិញ ។ដោយ ឡែកកាលពីថ្ងៃ ទី០ខែ៩ កញ្ញា ឆ្នាំ ២០២០អាជ្ញាធ បានណែនាំដល់ម្ចាស់ការដ្ឋាន ម្តងមកហើយ តែម្ចាស់មិនស្តាប់តាមការណែនាំ ។
នៅក្នុងការចុះត្រួតពិនិត្យក្រុមការងារ របស់ រដ្ឋ បាលខណ្ឌ ក៍បានណែនាំដល់ម្ចាស់ការដ្ឋាន ដូចខាងក្រោម៖
១-ត្រូវធ្វើការជួសជុល ផ្លូវលេខ ៣១៧និងផ្លូវលេខ ៣៥៥ដែលរងការខូចខាតបណ្តាលមកពីការដ្ឋាន សំណង់ឡើងវិញ ។ ២-ត្រូវហ៊ុមព័ទ្ធការដ្ឋានសំណង់អោយបានត្រឹមត្រូវដើម្បីធានាសន្តិសុខ និងសុវត្តិភាព ការដ្ឋាន និងអ្នកធ្វើដំណើរ,៣.ដាក់ស្លាកសញ្ញានិងភ្លើងបំភ្លឺ ដើម្បីសំគាល់ការដ្ឋាន ។ ៤-រៀបចំបង្គោលអគ្គិសនីដែលស្រុតឡើងវិញនៅផ្លូវលេខ៣១៧ និង៥-ការដ្ឋានសំណង់ត្រូវមានផ្ទាំងព័ត៌មានអំពីគម្រោង សាងសង់នៅមុខការដ្ឋានសំណង់។
បន្ទាប់ពីធ្វើការណែនាំតំណាងក្រុមហ៊ុនក៏បានសន្យាថា នឹងអនុវត្តតាមការណែនាំ របស់អាជ្ញាធរ នៅពេលឆាបនេះតែរហូតដល់ថ្ងៃ នេះ ពុំឃើញម្ចាស់ការដ្ឋាន គោរពតាមការណែនាំឡើយ ។ លោកឯក ឃុន ដឿន អភិបាលនៃ គណះអភិបាល ខណ្ឌទួលគោក បានអោយដឹងថា ការដ្ឋាន សំណង់នោះ មានច្បាប់អនុញ្ញាតត្រឹមត្រូវដែលក្រសួងរៀបចំដែនដីនគររូបនីយកម្មនិងសំណង់ចុះត្រួតពិនិត្យ រួចហើយ ។
ការជួសជួលផ្លូវចាំការដ្ឋាន សាងសង់គ្រឹះរួចរាល់សិន ទើបអាចស្ថាបនាបាន។ចំណែកចំណុចផ្សេងទៀតលោកពុំអោយដឹងឡើយ ដោយបញ្ជាក់ថា លោកនឹងអោយមន្ត្រីចុះទៅត្រួតពិនិត្យសិន។ ទោះបីជាយ៉ាណា កោះសន្តិភាព ពុំទទួលបានការបំភ្លឺណាមួយពីម្ចាស់ការដ្ឋាន សំណង់នោះឡើយ ៕
ចែករំលែកព័តមាននេះ