រាជធានីភ្នំពេញ ៖ ថ្ងៃទី២២ តុលា ឆ្នាំ២០២០ ការិយាល័យសុខាភិបាលកងពលតូចលេខ៧០ បានបន្តពិនិត្យព្យាបាលជំងឺ និងចែកថ្នាំ ជាពិសេសថ្នាំឧបត្ថម្ភដោយមន្ទីរសូរិយា និងស្នងការដ្ឋាននគរបាលរាជធានីភ្នំពេញ និងថ្នាំរបស់កងពលផងដែរ ជូនដោយឥតគិតថ្លៃ ដល់ប្រជាពលរដ្ឋ។
ការពិនិត្យ និងព្យាបាលជំងឺជូនប្រជាពលរដ្ឋនាឱកាសនេះ រួមមាន៖ ជំងឺទូទៅ ជំងឺទូទៅផ្នែកកុមារ ជំងឺសើស្បែក និងព្យាបាលរបួស ថ្នាំលាបរមាស់(ទឹកសុីជេីង)…។ល។
សូមជម្រាបថាការពិនិត្យ និងព្យាបាលជំងឺជូនប្រជាពលរដ្ឋនេះគឺកើតចេញពីស្មារ តីមនុស្សធម៌សុទ្ធសាធ ស្តែងចេញពីសេចក្តីស្រឡាញ់បងប្អូន ប្រជាពលរដ្ឋ ក្នុងនាមឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ អនាគតតែមួយ ពោលគឺការព្យាបាលមិនប្រកាន់បក្សពួក ពូជសាសន៍ សាសនា ឬនិន្នាការនយោបាយណាមួយឡើយ សំដៅចូលរួមកាត់បន្ថយភាពក្រីក្រ របស់ប្រជាពលរដ្ឋមួយចំណែកផងដែរ។
បញ្ហាសុខភាព គឺជាមូលដ្ឋានគ្រឹះដើម្បីឆ្ពោះទៅរកភាពជោគជ័យសុភមង្គល ជូនគ្រួសារ និងសង្គមជាតិ៕
ចែករំលែកព័តមាននេះ