លោកយាយជប៉ុនអាយុ៨៦ឆ្នាំម្នាក់ ត្រូវចាប់ខ្លួនពីបទបើកប្រាក់ចូលនិវត្តន៍របស់ឪពុកម្តាយដែលស្លា.ប់ក្នុងរយៈពេលជាង៥០ឆ្នាំមកហើយ។ នេះបើតាមការបញ្ជាក់របស់ប៉ូលិសកាលពីពេលថ្មីៗកន្លងមក ។
លោកយាយជប៉ុនអាយុ៨៦ឆ្នាំម្នាក់ ត្រូវចាប់ខ្លួនពីបទបើកប្រាក់ចូលនិវត្តន៍របស់ឪពុកម្តាយដែលស្លាប់ក្នុងរយៈពេលជាង៥០ឆ្នាំមកហើយ។ នេះបើតាមការបញ្ជាក់របស់ប៉ូលិសកាលពីពេលថ្មីៗកន្លងមក ។
លោកយាយមីតស៊ុយស៊ូស៊ូគី ទទួលបានប្រាក់ជាង៥០លានយ៉េន ឬប្រហែល៤សែនដុល្លារ ក្នុងរយៈពេលជាង៥០ឆ្នាំ ពីឪពុកម្តាយរបស់ខ្លួនដែលបានស្លាប់នៅឆ្នាំ១៩៦០ ដោយបច្ចុប្បន្នលោកយាយកំពុងស្ថិតនៅក្នុងក្រុមមនុស្សមានវ័យចំណាស់បំផុតនៅលើពិភពលោក។
ជារឿងក្តីចុងក្រោយ ក្នុងចំណោមរឿងក្តីជាច្រើននៅប្រទេសជប៉ុន ដែលរដ្ឋចំណាយប្រាក់ចូលនិវត្តន៍រយៈពេលយូរ ក្រោយពេលស្លាប់របស់បុគ្គលមួយចំនួន ។
ក្នុងករណីផ្សេងទៀត មានបុគ្គលមួយចំនួនបានចំណាយពេលនៅជាមួយសពរបស់ញាតិមិត្តដែលស្លាប់ដើម្បីបានទទួលប្រាក់បំណាច់ ឬប្រាក់ចូលនិវត្តន៍បន្តទៀត ។
អំពើខុសច្បាប់របស់លោកយាយស៊ូស៊ូគី បានបង្ហាញឡើងក្រោយពីអាជ្ញាធរផ្នែកសង្គមកិច្ចមួយរូបទាក់ទងជាមួយអាជ្ញាធរក្នុងមូលដ្ឋាននៅខេត្តគីហ៊្វូ ប្រទេសជប៉ុន ដើម្បីសាកសួរពីសុខភាពរបស់លោកយាយម្នាក់អាយុ១១០ឆ្នាំ និងប្តីអាយុ១១២ឆ្នាំ ។ បុរសដែលមានអាយុវែងបំផុតនៅលើពិភពលោក គឺលោកសាការី ម៉ូម៉ូអីិុិ អាយុ១១២ឆ្នាំ ប៉ុន្តែមន្ត្រីនៅក្នុងខេត្តគីហ៊្វូបញ្ជាក់ថា ពួកគាត់ទាំង២នាក់បានស្លាប់ក្នុងរយៈពេលជាយូរមកហើយ និងបានចេញប័ណ្ណមរណភាពដល់ពួកគាត់តាំងពីឆ្នាំ១៩៦០មក ។
សម្រាប់ប្រទេសដែលមានពលរដ្ឋវ័យចំណាស់ច្រើន ជារឿងមួយគ្មានអ្វីប្លែកដែលជប៉ុនរមែងចំណាយលើប្រាក់បំណាច់ ឬប្រាក់ចូលនិវត្តន៍ច្រើន ជាក់ស្តែងនៅក្នុងឆ្នាំ២០១០ ប៉ូលិសបានចាប់ក្រុមគ្រួសារមួយនៅក្រុងតូក្យូ ពីបទទទួលប្រាក់និវត្តន៍ចំនួន១៨លានយ៉េន ឬ១,៥សែនដុល្លារក្នុងរយៈពេល៣០ឆ្នាំ ក្រោយពីការស្លាប់របស់លោកតាសូង៉េន កូតូ ដោយមិនបានរាយការណ៍ពីការស្លាប់របស់គាត់ ហើយត្រាំសពរក្សាទុកនៅក្នុងផ្ទះដោយបញ្ជាក់ថា អ្នកស្លាប់ចង់ក្លាយជាព្រះពុទ្ធ ៕
ចែករំលែកព័តមាននេះ