រាជធានីភ្នំពេញ ៖ ប្រមាណជាពីរបីថ្ងៃនេះ មានបងប្អូនខ្មែរមួយចំនួន ដែលនិយមលេងនៅលើបណ្ដាញសង្គមហ្វេសប៊ុក នៅក្នុងប្រទេសកម្ពុជា នាំគ្នាចែកចាយ(ស៊ែរ)បន្តៗ ឆ្លងលឿនណាស់ នូវរូបភាពដែលសន្មត់ថាជា «ម្រេញកង្វាល» ទៅវិញ ប៉ុន្តែការពិតទៅរូបទាំងនោះ ជារូបដែលគេសូនឡើង ជាតួអង្គនីមួយៗតាមរឿងនិទានរបស់បរទេសទេ បែរជា នាំគ្នាមកធ្វើជាការបួងសង សុំនេះ សុំនោះទៅវិញ ។ ហេតុអ្វីគ្រាន់តែចង់បាន (Like) និង (Share) លើផេកហ្វេសប៊ុក អ្នកសុខចិត្តបោកបញ្ឆោតខ្មែរដូចគ្នាបែបនេះឫ ?
បើតាមសំណេររបស់តារាកំប្លែង និងពិធីកររបស់ស្ថានីយ MYTV លោក ខេង រតនៈ ហៅ នាយព្រែក បានសរសេរយ៉ាងដូច្នេះថា « neay_prek ខ្ញុំគិតថាបងប្អូនមួយចំនួន គួរឈប់ បន់ស្រន់លើអ្នកគង្វាលចៀមនេះទៀតទៅ ព្រោះខ្ញុំគិតថា វាមិនស័ក្តិសិទ្ធទេ ព្រោះនេះរូបបរទេស បើចង់បន់ស្រប់ គួរបន់ស្រន់ពីអាប្អូនចយខ្ញុំវិញ ពីព្រោះចយជាខ្មែរដូចគ្នា ងាយស្ដាប់យល់ពីបំណងបងប្អូន ចំណែកមុខមាត់ គឺស្រដៀងគ្នាទៀត» ។
សូមមេត្តាជ្រាប រូបតុក្តតាធ្វើពីដីឥដ្ឋនេះ លក់សូនឡើង ពីប្រទេសរុស្សី តាំងពីឆ្នាំ២០១៤ ជារូបមនុស្សតឿ ដែលជាតួអង្គក្នុងរឿងនិទាន
ហើយគេ ធ្វើតុក្តតានេះ មានជាច្រើនប្រភេទ ពោលគឺមិនមែនជា ម្រេញកង្វាលអីទេ ។ មានក្រុមហ៊ុនខ្លះ គេធ្វើលក់ គេធ្វើដាក់តាំងចង្ក្រាន គេតាំងផ្ទះតុបតែងលេង ហើយបែរជានាំគ្នា បន់ស្រន់ សុំលក់អោយដាច់ច្រើនៗទៅវិញ ?
ចំណែកឯម្ចាស់ហ្វេសប៊ុកផេកមួយចំនួន ប៉ិនប្រសប់ណាស់ ដឹងថា ខ្មែរយើងមួយចំនួនឆាប់ជឿហើយ ! ហើយហេតុតែចង់បានផេកហ្វេសប៊ុករបស់ខ្លួនល្បី ក៏ហ៊ាន បោកបញ្ឆោតប្រជាពលរដ្ឋខ្មែរជាច្រើននាក់ ដើម្បីបាន share យក like (សំខាន់កាត់រូបសញ្ញាសម្គាល់វេបសាយបរទេសចេញទៀត) ។
ជាការកត់សម្គាល់ ជំនឿខ្វះការពិចាណា ពិតជាមានគ្រោះថ្នាក់ដល់សង្គមខ្មែរនាថ្ងៃក្រោយ ហើយជនឆ្លៀតឱកាស នៅតែអាចបោកបញ្ឆោតបានយ៉ាងងាយស្រួល ជាបន្តបន្ទាប់ទៀត ៕
ចែករំលែកព័តមាននេះ