រាជធានីភ្នំពេញ ៖ នារីវ័យក្មេងម្នាក់ ត្រូវបានគេប្រទះឃើញបាត់បង់ជីវិតនៅក្រោមជណ្តើរស្ពានជ្រោយចង្វារ ដែលគេសង្ស័យថា នាងមានជំងឺប្រចាំកាយ ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦ព្រឹកថ្ងៃទី២២ ខែតុលា ឆ្នាំ២០២០…
រាជធានីភ្នំពេញ ៖ នារីវ័យក្មេងម្នាក់ ត្រូវបានគេប្រទះឃើញបាត់បង់ជីវិតនៅក្រោមជណ្តើរស្ពានជ្រោយចង្វារ ដែលគេសង្ស័យថា នាងមានជំងឺប្រចាំកាយ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦ព្រឹកថ្ងៃទី២២ ខែតុលា ឆ្នាំ២០២០ ចំណុចក្រោមជណ្តើរស្ពានមិត្តភាពកម្ពុជា-ចិន ក្នុងភូមិដើមគ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
នារីរងគ្រោះត្រូវបានគេស្គាល់ថាឈ្មោះស្រី ពៅ មានអាយុប្រមាណជាង២០ឆ្នាំ ជានារីអនាថា និងមានស្រុកកំណើតនៅភូមិល្ហើយ ឃុំព្រាល ស្រុកកញ្ជ្រាច ខេត្តព្រៃវែង។
តាមប្រភពពីប្រជាពលរដ្ឋបានអោយដឹងថា នៅវេលាព្រឹកថ្ងៃកើតហេតុនោះ មានអ្នកធ្វើដំណើរតាមទូកឆ្លងកាត់ក៏ក្រឡេកមើលឃើញនារីរងគ្រោះរូបនោះបាត់បង់ជីវិតនៅក្រោមកាំជណ្តើរ ហើយក៍បានស្រែកប្រាប់អ្នកនៅក្បែរនោះរាយការណ៍ប្រាប់នគរបាលមូលដ្ឋាន ទើបបង្កអោយមានការភ្ញាក់ផ្អើលកើតឡើង ដោយគេពុំដឹងថា នារីរងគ្រោះរូបនោះបាត់បង់ជីវិតតាំងពីពេលណាឡើយ ។
តាមប្រភពព័ត៌មានដដែលបានអោយដឹងទៀតថា កន្លងមក គេតែងតែឃើញ នារីរងគ្រោះរូបនោះ ដើរអានាថានៅតាមដងផ្លូវ និងតែងតែទៅដេកនៅក្រោមស្ពានជ្រោយចង្វារ ហើយអស់រយៈពេលប្រមាណកន្លះខែមកហើយ គេឃើញនារីរងគ្រោះរូបនោះធ្លាក់ខ្លួនឈឺហើមពោះ ហើយក៏បាត់បង់ជីវិតនៅចំណុចខាងលើនោះតែម្តង ។
បន្ទាប់ពីមានការភ្ញាក់ផ្អើលខាងលើរួចមក នគរបាលជំនាញ និងគ្រូពេទ្យតុលាការ ក៍បានចុះទៅត្រួតពិនិត្យ ហើយបានបញ្ជាក់ថា នារីរងគ្រោះរូបនោះបានបាត់បង់ជីវិតដោយសារតែជំងឺថ្លើម ។
ក្រោយពីពិនិត្យរួច សពនារីរងគ្រោះខាងលើត្រូវបាននគរបាលបញ្ចូនទៅកាន់ឈាបនដ្ឋានវត្តទឹកថ្លា ដើម្បីរង់បូជាតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ