មានពុទ្ធឱវាទមួយកន្លែងបានសម្ដែងថា សត្វណាដែលមិនធ្លាប់ជាមាតា មិនធ្លាប់ជាបិតា មិនធ្លាប់ជាបុត្រ មិនធ្លាប់ជាធីតានឹងគ្នា សត្វនោះនឹងមិនងាយរកបានទេ ព្រោះថាក្នុងសង្សារវដ្ដនេះ គឺកាលវិលវល់កើតស្លាប់ដែលកំណត់ទីបំផុតខាងដើមនឹងមិនបានឡើយ ដូច្នេះកាលបើមានហេតុនាំឲ្យក្រោធកើតឡើងពីអ្នកណា គប្បីពិចារណាថា…
មានពុទ្ធឱវាទមួយកន្លែងបានសម្ដែងថា សត្វណាដែលមិនធ្លាប់ជាមាតា មិនធ្លាប់ជាបិតា មិនធ្លាប់ជាបុត្រ មិនធ្លាប់ជាធីតានឹងគ្នា សត្វនោះនឹងមិនងាយរកបានទេ ព្រោះថាក្នុងសង្សារវដ្ដនេះ គឺកាលវិលវល់កើតស្លាប់ដែលកំណត់ទីបំផុតខាងដើមនឹងមិនបានឡើយ ដូច្នេះកាលបើមានហេតុនាំឲ្យក្រោធកើតឡើងពីអ្នកណា គប្បីពិចារណាថា បុគ្គលនោះធ្លាប់ជាមាតារបស់យើង បុគ្គលនោះធ្លាប់ជាបិតារបស់យើង ដើម្បីរម្ងាប់សេចក្តីក្រោធនោះ ។
អ្នកដែលធ្លាប់ជាមាតានោះរមែងរក្សាកូនទុកក្នុងផ្ទៃជាច្រើនខែ គ្រាកាលកូនចាកផ្ទៃមកហើយ ក៏ចិញ្ចឹមថែរក្សាមិនខ្ពើមមូត្រលាមក ទឹកមាត់ទឹកសម្បោរជាដើម ចាប់កាន់ជូតលាងដោយដៃយ៉ាងស្និទ្ធ ឱបកូន ពកូន បីកូនបំបៅចិញ្ចឹមកូនឲ្យរស់ ឲ្យរៀនដោយប្រពៃ ។
ចំណែកបុរសដែលធ្លាប់ជាបិតាត្រូវដើរផ្លូវលំបាក ផ្លូវឆ្ងាយជួបភ័យព្រួយក្នុងមុខរបរជួញដូរ បិតាខ្លះទៅធ្វើសង្គ្រាម បិតាខ្លះចុះទូកកណ្ដាលសមុទ្រ បិតាខ្លះធ្វើការលំបាកផ្សេងៗទៀត ដើម្បីប្រមូលទ្រព្យយកមកដោយគិតថានឹងចិញ្ចឹមប្រព្ធ និងកូនតូច ។
បើទោះជាមិនមែនមាតាបិតា ក៏អាចជាបង ជាប្អូន ជាញាតិ ជាមិត្ត ដែលធ្លាប់បានរួមសុខរួមទុក្ខជាមួយគ្នាដូច្នេះការដែលមានចិត្តអាក្រក់ ខឹងក្រោធស្អប់ខ្ពើមដល់បុគ្គលទាំងនោះគឺការមិនសមគួរសោះឡើយ ។ សាន សារិន
ចែករំលែកព័តមាននេះ