ស្ថានភាពទឹកនៅស្រុកពួក គិតត្រឹមថ្ងៃ២១ តុលា ឃុំខ្លះស្រក ឃុំខ្លះទៀតបន្តជន់លិច
- សៀមរាប
ខេត្តសៀមរាប ៖ តាមសេចក្ដីរាយការណ៍ពីលោក ស៊ិន ចាន់ថុល អភិបាលស្រុកពួក បានឲ្យដឹងថា គិតត្រឹមល្ងាចថ្ងៃទី២១ ខែតុលា ឆ្នាំ២០២០នេះ…
ខេត្តសៀមរាប ៖ តាមសេចក្ដីរាយការណ៍ពីលោក ស៊ិន ចាន់ថុល អភិបាលស្រុកពួក បានឲ្យដឹងថា គិតត្រឹមល្ងាចថ្ងៃទី២១ ខែតុលា ឆ្នាំ២០២០នេះ…
ខេត្តសៀមរាប ៖ តាមសេចក្ដីរាយការណ៍ពីលោក ស៊ិន ចាន់ថុល អភិបាលស្រុកពួក បានឲ្យដឹងថា គិតត្រឹមល្ងាចថ្ងៃទី២១ ខែតុលា ឆ្នាំ២០២០នេះ ស្ថានភាពជំនន់ទឹកភ្លៀងនៅក្នុងទូទាំងស្រុក មានឃុំមួយចំនួនបានស្រក ខណៈឃុំមួយចំនួនជំនន់ទឹកភ្លៀងនៅបន្តកើនឡើង ដូចជា ១-ឃុំក្តីរុន ៖ មានទឹកជន់លិចខ្លាំង លិចក្រោមផ្ទះប្រជាពលរដ្ឋជាច្រើនខ្នង និងទឹកហូរកាត់ផ្លូវប្រវែង១.៥០០ម៉ែត្រ ២-ឃុំយាង ៖ ទឹកហូរកាត់ផ្លូវ៣កន្លែងប្រវែង៤០ម៉ែត្រ ។
៣-ឃុំត្រីញ័រ ៖ ទឹកជំនន់បន្តកើនឡើងជាលើកទី២ ហើយខ្លាំងជាងមុន ដែលកាលពីមុននេះ លិចផ្លូវក្នុងភូមិសាស្ត្រឃុំទាំងស្រុង, លិចក្រោមផ្ទះប្រជាពលរដ្ឋក្នុងឃុំ ស្មើនឹង៩០ភាគរយ រួមទាំងប៉ះពាល់ផលដំណាំជាច្រើន និងសសរស្ដម្ភ ៖ ទឹកជំនន់បានជន់ឡើងវិញ ធ្វើឲ្យលិចក្រោម ផ្ទះ ប្រជាពលរដ្ឋ ចំនួន៥៤គ្រួសារ ហើយអាចនឹងបន្តកើនឡើង ដោយទឹកនឹងហូរមកពីឃុំយាង រីឯឃុំពួក : ទឹកស្រកបន្តិច តែពុំទាន់មានប៉ះពាល់ដល់ផ្ទះប្រជាពលរដ្ឋទេ ។
ក្នុងនោះដែរ រដ្ឋបាល ស្រុក និង ឃុំ កំពុងចុះពិនិត្យ និងតាមដានស្ថាន ភាពជំនន់ទឹកភ្លៀង ព្រមទាំងជូនដំណឹងដល់ប្រជាពលរដ្ឋ ដើម្បីបង្ការហានិភ័យនិងគ្រោះថ្នាក់ផ្សេងៗជាយថាហេតុបានទាន់ពេលវេលា ៕ (កែសម្រួលដោយ ៖ ធីតា)
ចែករំលែកព័តមាននេះ