សារព័ត៌មានរ៉យទ័រ ផ្សាយកាលពីពេល ថ្មីៗនេះថា លោកនាយករដ្ឋមន្ត្រីណាវ៉ាស់ សារីហ្វ នៃប្រទេសប៉ាគីស្ថានបានបើកសម្ពោធការសាងសង់រោងចក្រអគ្គិសនីប្រើពន្លឺព្រះអាទិត្យលើកដំបូង
សារព័ត៌មានរ៉យទ័រ ផ្សាយកាលពីពេល ថ្មីៗនេះថា លោកនាយករដ្ឋមន្ត្រីណាវ៉ាស់ សារីហ្វ នៃប្រទេសប៉ាគីស្ថានបានបើកសម្ពោធការសាងសង់រោងចក្រអគ្គិសនីប្រើពន្លឺព្រះអាទិត្យលើកដំបូងនៅក្នុងប្រទេសកាលពីថ្ងៃទី៥ ឧសភា ២០១៥ និងចាត់ទុកថាជាផ្លែផ្កាចុងក្រោយនៃកិច្ចសហប្រតិបត្តិការជាមួយចិន រួមទាំងជាជំហានឆ្ពោះទៅរកការបោះឆ្នោតដោយបញ្ចប់ពីបញ្ហាដាច់ចរន្តអគ្គិសនី ។
រោងចក្រអគ្គិសនីពីពន្លឺព្រះអាទិត្យនោះស្ថិតនៅតំបន់់ពន់ចាប ដោយផលិតថាមពលពលបាន១០០មេហ្គាវា៉ត់ (MW) និងត្រូវបង្កើនឱ្យបាន១០០០មេហ្គាវ៉ាត់ នៅឆ្នាំក្រោយ ។ រោងចក្រនោះសាងសង់ដោយក្រុមហ៊ុន Tebian Electric Apparantus Stock (TBEA) របស់ចិន ដោយចំណាយពេល១ឆ្នាំដើម្បីសាងសង់ក្នុងប្រាក់១,៩០លានដុល្លារ ។
លោកសារីហ្វ បញ្ជាក់ថា «ចាប់តាំងពីខ្ញុំឡើងកាន់តំណែងជានាយករដ្ឋមន្ត្រីមក គោលដៅតែមួយរបស់ខ្ញុំគឺលុបបំបាត់ភាពងងឹតនៅក្នុងប៉ាគីស្ថាន និងនាំពន្លឺភ្លឺចិញ្ចាចចិញ្ចែងចូលប្រទេស ។ នៅក្នុងអំឡុងពីឆ្នាំ២០១៧-២០១៨ នឹងអាចដោះស្រាយបានបញ្ហាខ្វះអគ្គិសនី ។ កាលពីឆ្នាំមុន ប៉ាគីស្ថានបានផលិតចរន្តជាមធ្យម១៥.៥០០មេហ្គាវ៉ាត់ ឬប្រហែល៣ភាគ៤នៃចរន្តដែលប្រទេសមានតម្រូវការ ចំណែកកង្វះខាតចរន្តអាចកើនខ្ពស់ក្នុងអំឡុងពេលរដូវក្តៅមានសីតុណ្ហភាពខ្ពស់ ។ កង្វះខាតចរន្តអគ្គិសនីបានបំផ្លិចបំផ្លាញឧស្សាហកម្ម និងបង្កឱ្យកើតការមិនពេញចិត្តដល់ពលរដ្ឋ ខណៈពេលលោកសារីហ្វ បានតាំងចិត្តនឹងដោះស្រាយបញ្ហានេះឱ្យបាននៅមុនពេលកំណត់នៅក្នុងឆ្នាំ២០១៨ ។
រោងចក្រអគ្គិសនីប្រើពន្លឺព្រះអាទិត្យ «ក្វាអីុត-អីុ-អាសាម» ស្ថិតនៅលើផ្ទៃដី៥០០ហិកតា ក្នុងតំបន់ពន់ចាប នៅភាគខាងត្បូងដោយមានពន្លឺថ្ងៃខ្លាំង និងជាផ្នែកមួយភ្ជាប់គម្រោងការសេដ្ឋកិច្ចចិន និងប៉ាគីស្ថាន ៕
ចែករំលែកព័តមាននេះ