AFP ផ្សាយកាលពីពេល ថ្មីៗនេះថា លោករ៉េម៉ុន សេហ្វ៊ីលីន អេមបូឡូ រដ្ឋមន្ត្រីក្រសួងមហាផ្ទៃកុងហ្គោ បានចេញច្បាប់ហាមស្ត្រីកាន់សាសនាអ៊ិស្លាមពាក់ក្រណាត់ឃ្លុំមុខជិតនៅទីសាធារណៈដើម្បីការពារជនល្មើសអាចបន្លំខ្លួនបង្កអំពើហិង្សា ឬអសន្តិសុខ ។
ស្ត្រីមូស្លុីមអាចពាក់ក្រណាត់ឃ្លុំមុខបាន ប៉ុន្តែត្រូវស្ថិតនៅក្នុងផ្ទះរបស់ខ្លួន ឬនៅតាមទីតាំងសាសនាប៉ុណ្ណោះ ។ បច្ចុប្បន្នចំនួនស្ត្រីដែលពាក់ក្រណាត់ឃ្លុំមុខនៅក្នុងប្រទេសកុងហ្គោមានប្រហែល៨សែននាក់ពីចំនួនប្រជាជនសរុបជិត៦លាននាក់ ។
បទដ្ឋានដែលបានកំណត់នោះ ចាប់ផ្តើមប្រតិបត្តិដើម្បីការពារការបង្កភេរវកម្មដូចដែលបានកើតឡើងនៅប្រទេសកាមេរូន ដែលក្រុមបូកូហារ៉ាម ចេញបញ្ជាដល់ស្ត្រីមូស្ល៊ីមពាក់ក្រណាត់ឃ្លុំក្បាលបង្កអំពើហិង្សានៅតាមទីកន្លែងនានា ៕
ចែករំលែកព័តមាននេះ