រាជធានីភ្នំពេញ៖ តារាចម្រៀងស្រី ដែលមានប្រជាប្រិយភាពកាន់តែខ្លាំង ចំរើន សុភ័ក្ត្រ ក្រោយក្លាយជាម្ទាស់ពាននៅក្នុងកម្មវិធីប្រលងចម្រៀង The Mask Singer Cambodia…
រាជធានីភ្នំពេញ៖ តារាចម្រៀងស្រី ដែលមានប្រជាប្រិយភាពកាន់តែខ្លាំង ចំរើន សុភ័ក្ត្រ ក្រោយក្លាយជាម្ទាស់ពាននៅក្នុងកម្មវិធីប្រលងចម្រៀង The Mask Singer Cambodia តាមរយៈទឹកដមសម្លេងផ្អែម ពិរោះរណ្តំ និងសម្លេងធ្ងន់ផ្អែម ពេលនេះនាងកាន់តែរំភើបចិត្តបន្ថែមមួយកម្រិតទៀត បន្ទាប់ពីវីដេអូរបស់នាងមាននាងទស្សនាកាន់តែច្រើនៗនឹកស្មានមិនដល់ ។
ក្រៅពីមានទឹកដមសម្លេងពិរោះនោះ ជឿជាក់ថាអ្នកលេងបណ្តាញសង្គមនិងប្រិយមិត្តអ្នកគាំទ្រតារាចម្រៀងស្រីរូបនេះ ប្រាកដជាបានដឹងហើយ ជារឿយៗ ចំរើន សុភ័ក្ត្រ តែងតែបង្ហាញវីដេអូ ពីវិធីសាស្ត្រនៃការផាត់មុខដោយខ្លួនឯង អោយកាន់តែមានភាពស្រស់ស្អាតទៅកាន់អ្នកគាំទ្ររបស់នាង។
ដោយឡែកកាលពីពេលថ្មីៗនេះ ស្រាប់តែ វីដេអូដែលបានបង្ហាញពីវិធីកាត់សក់ដោយខ្លួនឯងរបស់នាង មានអ្នកចូលទៅទស្សនារហូតដល់ ១លានដង រហូតធ្វើអោយនាងបង្ហាញពីអារម្មណ៍យ៉ាងសប្បាយរីករាយ និងរំភើប ជាមួយនឹងការអរគុណចំពោះអ្នកគាំទ្ររបស់នាងថា « អរគុណសំរាប់ការគាំទ្រ video 1M view នេះសូមជូនពរអោយអ្នកមេីលទាំងអស់មានសំណាងល្អពេញមួយជីវិត » ។
ការពិតនៅពីក្រោយភាពប៉ិនប្រសព្វក្នុងការតុបតែងមុខនិងសក់របស់កញ្ញា ចំរើន សុភ័ក្ត្រ រហូតស្រូបទាញអ្នកទស្សនាច្រើនបែបនេះ ពីព្រោះតែនាងក៏ជាម្ចាស់ហាងសាឡន ដ៏ជំនាញមួយផងដែរ ៕
ចែករំលែកព័តមាននេះ