សម្រេចឃុំខ្លួនអតីតសមាជិកបក្សសង្គ្រោះជាតិ២រូប
- ភ្នំពេញ
រាជធានីភ្នំពេញ ៖ លោក គុជ គឹមឡុង ព្រះរាជអាជ្ញារង នឹងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា នាព្រឹកថ្ងៃទី២០ ខែតុលា ឆ្នាំ២០២០…
រាជធានីភ្នំពេញ ៖ លោក គុជ គឹមឡុង ព្រះរាជអាជ្ញារង នឹងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា នាព្រឹកថ្ងៃទី២០ ខែតុលា ឆ្នាំ២០២០…
រាជធានីភ្នំពេញ ៖ លោក គុជ គឹមឡុង ព្រះរាជអាជ្ញារង នឹងជាអ្នកនាំពាក្យអយ្យការអមសាលាដំបូងរាជធានីភ្នំពេញបានឲ្យដឹងថា នាព្រឹកថ្ងៃទី២០ ខែតុលា ឆ្នាំ២០២០ ចៅក្រមស៊ើបសួរលោក កេត សុជាតិ បានសម្រេចឃុំខ្លួនជនសង្ស័យ២ នាក់ ដាក់ពន្ធនាគារជាបណ្តោះអាសន្នពីបទ.ប្រមាថព្រះមហាក្សត្រ ។ បទល្មើសប្រមាថព្រះមហាក្សត្រតាមបញ្ញាត្តិមាត្រា៤៣៧ (ស្ទួន) នៃក្រមព្រហ្មទណ្ឌ ត្រូវផ្តន្ទាទោសលើជនជាប់ចោទដាក់ពន្ធនាគារកំណត់ពី១ឆ្នាំទៅ៥ឆ្នាំ និងពិន័យជាប្រាក់ចូលថវិការរដ្ឋពី២លាន ទៅ ១០ លានរៀលថែមទៀតផង ។
ជនសង្ស័យម្នាក់ឈ្មោះ គង់ ប៊ុនហ៊ាង ភេទប្រុស អាយុ៦៦ឆ្នាំ ជាអតីតសមាជិកប្រតិបត្តិ អតីតគណបក្សសង្គ្រោះជាតិ ប្រចាំខេត្តបាត់ដំបង និងម្នាក់ឈ្មោះ ហង្ស សេង ក៏អតីតជាសមាជិកប្រតិបត្តិគណបក្សសង្គ្រោះជាតិ ប្រចាំខេត្តបាត់ដំបងដែរ ។ ជនសង្ស័យទាំង២នាក់ត្រូវបានកម្លាំងនគរបាលជំនាញសន្តិសុខផ្ទៃក្នុង ក្រសួងមហាផ្ទៃ សហការជាមួយនគរបាលឃុំកំពង់ ព្រះ ស្រុកសង្កែ ខេត្តបាត់ដំបង ឃាត់ខ្លួនបន្តបន្ទាប់កាលពីយប់ថ្ងៃទី១៧ នឹងថ្ងៃទី១៨ ខែតុលា ឆ្នាំ២០២០។
ក្រោយឃាត់ខ្លួនជនសង្ស័យទាំង២នាក់ ត្រូវបានសមត្តកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ នាថ្ងៃទី១៩ ខែតុលា ដែលសំណុំរឿងនេះ បានស្ថិតនៅដៃលោក សេង ហៀង ព្រះរាជអាជ្ញារងបើកការស៊ើបសួរ រហូតដល់រសៀលថ្ងៃដដែល តំណាងអយ្យការ បានធ្វើការចោទប្រកាន់អតីតសកម្មជនរបស់គណបក្សសង្គ្រោះជាតិចំនួន ២រូបជាផ្លូវការពីបទ.ប្រមាថព្រះមហាក្សត្រ ។
ការឃាត់ជនសង្ស័យទាំង២នាក់ខាងលើនេះ បានធ្វើឡើងបន្ទាប់ពីពួកគេធ្វើសកម្មភាពប្រមាថចំពោះព្រះករុណាព្រះបាទសម្ដេចព្រះបរមនាថនរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ។ នោះបើយោងតាមមាត្រា៧ នៃរដ្ឋធម្មនុញ្ញ របស់ព្រះរាជាណាចក្រកម្ពុជាបានចែងថា «អង្គព្រះមហាក្សត្រ មិនអាចនរណារំលោភបំពានបានឡើយ» ។
ដូច្នេះ ជនសង្ស័យទាំង២រូបដែលជាប់ពាក់ព័ន្ធអំពើល្មើសប្រមាថលើអង្គព្រះមហាក្សត្រ តម្រូវឃុំខ្លួនដាក់ពន្ធនាគារព្រៃស(ម១)ជាបណ្តោះអាសន្ន រង់ចាំសវនាការជំនុំជម្រះទោសនាពេលក្រោយ។
ចែករំលែកព័តមាននេះ