ខេត្តសៀមរាប ៖ ក្មេងស្រីម្នាក់ដែលឪពុកម្តាយនាំទៅលេងទឹកក្រោមស្ពាន ហើយលង់ទឹកបាត់ខ្លួនអស់រយៈពេល១យប់២ថ្ងៃនោះ ឥឡូវនេះសមត្ថកិច្ចចម្រុះរកសពឃើញហើយកាលពីថ្ងៃទី១៩ ខែតុលាឆ្នាំ២០២០ និងបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីហើយ។ ហេតុការណ៍រកឃើញសពក្មេងស្រីរងគ្រោះម្នាក់ខាងលើនោះបានកើតឡើងកាលពីវេលាម៉ោង៣រសៀលថ្ងៃទី១៩ ខែតុលា ឆ្នាំ២០២០…
ខេត្តសៀមរាប ៖ ក្មេងស្រីម្នាក់ដែលឪពុកម្តាយនាំទៅលេងទឹកក្រោមស្ពាន ហើយលង់ទឹកបាត់ខ្លួនអស់រយៈពេល១យប់២ថ្ងៃនោះ ឥឡូវនេះសមត្ថកិច្ចចម្រុះរកសពឃើញហើយកាលពីថ្ងៃទី១៩ ខែតុលាឆ្នាំ២០២០ និងបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីហើយ។
ហេតុការណ៍រកឃើញសពក្មេងស្រីរងគ្រោះម្នាក់ខាងលើនោះបានកើតឡើងកាលពីវេលាម៉ោង៣រសៀលថ្ងៃទី១៩ ខែតុលា ឆ្នាំ២០២០ ស្ថិតនៅចម្ងាយជាង១៥០ម៉ែត្រពីកន្លែងក្មេងស្រីរងគ្រោះលោតទឹកលេង នៅចំនុចអូរក្រោមស្អានថ្ម ក្នុងភូមិគោកចាន់ ឃុំអំពិល ស្រុកប្រាសាទបាគង ខេត្តសៀមរាប។
ក្មេងស្រីរងគ្រោះខាងលើឈ្មោះ នាថ សុនី អាយុ១៣ឆ្នាំ មានឪពុកឈ្មោះ លី សារិក អាយុ៣៤ឆ្នាំ និងម្តាយឈ្មោះឃុន សុខុន រស់នៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ។
តាមប្រភពពីសមត្ថកិច្ចនគរបាលអធិការស្រុកប្រាសាទបាគងបានប្រាប់ឱ្យដឹងកាលពីវេលាម៉ោង៦និង៣០នាទីយប់ថ្ងៃទី១៩ ខែតុលា ឆ្នាំ២០២០ កន្លងមកនេះថា បន្ទាប់ពីទទួលព័ត៌មានថា មានក្មេងស្រីលង់ទឹកបាត់ខ្លួននៅចំណុចខាងលើរួចមក កម្លាំងសមត្ថកិច្ចចម្រុះនៃអធិការស្រុកបានសហការជាមួយកម្លាំងប្រជាការពារ និង ប្រជាពលរដ្ឋនាំគ្នាតាមរកទាំងយប់ទាំងថ្ងៃ ព្រមទាំងយកសំណាញ់មកបង់ក្រោមស្ពាន លុះដល់វេលាម៉ោង៣រសៀលថ្ងៃទី១៩ ខែតុលា ឆ្នាំ២០២០ ទើបរកឃើញសពក្មេងស្រីរងគ្រោះរូបនោះ។
តាមប្រភពដដែលបានបញ្ជាក់ទៀតថា មុនពេលកើតហេតុ កាលពីថ្ងៃទី១៨ ខែតុលា ឆ្នាំ២០២០ ឈ្មោះ លី សារិក ភេទប្រុស អាយុ៣៤ឆ្នាំ ត្រូវជាឪពុក បាននាំក្រុមគ្រួសាររួមមាន កូនប្រុសស្រីចំនួន៥នាក់ ក្នុងនោះ កូនប្រុសឈ្មោះ ហុក ហុន ភេទប្រុស អាយុ១៦ឆ្នាំ ជាអ្នកបើកមូតូ ដាក់រឺម៉កសណ្តោងឌុប រួមមាន ១-ឈ្មោះ នាថ សុនី ភេទស្រី អាយុ១៣ឆ្នាំ ត្រូវជាប្អូនស្រី (ក្មេងស្រីរងគ្រោះដែលបាត់បង់ជីវិត) ២-ឈ្មោះលី ស្រីបិច ភេទស្រី អាយុ១០ឆ្នាំ ៣-ឈ្មោះនេត នីសា ភេទប្រុស អាយុ១២ឆ្នាំ ៤-ឈ្មោះនេត វាន់សាន ភេទប្រុស អាយុ១០ឆ្នាំ និង៥-ឈ្មោះនេត ចាន់ណា ភេទប្រុស អាយុ៨ឆ្នាំ។
តាមប្រភពដដែលបានបញ្ជាក់បន្តទៀតថា ពេលជិះដល់ចំណុចស្ពានថ្ម ភូមិគោកចាន់ ឃុំអំពិល ស្រុកប្រាសាទបាគង ក៏ឈប់ចុះលេងទឹកផ្នែកខាងក្រោមស្ពានទាំងអស់គ្នា អត់តែស្ត្រីជាម្តាយឈ្មោះ ឃុន សុខុន និងកូនប្រុសតូចអាយុ១ឆ្នាំ ឈ្មោះ លី ប៊ុនឡុង នៅខាងលើ។ចំណែកឪពុក និងកូនស្រីប្រុសចំនួន៥នាក់បានចុះលេងទឹកជុំគ្នា។ នៅពេលកំពុងលេងទឹក ក្មេងស្រីរងគ្រោះបានលេងឆ្ងាយពីឪពុកក៏ធ្លាក់ចូលកន្លែងទឹកជ្រៅ ដែលមានជម្រៅប្រហែល៥មែត្រក្នុងអូរកាយថ្មី បណ្តាលឱ្យលង់ទឹកបាត់ចំនួន១យប់២ថ្ងៃ គឺចាប់ពីវេលាម៉ោង១២ថ្ងៃត្រង់ថ្ងៃទី១៨ ខែតុលា ឆ្នាំ២០២០ រហូតដល់ម៉ោង៣រសៀលថ្ងៃទី១៩ តុលា ទើបរកឃើញសពក្មេងស្រីរងគ្រោះ។
ក្រោយពេលរកឃើញសពក្មេងស្រីរងគ្រោះរួចហើយ សមត្ថកិច្ចជំនាញបានសហកាជាមួយកម្លាំងប៉ុស្តិ៍ពិនិត្យឃើញថា ក្មេងស្រីរងគ្រោះពិតជាបានលង់ទឹកបាត់បង់ជីវិតប្រាកដមែន។ បច្ចុប្បន្ន សពក្មេងស្រីរងគ្រោះ ត្រូវបានកម្លាំងនគរបាលជំនាញបានប្រគល់ជូនក្រុមគ្រួសារយកទៅធ្វើបុណតាមប្រពៃណី៕ (កែសម្រួលដោយ ៖ ធីតា)
ចែករំលែកព័តមាននេះ