ក្រុងព្រះសីហនុ ៖ សេចក្តីរាយការណ៍ឱ្យដឹងថា កូនក្រពើមួយក្បាលត្រូវប្រទះឃើញក្នុងអូរក្រៅផ្ទះរបស់ប្រជាពលរដ្ឋមួយកន្លែង ស្ថិតនៅចំណុចភូមិ 2 សង្កាត់លេខ2 ក្រុងនិងខេត្តព្រះសីហនុ បង្កការភ្ញាក់ផ្អើលនៅវេលាម៉ោងជាង៨យប់ថ្ងៃទី២០ តុលា…
ក្រុងព្រះសីហនុ ៖ សេចក្តីរាយការណ៍ឱ្យដឹងថា កូនក្រពើមួយក្បាលត្រូវប្រទះឃើញក្នុងអូរក្រៅផ្ទះរបស់ប្រជាពលរដ្ឋមួយកន្លែង ស្ថិតនៅចំណុចភូមិ 2 សង្កាត់លេខ2 ក្រុងនិងខេត្តព្រះសីហនុ បង្កការភ្ញាក់ផ្អើលនៅវេលាម៉ោងជាង៨យប់ថ្ងៃទី២០ តុលា ។ កូនក្រពើនេះមានទម្ងន់ប្រហែល៦គីឡូក្រាម និងសន្និដ្ឋានថា ទំនងជាកូនក្រពើដែលរួចពីកន្លែងចិញ្ចឹមណាមួយ ចូលមកក្នុងអូរក្រោយមានភ្លៀងធ្លាក់ច្រើនប៉ុន្មានថ្ងៃកន្លងមក ។
យ៉ាងណាមិញ ភ្លាមៗនេះពលរដ្ឋអត់ទាន់ដឹងថា តើសត្វក្រពើមួយក្បាលនេះ បានរត់ចេញមកពីកសិដ្ឋានចិញ្ចឹមមួយណា ក៏មកតាមរយៈណាមួយនៅឡើយទេ។ ជុំវិញករណីចាប់បានកូនក្រពើនេះផងដែរ យោងតាមប្រភពសមត្ថកិច្ចប្រាប់ថា រឿងកូនក្រពើមួយក្បាលដែលអ្នកភូមិប្រទះឃើញ គឺនៅវេលាម៉ោងជាង៧យប់ថ្ងៃទី២០ តុលា ឆ្នាំ២០២០ នៅក្នុងអូរក្រោយមន្ទីរព័ត៌មានខេត្ត ក្នុងភូមិ២ សង្កាត់លេខ២ ក្រុងព្រះសីហនុ ។
បច្ចុប្បន្ន អ្នកដែលចាប់ក្រពើនេះ ឈ្មោះ កង វ៉ាន់រិទ្ធ ភេទប្រុស អាយុ៣៩ឆ្នាំ ជាកម្មករសំណង់ ស្នាក់នៅក្រុមទី១២ ភូមិ៣ សង្កាត់លេខ២ ក្រុងព្រះសីហនុ បានសម្លាប់ក្រពើនេះធ្វើជាអាហារបាត់ហើយ។
ចែករំលែកព័តមាននេះ