ខេត្តបន្ទាយមានជ័យ ៖ ទឹកអាងត្រពាំងថ្ម ត្រូវបានហៀរខ្នងទំនប់ប្រវែងជិត១,០០០ម៉ែត្រនៅចំណុចទាប ដែលអាជ្ញាធរៀបការ៉ុងដីខ្សាច់ទប់ជាង២,០០០ការ៉ុង នៅថ្ងៃទី២០ ខែតុលា ឆ្នាំ២០២០ ស្ថិតប្រឈមនិងភូមិ.ឃុំពន្លៃ ស្រុកភ្នំស្រុក ។
លោក យឹម សំណាង អភិបាលស្រុកភ្នំស្រុកបានប្រាប់នៅព្រឹកថ្ងៃទី២០ តុលា ថា នៅព្រឹកនេះ ទឹកជំនន់បានហៀរខ្នងតំបន់ប្រវែងជិត១,០០០ម៉ែត្រ ក្រោយពេលអាជ្ញាធររួមកងកម្លាំងទាំង៣ស្ថាប័ន និងមន្ត្រីរាជការប្រជាពលរដ្ឋជាង១០០នាក់ បានការ៉ុងច្រកដីភ្នំរៀបទប់ទឹក កាលពីថ្ងៃទី១៩ ខែតុលា ឆ្នាំ២០២០។
លោកបានបញ្ជាក់ថា ក្រោយពេលដែលទឹកជំនន់គំរាមកំហែងអាងត្រពាំងថ្ម ដោយមានការយកចិត្តទុកដាក់ពីថ្នាក់ដឹកនាំបានចុះពិនិត្យស្ថានភាពតឹកនៅអាងត្រពាំងថ្មឯកឧត្តម លឹម គានហោ រដ្ឋមន្ត្រីធនធានទឹកនិងឧតុនិយម និងវត្តមានឯកឧត្តម សេរី កុសល់ តំណាងរាស្គ្រមណ្ដលខេត្តបន្ទាយមានជ័យនិងក្រុមការងារថ្នាក់ជាតិជួយមូលដ្ឋានខេត្តបន្ទាយមានជ័យ បានចុះពិនិត្យស្ថានភាពទឹកនៅអាងត្រពាំងថ្មដែលកំពុងគម្រាមកំហែង។
លោក យឹម សំណាង បានបញ្ជាក់ថា៖ ជាការណែនាំពីឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម បើសិនជាស្ថានភាពទឹកនៅអាងត្រពាំងថ្មស្រុកភ្នំស្រុកឡើងខ្លាំងអោយទ្វារទឹក ដើម្បីរំដោះ ហើយរហូតដល់ថ្ងៃទី២០ ខែតុលា ឆ្នាំ២០២០នេះស្ពានអាងត្រពាំងថ្មទាំង៣កន្លែងត្រូវបានបើកហើយរហូតដល់ថ្ងៃទី២០ ខែតុលា ឆ្នាំ២០២០នេះកម្រិតទឹកនៅអាងត្រពាំងថ្មស្រុកភ្នំស្រុកមានកម្រិតទឹកកម្ពស់១៨.៦៥ម៉ែត្រ ប្រកាសអាសន្នកម្រិតទឹក១៨.៥០ម៉ែត្រ និងអាងស្ពានស្រែងស្រុកភ្នំស្រុកកម្រិតទឹកកំពស់១៣.៧៣ម៉ែត្រប្រកាស់អាសន្នកម្រិតទឹក១៤.៥០ម៉ែត្រ។
នៅថ្ងៃទី២០ ខែតុលា ឆ្នាំ២០២០នេះស្រុកភ្នំស្រុកមាន២ឃុំមានឃុំពន្លៃ និងឃុំណាំតាវ ដែលកំពុងរងគ្រោះដោយទឹកជំនន់ប៉ះពាល់ផ្ទះសម្បែងប្រជាពលរដ្ឋដែលអាជ្ញាធរកំពុងចុះពិនិត្យស្ថានភាព ។
ចែករំលែកព័តមាននេះ