ប្រទេសចិន ៖ តើខេត្តហ្សេជាំងនឹងក្លាយជាគំរូមួយសម្រាប់ប្រទេសចិនទាំងមូលឬ ? ពិតហើយយុទ្ធនាការចាក់វ៉ាក់សាំងប្រឆាំងវីរុស COVID-19 ដល់មហាជននឹងចាប់ផ្ដើមក្នុងខេត្តនោះនាភាគខាងកើតចិន។ យុទ្ធនាការនេះនឹងក្លាយជាគំរូមួយសម្រាប់ប្រទេសទាំងមូល ។
យោងតាមព័ត៌មាននានាថាហ្សេជាំងនឹងទទួលការអនុញ្ញាតឲ្យប្រើជាបន្ទាន់វ៉ាក់សាំងមួយដែលកំពុងធ្វើការសាកល្បងគ្លីនិកដំណាក់កាលទី៣ជាដំណាក់កាលចុងក្រោយលើមនុស្ស ។
ដំណាក់កាលចុងក្រោយនេះ ពិតណាស់អាចធានាថាវ៉ាក់សាំងនោះមានប្រសិទ្ធភាពនឹងមិនមានឥទ្ធិពលបន្ទាប់បន្សំធ្ងន់ធ្ងរ មុនពេលដាក់ឲ្យធ្វើពាណិជ្ជកម្ម ។ តែការអនុញ្ញាតនឹងមានជាធរមានដល់រដូវស្លឹកឈើជ្រុះនិងរដូវរងាខាងមុខ ។ នេះជាការអះអាងរបស់លោក CHEN GUANGSHENG អ្នកទទួលខុសត្រូវមួយរូបនៃអាជ្ញាធរមូលដ្ឋាន ។
មិនមែនជាលើកទីមួយទេ ដែលចិនអនុម័តការអនុញ្ញាតបន្ទាន់ឲ្យប្រើវ៉ាក់សាំងនោះ ។ កាលពីខែកញ្ញាមនុស្សជាង៣៥០.០០០នាក់ ជានិយោជិតសហគ្រាសសាធារណៈ បណ្ដាមន្ត្រីនិងបណ្ដាមេដឹកនាំសហគ្រាសផលិតវ៉ាក់សាំងធ្លាប់ទទួលការចាក់វ៉ាក់សាំងមួយ ហើយក្នុងចំណោមពួកគេតាមអាជ្ញាធរថា ពុំមាននរណារងឥទ្ធិពលបន្ទាប់បន្សំឡើយ ។ លើកនេះខេត្តហ្សេជាំងជាខេត្តដំបូងគេរបស់ចិនដែលស្នើចាក់វ៉ាក់សាំងប្រឆាំងវីរុស COVID-19 ។
បណ្ដាវ៉ាក់សាំងផលិតដោយក្រុមហ៊ុនឱសថនានារបស់ចិន ត្រូវបានចូលក្នុងដំណាក់កាលទី៣
នៃការសាកល្បងគ្លីនិក ។ សន្តិសុខនិងប្រសិទ្ធភាពរបស់វ៉ាក់សាំងទាំងនេះស្របទៅតាមស្តង់ដា ។ ខេត្តហ្សេជាំងបានវាយតម្លៃពីសភាពការណ៍នៃការឆ្លងវីរុសសម្រាប់រដូវស្លឹកឈើជ្រុះ និងរដូវរងាខាងមុខ និងមានកម្មវិធីប្រើប្រាស់បន្ទាន់វ៉ាក់សាំងការពារ ។ លោក CHEN GUANGSHENG និយាយថា បណ្ដាមនុស្សគន្លឹះនឹងទទួលការចាក់វ៉ាក់សាំងមុនគេ ព្រមទាំងប្រជាជននៃបណ្ដាតំបន់មានអ្នកឆ្លង ។ ក្នុងចំណោមមនុស្សគន្លឹះទាំងនេះរួមមានបណ្ដាបុគ្គលិកពេទ្យ បុគ្គលិកត្រួតពិនិត្យនិងបង្ការជំងឺ បុគ្គលិកគយ និងបុគ្គលិកត្រួតពិនិត្យព្រំដែន ។
គណៈកម្មាធិការសុខាភិបាលជាតិចិនរាយការណ៍នាថ្ងៃទី២០ តុលាថា ប្រទេសចិនពេលនេះកត់សម្គាល់ឃើញអ្នកឆ្លងវីរុសថ្មី១៩នាក់ ២៤ម៉ោងចុងក្រោយនេះ ដែលពួកគេសុទ្ធតែជាមនុស្សមកពីបរទេស ។ តាមតួលេខផ្លូវការថានៅចិនដីគោកចំនួនអ្នកឆ្លងវីរុសនោះមានសរុប៨៥.៧០៤នាក់ និងអ្នកស្លាប់មានត្រឹម៤.៦៣៤នាក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ