ខេត្តកំពង់ឆ្នាំង ៖ សពបុរសដែលត្រូវបានទឹកហូរកួចយកទៅបាត់កាលពីរសៀលថ្ងៃទី17 ខែតុលានោះ ពេលនេះត្រូវបានរកឃើញហើយនៅម៉ោង1និង30នាទីរសៀលថ្ងៃទី19 ខែតុលា ឆ្នាំ2020នេះ ដែលមានចម្ងាយជាង1គីឡូម៉ែត្រពីកន្លែងកើតហេតុ ។ លោក…
ខេត្តកំពង់ឆ្នាំង ៖ សពបុរសដែលត្រូវបានទឹកហូរកួចយកទៅបាត់កាលពីរសៀលថ្ងៃទី17 ខែតុលានោះ ពេលនេះត្រូវបានរកឃើញហើយនៅម៉ោង1និង30នាទីរសៀលថ្ងៃទី19 ខែតុលា ឆ្នាំ2020នេះ ដែលមានចម្ងាយជាង1គីឡូម៉ែត្រពីកន្លែងកើតហេតុ ។
លោក ខែម វិបុល អធិការនគរបាលស្រុកទឹកផុស បានបញ្ជាក់តាមទូរស័ព្ទនៅរសៀលថ្ងៃទី 19 ខែតុលានេះថា សពជនរងគ្រោះខាងលើឈ្មោះ ទេព ប៊ឿន អាយុ41ឆ្នាំ មានទីលំនៅភូមិជីប្រង ឃុំជៀបស្រុកទឹកផុស បានរកឃើញហើយនៅរសៀលនេះ គឺមានចម្ងាយជាង1គីឡូម៉ែត្រពីកន្លែងកើតហេតុ ។ សពជនរងគ្រោះបានអណ្ដែតជាប់នៅក្រោមគុម្ពឫស្សីដែលពិបាកនឹងមិនឃើញ ប៉ុន្តែដោយកិច្ចខិតខំប្រឹងប្រែងរបស់កងកម្លាំងនគរបាល ក៏ដូចជា ប្រជាការពារ និងប្រជាពលរដ្ឋ បានព្យាយាមបន្តតាមរក ទើបបានប្រទះឃើញ ។
លោកអធិការនគរបាលស្រុកទឹកផុសបានបញ្ជាក់ថា ក្រោយពីការប្រទះឃើញសពជនរងគ្រោះ ក៏បានស្រង់យកមកដាក់លើគោក ដើម្បីធ្វើកោសល្យវិច័យរួច ទើបបានប្រគល់សពជនរងគ្រោះទៅឱ្យគ្រួសារជនរងគ្រោះធ្វើបុណ្យតាមប្រពៃណី ។
សូមរំលឹកថា កាលពីវេលាម៉ោង12និង30នាទីរសៀល ថ្ងៃទី17 ខែតុលា បុរសរងគ្រោះបានហែលទឹកទៅកាប់ដើមឬស្សី លុះពេលកាប់បានហើយ ក៏ហែលទឹកទាញដើមឫស្សីត្រឡប់មកវិញ ប៉ុន្តែចៃដន្យគ្រោះអាក្រក់ទឹកកហូរខ្លាំងពេក ក៏បណ្ដាលឲ្យហូរកួចបុរសជាជនរងគ្រោះលិចបាត់ទៅតែម្តង។
ចាប់តាំងពីពេលនោះមក សមត្ថកិច្ចក៏ដូចជាប្រជាពលរដ្ឋបានប្រឹងប្រែងស្រាវជ្រាវរក លុះរហូតដល់រសៀលថ្ងៃទី19 តុលានេះ ទើបប្រទះឃើញជនរងគ្រោះ ។ គួរបញ្ជាក់ថា ជនរងគ្រោះមានប្រពន្ធនិងកូន4នាក់ សុទ្ធតែនៅក្នុងបន្ទុក ៕
ចែករំលែកព័តមាននេះ