រាជធានីភ្នំពេញ ៖ ទីបំផុតទៅម្ចាស់អាហារដ្ឋានមួយកន្លែង នៅផ្សារព្រែកជ្រៃ ដែលរងការចោទថា លក់គុយទាវ១ចាន ៣ម៉ឺនរៀលនោះ បានចេញវីដេអូ បកស្រាយហើយ កាលពីយប់ថ្ងៃទី១៩…
រាជធានីភ្នំពេញ ៖ ទីបំផុតទៅម្ចាស់អាហារដ្ឋានមួយកន្លែង នៅផ្សារព្រែកជ្រៃ ដែលរងការចោទថា លក់គុយទាវ១ចាន ៣ម៉ឺនរៀលនោះ បានចេញវីដេអូ បកស្រាយហើយ កាលពីយប់ថ្ងៃទី១៩ ខែតុលា ឆ្នាំ២០២០ ម្សិលមិញនេះ ។
ការចេញមកបកស្រាយរបស់ម្ចាស់ហាងនេះ បន្ទាប់ពីគណនីហ្វេសប៊ុកមួយមានឈ្មោះថា Sopheak Chan ដែលគេស្គាល់ថា ជាកងទ័ពជើងទឹកដែលប្រចាំការជួយសង្គ្រោះនៅផ្សារព្រែកជ្រៃ បានបង្ហោះសារនៅព្រឹកថ្ងៃទី១៩ តុលា ២០២០ថា «ម៉ែអើយគុយទាវមួយចាន ៣ម៉ឺន អាហារពេលថ្ងៃ ញ៉ាំដប់នាក់ ៖ ស្ងោរម្រះ ស្ងោរជីឆាយ ចៀនជូរអែមត្រី ប្រហុកខ្ទីស អស់ ២៩ម៉ឺន ព្រះ! គេជួយគាត់ គាត់ជួយគេវិញដែរតែជួយមួយទំហឹងម៉ង ? ទាហាន គេទៅជួយប្រជាពលរដ្ឋកំពុងជួបគ្រោះជំនន់ទឹកភ្លៀងមិនបានដេក ទាំងកម្លាំងកាយចិត្ត ។ គាត់វិញ មិនបានជួយអី តែលក់តម្លៃដែលមិនគួរយកបានទៀត មិនមែនសុំអោយចែកទេ សុំត្រឹមលក់តែតម្លៃធម្មតាទៅ កុំលក់ឡើងពេក បើគេដឹងថាថ្លៃ ក៏មិនចូលដែរ» ។
ក្រោយពីគណនី Sopheak Chan ធ្វើការបង្ហោះរួមមក ធ្វើអោយមហាជនជាច្រើន មានការហួសចិត្តយ៉ាងខ្លាំង និងអ្នកខ្លះបានរិះគន់ ទៅលើអាហារដ្ឋានមួយកន្លែង នៅផ្សារព្រែកជ្រៃ ទើបស្ត្រីដែលជាម្ចាស់ហាង ដែលប្រើប្រាស់គណនីហ្វេបុកឈ្មោះ Nhim NaNa បានចេញមកបកស្រាយថា «កុំស្តាប់តែម្ខាងបង គុយទាវមួយចាន ៣ម៉ឺន គឺគាត់កម្មង់ គុយទាវសរសៃកែងឌុប ដល់ទៅ២ដង ចានឌុបមួយដង ខ្ញុំលក់ពីរម៉ឺនទៅហើយ ។ រូបគុយទាវហ្នឹងមិនមែនហាងខ្ញុំទេ ហើយបាយម្ហូប គាត់កម្មង់ ចំនួន៤មុខគឺ=នឹង៨ចានធំៗ ១ចាន៣ម៉ឺន បាយ៤ឆ្នាំធំៗ ចំនួន៤ឆ្នាំង គឺ៤ម៉ឺន គាត់កម្មង់ឲ្យដាក់ជាពិសេសសម្រាប់មេៗ ហើយនៅមានទឹកសុទ្ធ១០ដបទៀត ។ ពីខ្ញុំម្ចាស់ហាងចេញបកស្រាយ» ។
សូមរម្លឹកថា ម៉ែអើយ! គុយទាវ១ចាន ៣ម៉ឺនរៀល នៅផ្សារព្រែកជ្រៃ ឡើងថ្លៃតាមទឹកជំនន់ឫ ?
សូមទស្សនាវីដេអូបកស្រាយ របស់ម្ចាស់អាហារដ្ឋានមួយកន្លែង នៅផ្សារព្រែកជ្រៃ មានដូចខាងក្រោម ៖
ចែករំលែកព័តមាននេះ