រាជធានីភ្នំពេញ៖ កាលប៉ុន្មានថ្ងៃមុន បានផ្ទុះការប្រតិកម្មយ៉ាងខ្លាំងទៅលើផ្ទាំង Poster រឿងភាគថៃមួយមានចំណងជើង «សន្យាស្នេហ៍សន្យាគំនុំ» របស់ទូរទស្សន៍ប៉ុស្ដិ៍លេខ ៣ ដែលបានដាក់រូបប្រាសាទអង្គរវត្តខ្មែរ ធ្វើអោយអ្នកលេងបណ្ដាញសង្គម…
រាជធានីភ្នំពេញ៖ កាលប៉ុន្មានថ្ងៃមុន បានផ្ទុះការប្រតិកម្មយ៉ាងខ្លាំងទៅលើផ្ទាំង Poster រឿងភាគថៃមួយមានចំណងជើង «សន្យាស្នេហ៍សន្យាគំនុំ» របស់ទូរទស្សន៍ប៉ុស្ដិ៍លេខ ៣ ដែលបានដាក់រូបប្រាសាទអង្គរវត្តខ្មែរ ធ្វើអោយអ្នកលេងបណ្ដាញសង្គម មានការមិនសុខចិត្តនៅទង្វើ ដែលប៉ុស្តិ៍មួយនេះធ្វើបែបនេះ។
ដោយមានការប្រតិកម្មយ៉ាងខ្លាំងទៅកាន់ស្ថានីយទូរទស្សន៍ រហូតស្មើសុំឱ្យនាយកដ្ឋានភាពយន្តនៃក្រសួងវប្បធម៌ និង វិចិត្រសិល្បៈខ្មែរជួយអន្តរាគមន៍ផងដែរនោះ នៅក្នុងនោះតារាសម្តែងប្រុសរាងខ្ពស់សង្ហាក៏មានប្រតិកម្មខ្លាំងៗលើ Poster មួយនោះ នៅក្នុងនាមជាអ្នកសិល្បៈមួយរូប ដែលចូលរួមថែរក្សាសម្បត្តិវប្បធម៌ជាតិ ពិតជាមានការយល់ច្រឡំយ៉ាងខ្លាំង ប្រសិនជាខាងប្រទេសថៃធ្វើបែបនេះ។
នៅក្នុងនោះ តារាសម្ដែង អ៊ុន សិទ្ធា បានរៀបរាប់តាមរយៈបណ្ដាញសង្គមហ្វេសប៊ុកថា «ប្រាសាទខ្មែរគឺមានតែមួយគ្មានពីរទេ ដូច្នេះក្នុងនាមខ្ញុំជាសិល្បៈមួយរូបដែរ សូមធ្វើការមិនយល់ស្របសម្រាប់ភាពយន្តភាគថៃ ដែលយករូបប្រាសាទអង្គរវត្តទៅផ្សព្វផ្សាយជាសាធារណៈ ដូចជាប្រាសាទប្រទេសខ្លួនឯងទៅវិញ ។ តែបើសម្រាប់សាសន៍ដទៃដូចជាអឺរ៉ុប ឬក៏ Hollywood មកថតវាមិនជាអ្វី ផ្ទុយទៅវិញគឺមានតែជួយផ្សព្វផ្សាយឱ្យប្រទេសខ្មែរ ។ ភាពយន្តថៃឆ្លុះបញ្ចាំងបែបនេះធ្វើឱ្យប្រទេសដទៃគេយល់ច្រឡំកាន់តែខ្លាំងថាប្រាសាទខ្មែរជារបស់ថៃ ឬ សៀម ។ ជាក់ស្តែងការឆ្លុះបញ្ចាំងពីវប្បធម៌អរិយធម៌ខ្មែរ មិនសូវទូលំទូលាយដូចសាសន៍ដទៃផង វាអាចផ្តល់ផលប៉ះពាល់» ។
យ៉ាងណាមិញ បន្ទាប់ពីស្នើរសុំទៅកាន់ខាងស្ថានីយទូរទស្សន៍ប៉ុស្តិ៍លេខ ៣ រួចមក ក៏បានលុបរូប Poster នោះចេញ និងបានចេញ លិខិតសុំទោសទៅកាន់ប្រជាពលរដ្ឋខ្មែរ នូវទង្វើដែលបានធ្វើខុសឆ្គងចំពោះប្រាសាទអង្គរវត្តរបស់ខ្មែរហើយ ៕
ចែករំលែកព័តមាននេះ