រាជធានីភ្នំពេញ ៖ ក្រសួងសុខាភិបាលបានប្រកាស នៅព្រឹកថ្ងៃទី២០ ខែតុលា ឆ្នាំ២០២០នេះ បានរកឃើញករណីវិជ្ជមានវីរុសកូវីដ១៩ ថ្មីចំនួន២នាក់ លើជនជាតិខ្មែរ ដែលទើបត្រឡប់មកពីប្រទេសអ៉ីរ៉ាក់…
រាជធានីភ្នំពេញ ៖ ក្រសួងសុខាភិបាលបានប្រកាស នៅព្រឹកថ្ងៃទី២០ ខែតុលា ឆ្នាំ២០២០នេះ បានរកឃើញករណីវិជ្ជមានវីរុសកូវីដ១៩ ថ្មីចំនួន២នាក់ លើជនជាតិខ្មែរ ដែលទើបត្រឡប់មកពីប្រទេសអ៉ីរ៉ាក់ និងមិនមានករណីជាសះស្បើយឡើយ ចំណែកអ្នកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញចំនួន០៥នាក់។
អ្នកឆ្លងជំងឺកូវីដ១៩ ថ្មីខាងលើ គឺជាបុរសជនជាតិខ្មែរ អាយុ៣៣ឆ្នាំ ជាស្វាមី និងស្ត្រីជនជាតិខ្មែរ អាយុ៣២ឆ្នាំ ជាភរិយា និងមានកូន អាយុ០៣ឆ្នាំ មានអាសយដ្ឋានស្នាក់នៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ បានធ្វើដំណើរមកពីប្រទេសអឺរ៉ាក់ ឆ្លងកាត់ទីក្រុងដូហា បន្តជើងហោះហើរនៅប្រទេសកូរ៉េខាងត្បូង បានមកដល់កម្ពុជានៅថ្ងៃទី១៨ ខែតុលា ឆ្នាំ២០២០ ។
លទ្ធផលធ្វើតេស្តវត្ថុសំណាករបស់បុគ្គលជាស្វាមី និងភរិយាទាំងពីរនាក់ គឺវិជ្ជមានវីរុសកូវីដ-១៩ ដែលផ្តល់ដោយវិទ្យាស្ថានប៉ាស្ទ័រកម្ពុជា រាជធានីភ្នំពេញ ហើយបច្ចុប្បន្នអ្នកជំងឺទាំងពីរនាក់នេះត្រូវបានដាក់ឱ្យសម្រាកព្យាបាលនៅមន្ទីរពេទ្យ មិត្តភាពខ្មែរ-សូវៀត ។
អ្នកដំណើរតាមយន្តហោះជាមួយអ្នកជំងឺខាងលើ សរុបមានចំនួន១០៨នាក់ (ស្រី៣៤នាក់ កុមារ ០៣នាក់ និងទារក០១នាក់) ដែលក្នុងចំនួននេះ មានបុរសជាតិខ្មែរអាយុ៣៣ឆ្នាំ និងស្ត្រីជនជាតិខ្មែរ អាយុ៣២ឆ្នាំ ដែលរកឃើញកូវីដ១៩ផងដែរ ។ រីឯអ្នកដំណើរចំនួន១០៦នាក់ ដែលមានលទ្ធផលធ្វើតេស្តអវិជ្ជមានវីរុសវីដ-១៩ នោះ ត្រូវបានដាក់ឱ្យធ្វើចត្តាឡីស័កចំនួន១៤ថ្ងៃ សណ្ឋាគារមួយចំនួនក្នុងរាជធានីភ្នំពេញ និងមណ្ឌលកងទ័ពអាកាស ។
ចែករំលែកព័តមាននេះ