ខេត្តកណ្តាល៖ នៅមូលដ្ឋានក្រុងតាខ្មៅ ខេត្តកណ្តាល នៅថ្ងៃទី១៩ ខែតុលា ឆ្នាំ២០២០នេះស្ថានភាពទឹកជំនន់ដែលជន់លិចដោយសារជំនន់ទឹកភ្លៀងបានវិលមករកសភាពដើមខ្លះៗវិញហើយ ដោយផ្លូវលំតាមបណ្តាសង្កាត់នីមួយៗទឹកមានការថយចុះ ។ ដោយឡែកនៅសង្កាត់ចំនួន២ ដូចជាសង្កាត់ព្រែកឬស្សី…
ខេត្តកណ្តាល៖ នៅមូលដ្ឋានក្រុងតាខ្មៅ ខេត្តកណ្តាល នៅថ្ងៃទី១៩ ខែតុលា ឆ្នាំ២០២០នេះស្ថានភាពទឹកជំនន់ដែលជន់លិចដោយសារជំនន់ទឹកភ្លៀងបានវិលមករកសភាពដើមខ្លះៗវិញហើយ ដោយផ្លូវលំតាមបណ្តាសង្កាត់នីមួយៗទឹកមានការថយចុះ ។ ដោយឡែកនៅសង្កាត់ចំនួន២ ដូចជាសង្កាត់ព្រែកឬស្សី និងសង្កាត់ដើមមៀន កំពុងតែត្រូវទឹកលិចដដែលទេ ។ តែទោះបីជាយ៉ាងណា អាជ្ញាធរមូលដ្ឋានបានយកចិត្តទុកដាក់ក្នុងការជួយសង្គ្រោះ ដោយដាក់ម៉ាស៊ីនបូមទឹក និងចែកជូនជាអំណោយខ្លះៗដល់ពលរដ្ឋដែលកំពុងជួបបញ្ហាគ្រោះធម្មជាតិនេះ ។
អ្នកមីងឈ្មោះ ទ្រី ធួន ដែលរស់នៅសង្កាត់ព្រែកឬស្សី បានប្រាប់ឱ្យដឹងនៅព្រឹកថ្ងៃទី១៩ ខែតុលា នេះថា នៅសង្កាត់ព្រែកឬស្សីនេះ ទឹកជន់លិចជិតកន្លះខែមកហើយ ដោយសារទឹកភ្លៀងធ្លាក់មករហូត ។ ហើយគាត់និងគ្រួសារពិបាករស់នៅណាស់ ដោយស្ថានភាពទឹកឡើងខ្លាំងជិតដល់គ្រែគាត់ដេកឯណោះ ។ តែពេលនេះ បានស្រកទៅវិញបណ្តើរៗហើយ។ ចំពោះសម្ភារៈ និងទ្រព្យសម្បត្តិវិញមិនរងការខាតបង់ច្រើនអីទេ ។
គាត់បានបន្ថែមថា មកដល់ពេលនេះ មិនទាន់ឃើញអាជ្ញាធរសង្កាត់ ចុះមកសួរសុខទុក្ខប្រជាពលរដ្ឋនៅឡើយទេ ដោយទទួលបានព័ត៌មានលឺថា ចុះមកៗ តែស្ងាត់ទៅវិញ ។
ដោយឡែកស្ថានភាពទឹកនៅសង្កាត់ដើមមៀន វិញ ក៏មានការថមថយខ្លាំងដែរ ដោយមានការយកចិត្តទុកដាក់ពីសំណាក់ អាជ្ញាធរមូលដ្ឋាន សហការជាមួយកម្លាំងបញ្ជាការដ្ឋានកងអង្គរក្ស ជាពិសេសលោកឧត្តមសេនីយ៍ទោ ឈឿនសុចិត្ត ស្នងការនគរបាលខេត្តកណ្តាល បានបន្តដឹកនាំកម្លាំងចុះពិនិត្យទីតាំងបូមទឹកចេញ ដើម្បីបញ្ជៀសកុំឱ្យមានទឹកជន់លិចបន្តទៀត ។
ចែករំលែកព័តមាននេះ