ម៉ាកាវ៖ ប្រាក់ចំណូលពីការលេងល្បែងនៅទីក្រុងម៉ាកាវដែលជាទីក្រុងល្បែងដ៏ធំបំផុតមួយនៅលើលោកនេះបានធ្លាក់ចុះដល់ទៅ ៩០ ភាគរយក្នុងខែកញ្ញាឆ្នាំ ២០២០ បើធៀបនឹងខែកញ្ញា កាលពីឆ្នាំ ២០១៩កន្លងទៅ ពោលគឺទទួលបានត្រឹមតែ ២៧៦លានដុល្លារអាមេរិកប៉ុណ្ណោះ។…
ម៉ាកាវ៖ ប្រាក់ចំណូលពីការលេងល្បែងនៅទីក្រុងម៉ាកាវដែលជាទីក្រុងល្បែងដ៏ធំបំផុតមួយនៅលើលោកនេះបានធ្លាក់ចុះដល់ទៅ ៩០ ភាគរយក្នុងខែកញ្ញាឆ្នាំ ២០២០ បើធៀបនឹងខែកញ្ញា កាលពីឆ្នាំ ២០១៩កន្លងទៅ ពោលគឺទទួលបានត្រឹមតែ ២៧៦លានដុល្លារអាមេរិកប៉ុណ្ណោះ។ នេះបើយោងតាមការចេញផ្សាយរបស់សារព័ត៌មាន straitstimes ។
តួលេខនៃប្រាក់ចំណូលក្នុងខែកញ្ញា ដែលមានចំនួន ២,២ កោដ៍ប៉ាតា (ប្រមាណជា តែ ២៧៦លានដុល្លារអាមេរិក) ដែលចេញផ្សាយដោយ រដ្ឋាភិបាលម៉ាកាវកាលពីដើមខែ តុលា គឺទាបជាងការរំពឹងទុករបស់អ្នកវិភាគថាវានឹងធ្លាក់ចុះប្រហែលកម្រិតពី ៨៥-៨៦ ភាគរយតែប៉ុណ្ណោះ ។
អ្នកវិភាគបាននិយាយថា ការធ្លាក់ចុះយ៉ាងគំហុក ឬក៏ទាបជាងការរំពឹងទុក គឺដោយសារតែបញ្ហាវិបត្តិជំងឺកូវីដ ១៩ ដែលបានបណ្តាលឲ្យមានការធ្លាក់ចុះនូវចំនួនភ្ញៀវទេសចរ ដែលមកកម្សាន្តនៅទីក្រុងម៉ាកាវ ហើយវាក៏ជាក្តីព្រួយបារម្ភអំពីលំហូរសាច់ប្រាក់នៅក្នុងទីផ្សារល្បែងផងដែរ ។
ជាមួយនឹងការធ្លាក់ចុះចំណូលពីវិស័យល្បែងនៅទីក្រុងម៉ាកាវនេះទៀតសោត ក៏កើតមាននូវការព្រួយបារម្ភមួយថាប្រទេសចិន កំពុងពង្រីកការបង្ក្រាបល្បែងស៊ីសងនៅតំបន់ នាយសមុទ្រមួយនេះ និងបានជំរុញឱ្យមានការដកប្រាក់រាប់ពាន់លានដុល្លារនៅម៉ាកាវដែលគំរាមកំហែងដល់ការស្ទុះងើបឡើងវិញនៃសេដ្ឋកិច្ចដែលកំពុងរងគ្រោះដោយឆ្លងវីរុសឆ្លងកូវីដ ១៩ ។
សូមបញ្ជាក់ថាការដកប្រាក់ជាច្រើននៅទីក្រុងល្បែងម៉ាកាវនេះកើតមានឡើង បន្ទាប់ពីរដ្ឋាភិបាលចិនកាលពីពេលថ្មីៗកន្លងទៅបានសម្រេចឲ្យមានការបន្តទិដ្ឋាកាទេសចរណ៍នៅម៉ាកាវចាប់ពីថ្ងៃទី ២៣ ខែកញ្ញា ហើយនាយកប្រតិបត្តិព្រមានថាការមកដល់កាន់តែច្រើនអាចមានន័យថាមិនល្អនោះគឺការដកប្រាក់កាន់តែច្រើនផងដែរ ។
ប្រាក់ចំណូលពីការលេងល្បែងបានធ្លាក់ចុះចាប់តាំងពីខែកុម្ភៈដោយសារតែការរឹតត្បិតការធ្វើដំណើរដោយសារតែការផ្ទុះនិងការរីករាលដាលនៃជំងឺឆ្លងកូវីដ ១៩ ៕
ចែករំលែកព័តមាននេះ