Mourinho ថ្លែងបែបនេះក្រោយ Spurs ត្រូវ West Ham តាមស្មើចុងម៉ោង
អង់គ្លេស ៖ លោក Jose Mourinho គ្រូបង្វឹកក្រុម Tottenham Hotspur ជឿថាការគិតថាគូប្រជែងបានបាក់ទឹកចិត្ត ជាហេតុផលនាំឱ្យក្រុម…
អង់គ្លេស ៖ លោក Jose Mourinho គ្រូបង្វឹកក្រុម Tottenham Hotspur ជឿថាការគិតថាគូប្រជែងបានបាក់ទឹកចិត្ត ជាហេតុផលនាំឱ្យក្រុម…
អង់គ្លេស ៖ លោក Jose Mourinho គ្រូបង្វឹកក្រុម Tottenham Hotspur ជឿថាការគិតថាគូប្រជែងបានបាក់ទឹកចិត្ត ជាហេតុផលនាំឱ្យក្រុម West Ham មានឱកាសតាមស្មើរហូតដល់ទៅ ៣គ្រាប់នៅចុងម៉ោងវគ្គទី២។
ក្រុមម្ចាស់ផ្ទះ Spurs បានបើកការនាំមុខមុនរហូតដល់ ៣គ្រាប់នៅដើមវគ្គទី១ ដែលរកបានដោយកីឡាករ Son Heung-Min និង Harry Kane (២គ្រាប់ម្នាក់ឯង)។ ភាពភ្ញាក់ផ្អើលក៏បានកើតឡើងនៅចុងម៉ោងក្នុងវគ្គទី២ បន្ទាប់ពីក្រុមភ្ញៀវ West Ham មានឱកាសតាមស្មើ ៣គ្រាប់មកវិញ ដែលធ្វើបានដោយកីឡាករ Fabián Balbuena និង Manuel Lanzini រួមជាមួយគ្រាប់ចូលទីខ្លួនឯងរបស់កីឡាករ Davinson Sánchez របស់ក្រុមម្ចាស់ផ្ទះ។
លោក Jose Mourinho បានថ្លែងក្រោយបញ្ចប់ការប្រកួតថា «ខ្ញុំគិតថាយើងនៅតែមិនជឿថាវាអាចកើតឡើងបាននោះទេ។ វាមិនងាយស្រួលឡើយ ក្នុងការចាញ់ ៣-០ ហើយនៅតែអាចរក្សាជំនឿចិត្ត ក្នុងការវាយបកតាមស្មើមកវិញ។ ខ្ញុំដឹងថាពួកគេជាក្រុមមួយ ដែលខុសគ្នាកាលពីរដូវកាលមុន»។
បរុសព័រទុយហ្គាល់វ័យ ៥៧ឆ្នាំរូបនេះបានបន្តទៀតថា «យើងបានគ្រប់គ្រងស្ទើរទាំងស្រុងសម្រាប់ការប្រកួតនេះ។ ហើយយើងអាចមានឱកាសរកបានគ្រាប់ទី៤។ ពួកយើងគួរតែខ្លាំងជាងនេះ នៅតង់ទី២ និងទទួលបានឱកាសឈ្នះការប្រកួតនេះ។ ប៉ុន្តែកូនក្រុមរបស់ខ្ញុំមិនមានភាពរឹងមាំគ្រប់គ្រាន់ ដើម្បីទប់ទល់នឹងបញ្ហាចិត្តសាស្ត្រ។ ហើយនេះគឺជាបាល់ទាត់។ ពួកគេ [West Ham] ពិតជាសក្តិសមនឹងទទួលបានវា»៕ (ដកស្រង់ចេញពី Dailymail)
ចែករំលែកព័តមាននេះ