ខេត្តព្រះសីហនុ ៖ ជាមួយនឹងអាកាសធាតុមានធ្លាក់ភ្លៀងជាបន្តបន្ទាប់បែបនេះ ធ្វើអោយកម្ពស់ទឹកនៅស្ពានស្ទឹងសំរោងផ្លូវជាតិលេខ៤ ចំណុចគីឡូម៉ែត្រលេខ១១៦ ស្ថិតក្នុងឃុំអូបាក់រទេះ ស្រុកកំពង់សីលា ខេត្តព្រះសីហនុ គិតត្រឹមវេលាម៉ោងជាង១០ព្រឹកថ្ងៃទី១៨ តុលា…
ខេត្តព្រះសីហនុ ៖ ជាមួយនឹងអាកាសធាតុមានធ្លាក់ភ្លៀងជាបន្តបន្ទាប់បែបនេះ ធ្វើអោយកម្ពស់ទឹកនៅស្ពានស្ទឹងសំរោងផ្លូវជាតិលេខ៤ ចំណុចគីឡូម៉ែត្រលេខ១១៦ ស្ថិតក្នុងឃុំអូបាក់រទេះ ស្រុកកំពង់សីលា ខេត្តព្រះសីហនុ គិតត្រឹមវេលាម៉ោងជាង១០ព្រឹកថ្ងៃទី១៨ តុលា ២០២០ ស្ថានភាពទឹកហក់ឡើងមានកម្ពស់ជាង៥ម៉ែត្រហើយ ។
បើតាមការព្យាករណ៍របស់មន្ត្រីជំនាញថា ស្ថានភាពទឹកនេះអាចនឹងមានការកើនឡើងបន្ថែមទៀត ដោយសារនៅវារីអគ្គិសនីគីរីរម្យទី១ ផ្នែកបច្ចេកទេសបានបើកទ្វារទឹកបង្ហូរចេញពីអាងស្តុកជាបណ្តើរៗហើយ ។
ទោះបីជាយ៉ាងនេះក្តី មកទល់ពេលនេះ បើតាមមន្ត្រីបញ្ជាក់ថា កម្រិតទឹកនៅស្ពាននេះ មិនទាន់បង្កផលប៉ះពាល់ដល់ចរាចរណ៍តាមលើផ្លូវជាតិលេខ៤នៅឡើយទេ គិតត្រឹមវេលាថ្ងៃត្រង់ថ្ងៃដដែល ហើយមន្ត្រីសមត្ថកិច្ចអាជ្ញាធរបាននឹងកំពុងប្រចាំការតាមដានយ៉ាងយកចិត្តទុក និងត្រៀមលក្ខណៈគ្រប់បែបយ៉ាងជាមួយនិងអាកាសធាតុនៅបន្តអួអាប់នៅឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ