រាជធានីភ្នំពេញ ៖ ផ្ទះរបស់លោកឧត្តមសេនីយ៍ត្រីយោធាម្នាក់ត្រូវបានអគ្គិភ័យឆាបឆេះ ខណៈពេលដែលដោតបញ្ជូលថ្មអាយផេត និងទូស័ព្ទទុកចោលនៅក្នុងបន្ទប់ ហើយសង្ស័យ តែឆ្លងចរន្តអគ្គិសនី បង្កឱ្យមានការភ្ញាក់ផ្អើលកាលពីម៉ោងប្រមាណ១២ថ្ងៃត្រង់ ថ្ងៃទី១៨ ខែ…
រាជធានីភ្នំពេញ ៖ ផ្ទះរបស់លោកឧត្តមសេនីយ៍ត្រីយោធាម្នាក់ត្រូវបានអគ្គិភ័យឆាបឆេះ ខណៈពេលដែលដោតបញ្ជូលថ្មអាយផេត និងទូស័ព្ទទុកចោលនៅក្នុងបន្ទប់ ហើយសង្ស័យ តែឆ្លងចរន្តអគ្គិសនី បង្កឱ្យមានការភ្ញាក់ផ្អើលកាលពីម៉ោងប្រមាណ១២ថ្ងៃត្រង់ ថ្ងៃទី១៨ ខែ តុលា ឆ្នាំ២០២០ នៅចំណុចផ្ទះលេខ៨២-៨៤ ផ្លូវលេខ WD ទី៤ (បុរីសួរ សារឹទ្ធ) ស្ថិតក្នុងភូមិទួលសំពៅ សង្កាត់ទួលសង្កែ១ ខណ្ឌឬស្សីកែវ ។
ផ្ទះដែលត្រូវភ្លើងឆាបឆេះនេះ ត្រូវបានអាជ្ញាធរឱ្យដឹងថា មានម្ចាស់ឈ្មោះ អ៊ឹង ស៊ីតាតសុវិឡា ភេទប្រុស អាយុ៥៤ឆ្នាំ ជាមន្ត្រីយោធានៅអគ្គបញ្ជាការកងព័ទ្ធ ថានន្តរស័ក ថ្នាក់ឧត្តមសេនីយ៍ត្រី។
បើតាមព័ត៌មានបានឱ្យដឹងថា នៅមុនលកើតហេតុ ខណៈពេលដែលម្ចាស់ផ្ទះកំពុងតែស្ថិតនៅខាងក្រោមផ្ទះ ស្រាប់តែអណ្តាតភ្លើងបានឆាបឆេះ ដោយមានផ្សែងហុយទ្រលោម ចេញពីបន្ទប់ជាន់ទី១ បង្កឱ្យមានការភ្ញាក់ផ្អើលតែម្តង ភ្លាមៗនោះ ម្ចាស់ផ្ទះក៏បានស្ទុះឡើងទៅលើយកបំពង់ពន្លត់អគ្គិភ័យបាញ់ពន្លត់ ។
នៅក្នុងហេតុការណ៍ខាងលើនេះដែរ រថយន្តពន្លត់អគ្គិភ័យចំនួន៣គ្រឿងបានទៅអន្តរាគមន៍បាញ់ពន្លត់ ហើយភ្លើងពុំបណ្តាលឱ្យឆេះរាលដាល់ឡើយ។ នៅក្នុងហេតុការណ៍នេះ គេសង្កេតឃើញលោកជា ពិសី អភិបាលខណ្ឌឬស្សីកែវ រួមជាមួយចៅសង្កាត់ ក៏បានចុះទៅកន្លែងកើតហេតុផងដែរ ។
តាមម្ចាស់ផ្ទះបានឱ្យសមត្ថកិច្ចដឹងថា មូលហេតុ ដែលកើតមានអគ្គិភ័យនេះ គឺដោយសារតែទុស្សេខ្សែភ្លើង ខណៈបញ្ចូលថ្មទូរស័ព្ទ និងអាយផេត ដែលបានដាក់នៅលើតុ ។ តាមម្ចាស់ផ្ទះក៏បានឱ្យដឹងទៀតថា សម្ភារៈវិញរួមមាន តុ, ទូរទស្សន៍ , អាយផេត ព្រមទាំងសម្ភារៈមួយចំនួនទៀតនៅក្នុងបន្ទប់ក៏ត្រូវភ្លើងឆេះរងការខូចខាតផងដែរ។
ទន្ទឹមនឹងនោះដែរ លោក ជា ពិសី អភិបាលខណ្ឌឬស្សីកែវ ក៏បានអំពាវនាវដល់បងប្អូន ប្រជាពលរដ្ឋឱ្យមានការបប្រុងប្រយ័ត្នក្នុងការប្រើបណ្តាញចរន្តអគ្គិសនី ព្រោះថា កន្លងមក អគ្គិភ័យដែល បណ្តាលមកពីឆ្លងចរន្តអគ្គិសនីមានប្រមាណ៧០ទៅ៨០ភាគរយទៅហើយ ៕
ចែករំលែកព័តមាននេះ