រាជធានីភ្នំពេញ ៖ ការប្រដាល់នៅប៉ុស្តិ៍លេខ៥ ដែលបានធ្វើឡើង កាលពីថ្ងៃទី១៧ តុលា ឆ្នាំ២០២០ នៅតែទទួលបាននូវការចាប់អារម្មណ៍ បើទោះជាក្នុងប៉ុន្មានថ្ងៃនេះ នៅក្នុងតំបន់នោះកើតមានជំនន់ទឹកភ្លៀង…
រាជធានីភ្នំពេញ ៖ ការប្រដាល់នៅប៉ុស្តិ៍លេខ៥ ដែលបានធ្វើឡើង កាលពីថ្ងៃទី១៧ តុលា ឆ្នាំ២០២០ នៅតែទទួលបាននូវការចាប់អារម្មណ៍ បើទោះជាក្នុងប៉ុន្មានថ្ងៃនេះ នៅក្នុងតំបន់នោះកើតមានជំនន់ទឹកភ្លៀង ដែលធ្វើអោយតំបន់នៅជុំវិញសង្វៀនមានការតក់ស្លុត។
នៅក្នុងថ្ងៃនោះ កីឡាករដែលបើកឆាកប្រកួតប្រជែង ក៏នៅតែធ្វើអោយមានភាពទាក់ទាញ។ គូប្រយុទ្ធ បើកឆាកនៅក្នុងថ្ងៃនោះឃើញថា មានការវាយតប់គ្នាយ៉ាងគាប់ប្រសើរ ប្រកបដោយល្បិចស្នៀតគួរអោយគយគន់ផងដែរ។ នេះជាការប្រកួតប្រដាល់នៃកម្មវិធីសែលកាត ឆាំពាន ដែលរៀបចំឡើងនៅសង្វៀនព្រែកកំពឹស កាលពីល្ងាចថ្ងៃទី១៧ តុលា ឆ្នាំ២០២០កន្លងទៅ គូបើកឆាកបង្គោលក្រហម កីឡាករ បាន លីម មកពីក្លិបបញ្ជាការដ្ឋានទ័ពពិសេស ប្រកួតជាមួយបង្គោលខៀវ អាំង សំអាត មកពីក្លិបជ្រៃសែនជ័យ ខេត្តកំពង់ស្ពឺ។
បើនិយាយពីបង្គោលខៀវវិញជាសិស្សច្បងមាន បទពិសោធន៍ជាមួយការប្រកួតច្រើនដងមិនធម្មតា។ ឯ បាន លីម ជារៀមប្អូនតែតិចនិចការប្រយុទ្ធក៏សម្បូរច្រើនមិនចាញ់គ្នាឡើយ។
ជារួមអ្នកទាំង២ វាយ២ទឹកដំបូង មិនសូវជាទទួលបានការទាក់ទាញពេកនោះទេ ស្របពេលម្នាក់ៗមានតិចនិចលាក់រៀងៗខ្លួន។ លុះចូលដល់៣ទឹក ចុងក្រោយ បាន លីម បានរកល្បិចប៉ែងជើងវិញ។ សិស្សប្អូនឃើញថា វាយលុកចំគោលដៅជាច្រើនដង ដែលជាសញ្ញាអោយដឹងថា មានតែមឈ្នះច្រើនជាងក្នុងពេលមហាជន ក៏មើលឃើញបែបនេះ។ ចុងក្រោយការប្រកួតបិទបញ្ចប់ បាន លីមឈ្នះសិស្សច្បងដោយពិន្ទុ។
ចែករំលែកព័តមាននេះ