គង់ ចាន់ស្រីមុំ លេងមួយចាស់ដៃដើម្បីអបអរបាន 1M follow នៅក្នុងបណ្តាញសង្គម
- ភ្នំពេញ
រាជធានីភ្នំពេញ ៖ ពិធីការិនីស្រី និងជាតារាសម្តែង ដែលតែងតែបង្ហាញស្ទីលថតរូប ប្លែកៗនិងទីកន្លែងស្អាត អ្នកនាង គង់ ចាន់ស្រីមុំ បានធ្វើអោយមហាជន…
រាជធានីភ្នំពេញ ៖ ពិធីការិនីស្រី និងជាតារាសម្តែង ដែលតែងតែបង្ហាញស្ទីលថតរូប ប្លែកៗនិងទីកន្លែងស្អាត អ្នកនាង គង់ ចាន់ស្រីមុំ បានធ្វើអោយមហាជន និងអ្នកគាំទ្រ អបអរចំពោះនាងយ៉ាងខ្លាំង បន្ទាប់ពីតារាស្រីរូបនេះទទួលបានចំនួនអ្នកចុច follow នៅក្នុងបណ្តាយសង្គម Instagram រហូតមួយលាននាក់ (1M) ។
ដើម្បីអបអរសាទរក្នុងការទទួលបានអ្នកតាមដានច្រើនតាមរយៈបណ្តាញសង្គមបែបនេះ គង់ ចាន់ស្រីមុំ ក៏បានបង្ហោះសារ បង្ហាញការអរគុណដល់អ្នកគាំទ្ររបស់នាង ជាមួយនឹងការបង្ហាញរូបភាពយ៉ាងទាក់ទាញ និងគួរអោយចាប់អារម្មណ៍ ក្នុងការលេងស្ទីលម៉ូដសក់ជាអក្សរ M (តំណាងឲ្យមួយលាន) ថែមទាំងបានគូសលេខ 1 នៅលើផ្ទៃមុខទៀតផង។
យ៉ាងណាមិញ បន្ទាប់ពីឃើញតារាស្រីពេញទៅដោយសមត្ថភាពរូបនេះ បង្ហាញស្ទីលថតរូប នៅក្នុងការអបអរបែបនេះ បានធ្វើអោយអ្នកគាទ្រំ កាន់តែចាប់អារម្មណ៍លើនាងបន្ថែមទៀត និងខ្លះបាននិយាយថា ការតុបតែងរបស់នាងប្លែកៗ តែគួរឲ្យទាក់ទាញ ហើយនាងសមទទួលបានការចុចតាមដានច្រើនបែបនេះ ពីព្រោះតែរូបនាងតែងតែបង្ហាញនូវអ្វីដែលថ្មីប្លែក សម្រាប់អ្នកគាំទ្ររបស់នាងជានិច្ច ។
គួរបញ្ចាក់ផងដែរថា នៅក្នុងចំណោម អ្នកសិល្បៈក្នុងប្រទេសកម្ពុជាទាំងអស់ ដែលលេង នៅបណ្តាញសង្គមInstagram តារាសម្តែង និង ពិធីការិនី គង់ ចាន់ស្រីមុំ បានក្លាយជាតារាស្រីខ្មែរទី ២ ហើយ ដែលទទួលបាន ចំនួនអ្នកចុច Follow កើនឡើងរហូតដល់១ លាននាក់ បន្ទាប់ពី តារាចម្រៀងជួរមុខនៅកម្ពុជា អ្នកនាង ឱក សុគន្ធកញ្ញា ៕
ចែករំលែកព័តមាននេះ