ក្នុងពេលដែលអាជីវករកាន់តែច្រើនងាកទៅប្រកបអាជីវកម្មអនឡាញ គ្រាន់តែមានវត្តមានលើប្រព័ន្ធសង្គមគឺមិនគ្រប់គ្រាន់ទេក្នុងការប្រកួតប្រជែងជាមួយអាជីវកម្មដទៃក្នុងជំនាន់នេះ។ ប៉ុន្តែជាក់ស្តែង អ្នកមិនអាចចាកចេញពីប្រព័ន្ធសង្គមដើម្បីអាចបន្តដំណើរការអាជីវកម្មរបស់អ្នកទេ។ ដូច្នេះតើអ្នកត្រូវធ្វើយ៉ាងដូចម្តេចដើម្បីអាចរកចំណូលបានកាន់តែច្រើនសម្រាប់អាជីវកម្មអនឡាញរបស់អ្នក?
១. រក្សាភាពស្មោះត្រង់
ភាពល្អឥតខ្ចោះមិនមែនជាវីធីល្អជាងគេសម្រាប់ការផ្សព្វផ្សាយពាណិជ្ជកម្មទៀតទេ។ កត្តាសំខាន់គឺអ្នកត្រូវតែតំណាងអ្នកគាំទ្ររបស់អ្នក។ អតិថិជនដែលមើលឃើញអ្វីដែលត្រូវចិត្តរបស់ពួកគេនឹងឧស្សាហ៍រក្សាទំនាក់ទំនងជាមួយអ្នក។ លើសពីនេះទៅទៀត អ្នកត្រូវបង្ហាញប្រាប់អតិថិជនថាអ្នកជាមនុស្ស មិនមែនមនុស្សយន្តដែលគិតតែពីការលក់ទេ។
២. កុំរងចាំដល់ពេលត្រឹមត្រូវដើម្បីចាប់ផ្តើម
មានពេលខ្លះ ការរងចាំមុនពេលបង្កើតប្រេនដោយខ្លួនឯងមិនល្អសម្រាប់អ្នកទេ។ អ្នកមិនចាំបាច់ត្រូវការអ្នកគាំទ្រច្រើនជាមុនសិនទើបអាចចាប់ផ្តើមប្រេនដោយខ្លួនឯងទេ។ អ្នកត្រូវតែវិនិយោគទាំងថវិកា ពេលវេលា និងកម្លាំងលើប្រេនរបស់អ្នក ហើយអ្នកត្រូវតែមានចិត្តចង់មើលឃើញវាជោគជ័យខ្លាំងផងដែរ។
៣. កុំព្យាយាមធ្វើអ្វីទាំងអស់ដោយខ្លួនឯង
ពេលដែលអាជីវកម្មរបស់អ្នកលូតលាស់ដល់កម្រិតណាមួយហើយ អ្នកប្រហែលជាមិនមានពេល និងកម្លាំងសម្រាប់គ្រប់គ្រងគ្រប់ផ្នែកទាំងអស់នៃអាជីវកម្មរបស់អ្នកដូចមុនទេ។ គ្រាន់តែបង្កើតការ Post លើប្រព័ន្ធសង្គមក៏ជាការងារច្រើនស្រាប់ទៅហើយ។ ជាមួយគ្នានេះអ្នកត្រូវដោះស្រាយរឿងទំនាក់ទំនងជាមួយអតិថិជន ផ្សព្វផ្សាយ និងដឹកជញ្ជូនថែមទៀត។ ដល់កម្រិតណាមួយដែលអ្នកគិតថាអ្នកមិនអាចធ្វើដោយខ្លួនឯងបានទៀត អ្នកគួរតែពិចារណាបង្កើតក្រុមការងារមួយដើម្បីជួយអ្នក។
៤. សាកល្បងប្រព័ន្ធសង្គមថ្មីៗ
ទោះជាមានមនុស្សជាច្រើនប្រើ Facebook និង Instagram ពិតមែនក្តី អាជីវករនៅមានឱកាសជាច្រើនទៀតក្នុងការផ្សព្វផ្សាយផលិតផលលើប្រព័ន្ធសង្គមដទៃដូចជា TikTok ជាដើម។ អ្នកអាចបង្កើតវត្តមានលើ TikTok ក្នុងនាមជាម្ចាស់ប្រេនរបស់អ្នកនិងបង្ហាញអ្នកគាំទ្ររបស់អ្នកពីដំណើរទៅរកភាពជោគជ័យ ឧបសគ្គដែលអ្នកជួបប្រទះ ឬការបរាជ័យមួយចំនួនជាដើម ៕
ចែករំលែកព័តមាននេះ