ប្រាំពីរចំនុចដែលធ្វើអោយ Ford Everest សាកសមបំផុតសម្រាប់អ្នកបើកបរ
រថយន្ត Ford Everest ស៊េរីថ្មីដែលទើបបាន សម្ពោធកាលពេលថ្មីៗនេះ បានធ្វើអោយទីផ្សារនៃរថយន្តប្រភេទ SUV ដែលមានបច្ចេកវិទ្យាទំនើប និងសមត្ថភាពខ្ពស់សម្រាប់ការបើកបរ
រថយន្ត Ford Everest ស៊េរីថ្មីដែលទើបបាន សម្ពោធកាលពេលថ្មីៗនេះ បានធ្វើអោយទីផ្សារនៃរថយន្តប្រភេទ SUV ដែលមានបច្ចេកវិទ្យាទំនើប និងសមត្ថភាពខ្ពស់សម្រាប់ការបើកបរនៅគ្រប់ស្ថានភាពផ្លូវ ជាមួយនឹងការសំរិតសំរុំាង និងការច្នៃប្រឌិតខ្ពស់ទៅលើតួរថយន្តផ្នែកខាងក្នុងដ៏ទំនើបនិងមានភាពទូលាយ ដែលអាចផ្ទុកអ្នកដំណើរបានរហូតដល់៧កៅអី សាកសមឥតខ្ចោះសម្រាប់អ្នកប្រើប្រាស់នាពេលបច្ចុប្បន្ននេះ ។
ទាំងនេះ ជាចំនុចពិសេសរបស់រថយន្ត Ford Everest ស៊េរីថ្មី៖
-រថយន្តនេះត្រូវបានផលិតឡើងដោយសម្រិតសម្រាំង នូវតួរថយន្តផ្នែកខាងក្រោមយ៉ាងរឹងមាំដើម្បីប្រ ឈម ជាមួយនឹងការបើកបរនៅលើស្ថានភាពផ្លូវបួនប្រភេទផ្សេងគ្នាដូចជា ការបើកបរនៅលើផ្លូវធម្មតា ផ្លូវដែលមានស្ថានភាពព្រិល/មានក្រួស/មានស្មៅច្រើន ផ្លូវដីខ្សាច់ និងផ្លូវដែលមានដុំថ្មធំៗ ដែលផ្តល់ឲ្យអ្នកបើកបរអាចផ្លាស់ប្តូរនូវការបើកបររបស់ខ្លួននៅតាមស្ថានភាពផ្លូវផ្សេងៗគ្នា ដោយប្រើប្រាស់នូវប្រពន្ធ័គ្រប់គ្រងការបើកបរលើគ្រប់ស្ថានភាពផ្លូវ (Terrain Management System) ជាមួយកម្ពស់រថយន្ត ២២៥មីលីម៉ែត្រ និង សមត្ថភាពក្នុងការបើកបរក្នុងទឹកបាននៅក្នុងជម្រៅ ៨០០មីលីម៉ែត្រ។
-ដើម្បីកាត់បន្ថយភាពលំបាកក្នុងការចូលចត រថយន្ត Ford Everest ស៊េរីថ្មីនេះបានបំពាក់ដោយ ប្រព័ន្ធចូលចតដោយស្វ័យប្រវត្តិ (Active Park Assist) ដែលអាចជួយសម្រួលឲ្យអ្នកបើកបរចូលចតដោយស្វ័យប្រវត្តិ ។
-បច្ចេកវិទ្យាចុងក្រោយដើម្បីផ្សារភ្ជាប់រថយន្តជាមួយនឹងអ្នកបើកបរ នោះគឺ SYNC 2 ដែលអាចឲ្យអ្នកបើកបរប្រើប្រាស់នូវសម្លេងរបស់គាត់ ដើម្បីបញ្ជាទៅលើការកំសាន្តរបស់រថយន្ត ក៏ដូចជាការកំនត់នូវកម្រិតសីតុណ្ហភាពដែលមាននៅក្នុងរថយន្ត និងការភ្ជាប់ទូរស័ព្ទដៃទៅនឹងរថយន្តមានភាពងាយស្រួលជាងមុជាមួយនឹងអេក្រង់ Touch Screen ដែលមានទំហំ ៨អ៊ីញ។
-ប្រព័ន្ធទប់លំនឹងរថយន្តលើផ្លូវកោង (Curve Control) បានបង្កើតឡើងសម្រាប់ផ្តល់ជូនអ្នកបើកបរអាចគ្រប់គ្រងរថយន្តបាននៅពេលដែលរថយន្តកំពុងបើកបរក្នុងល្បឿនលឿនដើម្បីបញ្ចៀសរថយន្តឲ្យជៀសផុតពីការក្រឡាប់។ ជាងនេះទៅទៀត ប្រព័ន្ធផ្តល់ដំណឹងគ្រោះថ្នាក់ជុំវិញរថយន្ត (Blind Sport Information System) រួមជាមួយនឹង ប្រព័ន្ធប្រាប់ដំនឹងពេលមានរថយន្តពីខាងក្រោយ (Cross Traffic Alert) អាចបង្ហាញអ្នកបើកបរនៅពេលដែលមានរថយន្តមកពីផ្នែកដែលគាត់មើលមិនឃើញខណៈពេលដែលកំពុងបើកបរឬហៀបនឹងចូលចត។
-ការបំពាក់បន្ថែមនូវបច្ចេកវិទ្យាទំនើបៗផ្សេងទៀតដូចជា ប្រព័ន្ធគ្រប់គ្រងរថយន្តមិនឲ្យក្រឡាប់ (Roll Stability Control) និងប្រព័ន្ធទប់លំនឹងរថយន្ត (Electronic Stability Program) ដែលមានមុខងារយ៉ាងសំខាន់ក្នុងការជួយឲ្យអ្នកបើកបរគ្រប់គ្រងស្ថានភាពរថយន្តបាន។
-ការបំពាក់នូវបច្ចេកវិទ្យាក្នុងការគ្រប់គ្រងនូវសុវត្ថិភាព ដែលបានបំពាក់នៅលើរថយន្ត សម្រាប់អ្នកបើកបរក៏ដូចជាអ្នកដំណើរផងដែរនោះគឺ ការបំពាក់ពោងសុវត្ថិភាពចំនួន ៧សម្រាប់ការពារនៅពេលជួបនូវការបុកទង្គិចផ្សេងៗ ។
ជាមួយនឹងការបំពាក់ដោយបច្ចេកវិទ្យាដ៏វៃឆ្លាត និងការសម្រិតសម្រាំងរចនានៅតួរថយន្តផ្នែកខាងក្នុង ព្រមទាំងសមត្ថភាពបើកបរនៅលើផ្លូវជាតិឬផ្លូវដែលមានស្ថានភាពលំបាក រថយន្ត Ford Everest គឺជារថយន្តប្រភេទ SUV ដែលសាកសមបំផុតសម្រាប់ការប្រើប្រាស់នៅក្នុងទីផ្សារអាស៊ាន” នេះបើតាមការបញ្ជាក់របស់លោក Worthington ៕
សូមទស្សនាវីដេអូ ៖
ចែករំលែកព័តមាននេះ