ខេត្តត្បូងឃ្មុំ ៖ ពិតជាគួរឱ្យសង្វេគណាស់ ដោយបុរសជាប្តីបានបាត់បង់ជីវិតនៅក្នុងផ្ទះតៀមតូចមួយ ក្នុងភូមិខ្នងក្រពើលិច ឃុំត្រមូង ស្រុកមេមត់។ លុះមកដល់ម៉ោងប្រហែល៦ព្រឹកថ្ងៃទី១៦ តុលា ២០២០ ស្ត្រីជាប្រពន្ធបានជិះកង់ទៅផ្សារ ដើម្បីទិញទាន ធូបមកធ្វើបុណ្យ តែមិនទាន់ដល់ផ្សារផង ប្រពន្ធក៏បានខ្យល់គរបាត់បង់ជីវិតដែរ ដោយបន្សល់ទុកកូនចំនួន២នាក់ ។ បច្ចុប្បន្ន សពប្ដីប្រពន្ធត្រូវបានអាជ្ញាធរនិងប្រជាពលរដ្ឋជួយរៀបចំធ្វើបុណ្យនៅសាលាបុណ្យតាមប្រពៃណី ។
លោកវិញ នី មេឃុំត្រមូង មានប្រសាសន៍ឲ្យដឹងថា បុរសជាប្តីឈ្មោះស សេត អាយុ៤៦ ឆ្នាំ ជាមនុស្សម្នាក់ញៀនស្រាស្រវឹងស្ទើររាល់ថ្ងៃ ។ ចំណែកប្រពន្ធវិញឈ្មោះផា ស្រី
ណែត អាយុ៣៦ឆ្នាំ ។ មិនអាចធ្វើបុណ្យនៅក្នុងផ្ទះតៀមបានទេ ដោយសារតែភ្លៀងពេក ហើយត្រូវបានប្រជាពលរដ្ឋក្នុងភូមិ សហការជាមួយអាជ្ញាធរដែនដីរៀបចំធ្វើបុណ្យនៅសាលាបុណ្យតែម្ដង។ ជាមួយនោះ បន្សល់ទុកនូវកូនស្រីបងអាយុ១៥ឆ្នាំ និងកូនប្រុសតូចអាយុ៣ឆ្នាំ ត្រូវបានជីដូនជីតាខាងម្ដាយយកទៅចិញ្ចឹមបន្ត។
លោកមេឃុំត្រមូង មានប្រសាសន៍បន្តថា បុរសជាប្ដីកាលនៅរស់ បានយកស្ត្រីឈ្មោះស្រីណែត ជាមេម៉ាយកូនមួយបានរយៈពេល៤ទៅ៥ឆ្នាំមកហើយ ព្រមទាំងបានកូនប្រុសតូចម្នាក់សព្វថ្ងៃអាយុបាន៣ឆ្នាំហើយ ។ ចំណែកស្ត្រីជាប្រពន្ធវិញហេតុតែស្រឡាញ់ប្ដីបានដើរស៊ីឈ្នួលលាងចានឲ្យគេគ្រាន់នឹងបានប្រាក់មកដោះស្រាយជីវ
ភាពគ្រួសារ ។ ហើយផ្ទះតៀមតូចចង្អៀតដែលនៅសព្វថ្ងៃគឺពុំមែនជាផ្ទះរបស់ខ្លួននោះទេ គ្រាន់តែសុំគេនៅជាបណ្ដោះអាសន្ននិងជួយចាំដីឱ្យគេផងដែរ ។ រាល់ពេលផឹកស្រាស្រវឹងតែងតែប្រះខ្លួនដេកដូចសព្វមួយដង នៅក្នុងផ្ទះតៀម ។
ជាក់ស្ដែង នៅវេលាម៉ោងប្រមាណជា៨យប់ថ្ងៃទី១៥ តុលា ២០២០ ហេតុតែបុរសជាប្ដីបានផឹកស្រាស្រវឹងហើយ ក៏បណ្ដាលឲ្យបាត់បង់ជីវិតភ្លាមៗនោះ ប្រពន្ធមិនបានដឹងថា ប្ដីស្លាប់ទេ ទើបតែរហូតដល់ជិតភ្លឺឈានចូលថ្ងៃទី១៦ តុលា ទើបដឹង ។
ជាមួយនោះ ប្រពន្ធក៏បានដើរប្រាប់អ្នកជិតខាងឲ្យបានដឹងមកចូលរួមបុណ្យសពប្ដី ហើយនៅវេលាម៉ោងប្រមាណជាង៦ព្រឹក ប្រពន្ធបានជិះកង់ដើម្បីទៅផ្សារទិញទាន
ធូប ព្រមទាំងរបស់របរផ្សេងទៀតដើម្បីរៀបចំធ្វើបុណ្យសពឲ្យប្ដី។
ចែករំលែកព័តមាននេះ