វៀតណាម ៖ គិតត្រឹមព្រឹកថ្ងៃទី ១៦ ខែតុលាឆ្នាំ ២០២០ នេះសាកសពមនុស្សចំនួន ១៣ ត្រូវបានគេរកឃើញនៅក្បែររោងចក្រវារីអគ្គិសនី ដែលបានបាក់ដីនៅភាគកណ្តាលប្រទេសវៀតណាមហើយសាកសពទាំងនោះគឺភាគច្រើនជាទាហានដែលបានព្យាយាមជួយសង្គ្រោះកម្មករដែលជាប់នៅក្នុងរោងចក្ររោងចក្រវារីអគ្គិសនី ។ នេះបើយោងតាមការចុះផ្សាយរបស់សារព័ត៌មាន Vietnam News ។
សាកសព ត្រូវបានគេរកឃើញនៅអនុតំបន់ ៦៧ នៃស្ថានីយ៍អនុរក្សព្រៃទន្លេ Bồ, ដែលមានទាហាន ១៣ នាក់ត្រូវបានជាប់ដោយការរអិលបាក់ដីនៅតាមផ្លូវរបស់ពួកគេទៅកាន់រោងចក្រវារីអគ្គិសនី Rào Trăng 3 នៃបេសកកម្មជួយសង្គ្រោះមួយរបស់ពួកទាហាម ។
គិតត្រឹមរសៀលថ្ងៃព្រហស្បតិ៍ ក្រុមអ្នកជួយសង្គ្រោះបានកំណត់ទីតាំងសមាជិកបាត់ខ្លួនទាំង ១៣ នាក់នៃក្រុមជួយសង្គ្រោះនៅក្នុងអនុតំបន់ ៦៧ ដែលមានចម្ងាយជាង ១០ គីឡូម៉ែត្រពីផ្លូវធំហើយសាកសពដំបូងត្រូវបានគេទាញចេញពីតំបន់នោះ។
ក្រោយការខិតខំរបស់ក្រុមជួយសង្គ្រោះ ទាហានទាំង ១៣ នាក់ដែលរងគ្រោះដោយសារតែដីបាក់សង្កត់ត្រូវបានរកឃើញនិងកំណត់នូវអត្តសញ្ញាណជនរងគ្រោះចំនួន ១៣ នាក់ ផងដែរ ដែលសុទ្ធជាទាហាន មានទាំង មេបញ្ជាការរងនៃយោធភូមិភាគទី ៤ និង អនុប្រធាននាយកដ្ឋានស្រាវជ្រាវនិងជួយសង្គ្រោះក្រសួងការពារជាតិជាដើម ។ សាកសពត្រូវបានបញ្ជូនទៅមន្ទីរពេទ្យយោធា ២៦៨ ក្នុងខេត្ត Thừa Thiên Huế ។
នៅព្រឹកថ្ងៃទី ១៦ តុលានេះ នាយករដ្ឋមន្ត្រីវៀតណាម Nguyễn Xuân Phúc ក្នុងនាមរដ្ឋាភិបាលបានផ្ញើសារចូលរួមមរណទុក្ខយ៉ាងក្រៀមក្រំបំផុតដល់ក្រុមគ្រួសារនិងសាច់ញាតិរបស់នាយទាហាននិងពលទាហានដែលត្រូវបានកប់ដោយការបាក់ដីនៅពេលពួកគេធ្វើដំណើរទៅកាន់រោងចក្រវារីអគ្គិស Rào Trăng 3 ក្នុងបេសកកម្មជួយសង្គ្រោះនៅទីនោះកាលពីថ្ងៃអង្គារ៍ ៕
ចែករំលែកព័តមាននេះ