ថៃ ៖ គណៈរដ្ឋមន្ត្រីថៃនៅថ្ងៃសុក្រនេះ បានអនុម័តជាផ្លូវការនូវស្ថានភាពអាសន្ននៅក្នុងទីក្រុងបាងកកនៅក្នុងកិច្ចប្រជុំបន្ទាន់មួយ ដែលត្រូវបានស្នើឡើងដោយ លោក ប្រាយុទ្ធ ចាន់អូចា (Prayut Chan-o-cha)…
ថៃ ៖ គណៈរដ្ឋមន្ត្រីថៃនៅថ្ងៃសុក្រនេះ បានអនុម័តជាផ្លូវការនូវស្ថានភាពអាសន្ននៅក្នុងទីក្រុងបាងកកនៅក្នុងកិច្ចប្រជុំបន្ទាន់មួយ ដែលត្រូវបានស្នើឡើងដោយ លោក ប្រាយុទ្ធ ចាន់អូចា (Prayut Chan-o-cha) នាយករដ្ឋមន្ត្រីថៃ ។ នេះបើយោងតាមការចុះផ្សាយរបស់កាសែតបាងកកប៉ុស្តិ៍ ចុះថ្ងៃទី១៦ ខែតុលានេះ ។
ឧត្តមសេនីយ៍ ប្រាយុទ្ធ បានកោះប្រជុំគណៈរដ្ឋមន្ត្រីនៅម៉ោង ១០ ព្រឹកថ្ងៃសុក្រ ដើម្បីពិភាក្សាអំពីក្រឹត្យបន្ទាន់ដែលលោកបានអំពាវនាវនៅទីក្រុងបាងកកប្រហែលម៉ោង ៤ ព្រឹកថ្ងៃព្រហស្បតិ៍បន្ទាប់ពីមានការតវ៉ាតាមដងផ្លូវនៅក្នុងរដ្ឋធានីបាងកកកាន់តែខ្លាំងឡើងនោះ ។
លោកឧត្តមសេនីយ៍ ប្រាយុទ្ធ បានប្រាប់ក្រុមអ្នកយកព័ត៌មានថាបម្រាមគោចរហាមឃាត់ប្រជាជនមិនឱ្យចាកចេញពីផ្ទះនៅពេលយប់អាចនឹងត្រូវបានដាក់ប្រសិន បើស្ថានការណ៍កាន់តែកើនឡើងខ្លាំងមិនល្អ។ លោកបានទទូចថាស្ថានភាពនេះមិនធានាចំពោះការប្រកាសពីច្បាប់អាជ្ញាសឹកនោះទេ។
នៅក្នុងកិច្ចប្រជុំនោះ ខុទ្ទកាល័យលេខាធិការគណៈរដ្ឋមន្ត្រីបានប្រកាសអនុម័តជាផ្លូវការនូវក្រឹត្យបន្ទាន់ក្នុងទីក្រុងបាងកក សម្រាប់រយៈពេលមួយខែគិតចាប់ពីថ្ងៃទី ១៥ ខែតុលាដូចដែលបានស្នើដោយក្រុមប្រឹក្សាសន្តិសុខជាតិ។
យោងតាមសេចក្តីជូនដំណឹងបានអោយដឹងថាក្រឹត្យបន្ទាន់នេះត្រូវបានចេញបន្ទាប់ពីក្រុមមនុស្សដែលហៅខ្លួនឯងថា “Khana Rassadorn 2563’’ (គណបក្សប្រជាជន ២០២០) បានញុះញង់ប្រជាជនអោយចេញមកប្រមូលផ្តុំគ្នានៅទីក្រុងបាងកកជាច្រើនលើកច្រើនសារ ។
ក្រុមមេដឹកនាំបាននិយាយថាមេដឹកនាំបាតុកម្មបានកោះហៅមហាបាតុកម្មកាលពីថ្ងៃពុធនៅវិមានប្រជាធិបតេយ្យ លើវិថី Ratchadamnoen Avenue ហើយបន្ទាប់មកបានដើរដណ្តើមកាន់កាប់តំបន់នៅខាងក្រៅវិមានរដ្ឋាភិបាលនៅយប់នោះ។
សេចក្តីប្រកាសបាននិយាយថា ក្នុងអំឡុងពេលនៃការតវ៉ានោះ មេដឹកនាំបាតុកម្មបានធ្វើសកម្មភាពរំលោភច្បាប់ទាក់ទងនឹងការប្រមូលផ្តុំជាសាធារណៈនិងបានប្រើបណ្តាញជាច្រើនដើម្បីញុះញង់ឱ្យមានការរំជើបរំជួល រួមទាំងការរារាំងរបស់ក្រុមបាតុករទៅលើក្បូនដង្ហែរបស់ព្រះបរមរាជវាំង។
ការប្រមូលផ្ដុំធ្វើបាតុកម្មនេះក៏បានធ្វើឲ្យប៉ះពាល់លើវិធានការណ៍នានាដើម្បីគ្រប់គ្រងការរីករាលដាលនិងការឆ្លងនៃមេរោគឆ្លងកូវីដ ១៩ ដែលនឹងជះឥទ្ធិពលដោយផ្ទាល់ដល់សេដ្ឋកិច្ចផុយស្រួយរបស់ប្រទេសថៃទៀតផង។
សេចក្តីប្រកាសរបស់លេខាធិការដ្ឋានបាននិយាយថា ជាមួយនឹងហេតុផលទាំងនេះនាយករដ្ឋមន្ត្រីបានសម្រេចចិត្តប្រកាសក្រឹត្យបន្ទាន់មួយក្នុងទីក្រុងបាងកកដែលចាប់ផ្តើមពីម៉ោង ៤ ព្រឹកថ្ងៃទី ១៥ ខែតុលា ៕
ចែករំលែកព័តមាននេះ