ថៃ​ចាប់​ពលករ​ខ្មែរ​ជិត១០​​នាក់​ទៀត​នៅ​ខេត្ត​ស្រះ​កែវ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ថៃ​ចាប់​ពលករ​ខ្មែរ​ជិត១០​​នាក់​ទៀត​នៅ​ខេត្ត​ស្រះ​កែវ

3 ខែ មុន
  • Banteay Meanchey

​ខេត្ត​បន្ទាយ​មាន​ជ័យ​ ៖ ​សមត្ថកិច្ច​ចម្រុះ​ថៃ​នៅ​ខេត្ត​ស្រះ​កែវ​បាន​ចាប់ខ្លួន​ពលករ​ខ្មែរ​ចំនួន​៨​នាក់​ ខណៈ​កំពុង​ជិះ​​រថយន្ត​ប្រុង​ទៅ​រក​ការងារ​ធ្វើ​នៅ​ខេត្ត​រ៉ា​ក់​យ៉ង​កាលពី​យប់​ថ្ងៃ​ទី​១៤​ តុលា​ ២០២០​។​ ពលករ​ទាំង​៨​នាក់​ខាងលើ​ ក្នុងនោះ​មាន​ស្ត្រី​ចំនួន​៥ ​​និង​បុរស​ចំនួន​​​៣​នាក់​ នេះ​បើ​យោង​តាម​កា​ចុះ​ផ្សាយ​លើ​គេហទំព័រ​និង​កាសែត​ក្នុងស្រុក​របស់​ថៃ​មួយ​។…

​ខេត្ត​បន្ទាយ​មាន​ជ័យ​ ៖ ​សមត្ថកិច្ច​ចម្រុះ​ថៃ​នៅ​ខេត្ត​ស្រះ​កែវ​បាន​ចាប់ខ្លួន​ពលករ​ខ្មែរ​ចំនួន​៨​នាក់​ ខណៈ​កំពុង​ជិះ​​រថយន្ត​ប្រុង​ទៅ​រក​ការងារ​ធ្វើ​នៅ​ខេត្ត​រ៉ា​ក់​យ៉ង​កាលពី​យប់​ថ្ងៃ​ទី​១៤​ តុលា​ ២០២០​។​ ពលករ​ទាំង​៨​នាក់​ខាងលើ​ ក្នុងនោះ​មាន​ស្ត្រី​ចំនួន​៥ ​​និង​បុរស​ចំនួន​​​៣​នាក់​ នេះ​បើ​យោង​តាម​កា​ចុះ​ផ្សាយ​លើ​គេហទំព័រ​និង​កាសែត​ក្នុងស្រុក​របស់​ថៃ​មួយ​។

​យោង​កា​រ​សាកសួរ​ពលករ​ទាំងនេះ​សារភាព​ថា​ ពួក​គេ​បាន​ឆ្លង​ពី​កម្ពុជា​តាម​ច្រករបៀង​មួយ​មិន​ស្គាល់ឈ្មោះ​ចូល​ទៅ​ដី​ថៃ​ចំណុច​ភូមិ​ណ​ង​ចាន់​ ឃុំ​ណូ​ន​ម៉ាក់​មុន ​ស្រុក​គោក​ធ្យូង​ ខេត្ត​ស្រះ​កែវ ​ឈម​ទឹកដី​កម្ពុជា​ស្រុក​អូរ​ជ្រៅ​ ខេត្តបន្ទាយមានជ័យ​ ហើយ​ទើប​ឡើង​ជិះ​រថយន្ត​ចេញពី​ព្រំដែន​បាន​បន្តិច​ក៏​ត្រូវ​កម្លាំង​ចម្រុះ​ថៃ​ស្ទាក់​ឆែក​រថយន្ត​ដែល​ពួក​គេ​កំពុង​ជិះ​​ឃាត់ខ្លួន​ទាំង​អ្នកបើកបរ​ជា​ជនជាតិ​ថៃ​ម្នាក់​ផង​ដែរ​។

​ទាំង​ពលករ​និង​អ្នកបើកបរ​ជា​ជនជាតិ​ថៃ​ត្រូវ​បាន​គេ​បញ្ជូន​ទៅ​ស្ថានីយតម្រួត​ស្រុក​គោក​ធ្យូង​ដើម្បី​ចាត់ការ​បន្ត​ ។ ​ករណី​ពលករ​ខ្មែរលើ​ទឹកដី​ថៃ​បើ​តាម​មន្ត្រី​ជំនាញ​ការិយាល័យ​ប្រឆាំង​កា​ជួញដូរ​និង​ការពារ​អនីតិជន​នៃ​ស្នងការដ្ឋាន​នគរបាល​ខេត្តបន្ទាយមានជ័យ​ប្រាប់​ថា​ជា​មធ្យម​ពលករ​វិល​ត្រឡប់​ពី​ថៃ​តាម​ច្រក​កិច្ចព្រមព្រៀង​រវៀង​ខេត្តបន្ទាយមានជ័យ​និង​ខេត្ត​ស្រះ​កែវ​(​ច្រករបៀង​អូរ​បី​ជាន់​)​ជាង​២០០​នាក់​ក្នុង​១​ថ្ងៃ​ៗ​ព្រោះ​ថ្ងៃ​ខ្លះ​មាន​រហូត​ដល់​ទៅ​៤០០​នាក់​ក៍មានដែរ​។​

មន្ត្រី​ដដែល​បន្ត​ថា​ពលករ​ទាំងនេះ​ស្ទើរតែ​ទាំងអស់​វិល​ត្រឡប់​ពី​ថៃ​ដោយ​ខ្លួនឯង​ព្រោះ​ជាប់​គាំង​ដោយសា​មេរោគ​កូ​វីដ​ ​ពួក​គេ​វិល​មក​ប្រទេស​វិញ​ដោយ​គ្មាន​អ្នក​ណា​ចាប់​ទេ​ព្រោះ​មាន​ឯកសា​គ្រប់គ្រាន់​។​ម្យ៉ាង​ភាគី​ថៃ​បើកចំហរ​តែ​ច្រក​កិច្ចព្រមព្រៀង​ខាងលើ​ខណៈ​ច្រក​អន្តរជាតិ​នានា​បិទ​មិន​ឲ្យ​មាន​អ្នកដំណើរ​ថ្មើ​រជើង​ឆ្លងកាត់​ឡើយ​។

​លោក​ប្រាប់​ថា​មាន​មួយ​ចំនួន​តូច​វិល​មក​អត់​ច្បាប់​ត្រូវ​គេ​ចាប់​បញ្ជូន​ត្រឡប់​តាម​ច្រក​កិច្ចព្រមព្រៀង​នេះ​ដូច​គ្នា​ ។​ លោក​បញ្ជាក់​ថា​ ៧​ថ្ងៃ​ចុង​ក្រោយ​នៃ​ដើមខែ​តុលា​នេះ​គិត​ត្រឹម​ថ្ងៃ​១៤​ម្សិលមិញ​មាន​ពលករ​វិល​ត្រឡប់​ពី​ថៃ​តាម​ច្រក​កិច្ចព្រមព្រៀង​ខាងលើ​ចំនួន​១៧៤១​នាក់​៕​ (កែសម្រួលដោយ ៖ ធីតា​)