រាជធានីភ្នំពេញ ៖ គ្រាដែលអាជ្ញាធរគ្រប់លំដាប់ថ្នាក់ ចុះអន្តរាគមន៍ជួយសង្គ្រោះ និងជម្លៀសប្រជាពលរដ្ឋរងគ្រោះ ដោយសារជំនន់ទឹកភ្លៀង ឲ្យទៅទីទួលសុវត្ថិភាពនោះ ប្រហែលជាមានប្រជាពលរដ្ឋខ្លះទុកសត្វចិញ្ចឹមរបស់ខ្លួនចោលនៅតាមផ្ទះផងដែរ ដឹងទេ? សត្វវាក៏ចង់រស់ដែរ…
រាជធានីភ្នំពេញ ៖ គ្រាដែលអាជ្ញាធរគ្រប់លំដាប់ថ្នាក់ ចុះអន្តរាគមន៍ជួយសង្គ្រោះ និងជម្លៀសប្រជាពលរដ្ឋរងគ្រោះ ដោយសារជំនន់ទឹកភ្លៀង ឲ្យទៅទីទួលសុវត្ថិភាពនោះ ប្រហែលជាមានប្រជាពលរដ្ឋខ្លះទុកសត្វចិញ្ចឹមរបស់ខ្លួនចោលនៅតាមផ្ទះផងដែរ ដឹងទេ? សត្វវាក៏ចង់រស់ដែរ បើអាចសូមយកសត្វទាំងនោះ មកផ្ញើនៅហាងមួយ អោយជួយចិញ្ចឹមក៏បាន ដោយឥតគិតថ្លៃ ។
ហាងមួយឈ្មោះ pet collection shop បានប្រកាសនៅម៉ោង៤រសៀលថ្ងៃទី១៥ ខែតុលា ឆ្នាំ២០២០នេះថា «ខ្មែរជួយខ្មែរ ដោយសារតែប្រទេសកម្ពុជាយើង ជួបវិបត្តិទឹកជំនន់ធ្ងន់ធ្ងរ ហាងយើងខ្ញុំមានទទួលផ្ញើសត្វចិញ្ចឹម ដោយឥតគិតថ្លៃ រហូតដល់ស្ថានភាពត្រលប់មកជាធម្មតាវិញ ។ អាស្រ័យហេតុនេះ បងៗណា ដែលជួបវិបត្តិទឹកជំនន់ ជាពិសេសបងៗ ដែលនៅខណ្ឌដង្កោ និងកន្លែងដែលរងគ្រោះផ្សេងទៀត អាចយកសត្វចិញ្ចឹមរបស់ខ្លួន មកផ្ញើនៅកន្លែងនាងខ្ញុំបាន ដោយក្ដីគោរព និងចែករំលែកចំពោះការជួយគ្នាក្នុងគ្រាមានអាសន្ន ។ ទាក់ទងមកលេខទូរស័ព្ទនាងខ្ញុំផ្ទាល់ 096 6666 500» ។
ដូច្នេះបើសិនបងប្អូនណា ដែលរងគ្រោះដោយសារតែទឹកជំនន់លិចផ្ទះសំបែង ហើយមានបំណងចង់ផ្ញើសត្វចិញ្ចឹមជាទីស្រលាញ់ បងប្អូនអាចទំនាក់ទំនងម្ចាស់ហាងដែលមានចិត្តសប្បុរសធម៌រូបនេះតាមលេខទូរស័ព្ទខាងលើ ឫតាមរយៈអាសយដ្ឋាន នៅខាងក្រោយមន្ទីរពេទ្យលោកសង្ឃ ផ្លូវ 265 ផ្ទះលេខ 4 (ខាងចុងស្ពាអាកាស៧មករា) ៕
ចែករំលែកព័តមាននេះ